နိုဝင်ဘာ ၂ ရက်နေ့အထိ နောက်ဆုံး ရရှိထားသမျှ ကမ္ဘာ့ဖလားနဲ့ ပတ်သတ်တဲ့ စိတ်ဝင်စားစရာ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
အီရန်ကို ပြိုင်ပွဲ ကနေ ထုတ်ပယ်ပြီး သူတို့ကို အစားထိုးဖို့ ဖိအားပေးနေတဲ့ ယူကရိန်း
ယူကရိန်း ဘောလုံးအဖွဲ့ချုပ် ကတော့ အီရန်ကို ကမ္ဘာ့ဖလား ပြိုင်ပွဲ ကနေ ထုတ်ပယ်ပြီး သူတို့ရဲ့ အသင်းကို အစားထိုး ယှဉ်ပြိုင်ခွင့်ပေးဖို့ ဖီဖာ (ကမ္ဘာ့ဘောလုံးအဖွဲ့ချုပ်)ကို ဖိအားပေးလျက် ရှိပါတယ်။
ဒါ့အပြင် အာရှဇုန် ကနေ ခြေစစ်ပွဲ အောင်မြင်ခဲ့တဲ့ အီရန်ကို ရုရှား လက်ရွေးစင် အသင်းလို ထုတ်ပယ်ခဲ့မယ် ဆိုရင်လည်း ယူကရိန်းက သူတို့ကို အစားထိုး ကစားခွင့်ပေးဖို့ ခွင့်ပြုချက် တောင်းခံထားပြီး ဖီဖာ အတွက်တော့ အကျပ်ရိုက်စေတဲ့ ကိစ္စတစ်ခု ဖြစ်လာခဲ့ပါပြီလို့ပဲ ဆိုရမှာပါ။
ဒါ့အပြင် ယူကရိန်းက အီရန်နိုင်ငံမှာ ဖြစ်ပွားနေတဲ့ ဆန္ဒပြမှုတွေမှာ လူ့အခွင့်အရေး ချိုးဖောက်မှုတွေ ရှိနေပြီး ကုလသမဂ္ဂ လုံခြုံရေး ကောင်စီရဲ့ ဆုံးဖြတ်ချက်ကို ထည့်သွင်း စဉ်းစားဖို့၊ ဖီဖာရဲ့ ပဋိဉာဉ် အခြေခံမူနဲ့ စံနှုန်းတွေကို ဖောက်ဖျက်နိုင်တဲ့ အီရန်ကို အရေးယူဖို့ အဆို တင်သွင်းထားတယ်လို့လည်း သိရပါတယ်။
ကမ္ဘာ့ဖလား ပြိုင်ပွဲ အတွက် မသေမချာဖြစ်နေတဲ့ လူကာကူ
ဘယ်လ်ဂျီယံ တိုက်စစ်မှူး ရိုမယ်လူ လူကာကူဟာ တံကောက်ကြော ဒဏ်ရာကြောင့် ၃ ပတ်ကြာ အနားယူရမှာ ဖြစ်ပြီး ကမ္ဘာ့ဖလားကို ပါဝင်ကစားခွင့်ရဖို့ မသေမချာ ဖြစ်နေပြီလို့ သိရပါတယ်။ အင်တာမီလန်မှာ ကစားနေတဲ့ တိုက်စစ်မှူးဟာ ဘယ်လ်ဂျီယံရဲ့ အရေးပါတဲ့ တိုက်စစ်မှူး တစ်ဦး ဖြစ်ပြီး သူမပါဝင်နိုင်ရင်တော့ ဘယ်လ်ဂျီယံ တိုက်စစ်ပိုင်းက အားနည်းချက်တွေ ရှိလာမှာ ဖြစ်ပါတယ်။
ချဲလ်ဆီး ကနေ အင်တာမီလန်ကို အငှားနဲ့ နောက်တစ်ကြိမ် သွားကစားနေရာမှာ ခြေစွမ်းမပြနိုင် ဖြစ်နေတဲ့ လူကာကူဟာ ပြီးခဲ့တဲ့ အပတ်က အသင်း အတွက် ပါဝင် ကစားပေးခဲ့ပါသေးတယ်။ ဒါပေမယ့် လေ့ကျင့်ရေးကွင်းမှာ တံကောက်ကြော ဒဏ်ရာဟောင်းက ပြန်လည် ဖြစ်ပွားခဲ့တာလို့ သိရပြီး ကမ္ဘာ့ဖလား ပြိုင်ပွဲ ကစားဖို့ နီးကပ်တဲ့ အချိန်ထိ အနားယူရဖွယ် ရှိနေတာ ဖြစ်ပါတယ်။
ဘယ်လ်ဂျီယံ ကတော့ ကမ္ဘာ့ဖလား အုပ်စု (စ) မှာ ကျရောက်နေပြီး နိုဝင်ဘာလ ၂၇ ရက်နေ့မှာ ကနေဒါနဲ့ အဖွင့်ပွဲ ကစားရမှာ ဖြစ်ပါတယ်။ အဲဒီနောက်မှာ မော်ရိုကို၊ ခရိုးအေးရှား တို့နဲ့ ဆက်လက် ကစားရမှာ ဖြစ်ပြီး ကမ္ဘာ့အဆင့် ၂ မှာ ရပ်တည်နေတဲ့ သူတို့ အသင်းက ဒီပြိုင်ပွဲမှာ ဗိုလ်စွဲဖို့ ရေပန်းစားနေတဲ့ ထိပ်ဆုံး အသင်း ၁၀ သင်းထဲမှာ ပါဝင်နေပါတယ်။
ကမ္ဘာ့ဖလား အတွက် အလုပ်လုပ်ပေးခဲ့တဲ့ အလုပ်သမားတွေ နှင်ထုတ်ခံရ
ကာတာ ကမ္ဘာ့ဖလား ပြိုင်ပွဲ အတွက် ကွင်းတည်ဆောက်ရေး အပါအဝင် အခြားသော ကဏ္ဍအစုံမှာ ပါဝင် အားဖြည့်ပေးခဲ့တဲ့ အလုပ်သမားတွေကို ဒေသ အာဏာပိုင်တွေက သူတို့ နေထိုင်ရာ အဆောင်တွေ ကနေ အချိန် (၂) နာရီသာ ပေးပြီး နှင်ထုတ်ခဲ့ကြောင်း သိရပါတယ်။
ကာတာနိုင်ငံဟာ ကမ္ဘာ့ဖလား ပြိုင်ပွဲ အတွက် ကြိုတင် ပြင်ဆင်မှုတွေမှာ အလုပ်သမားတွေကို ခေါင်းပုံဖြတ် ခိုင်းစေမှုကြောင့် ဝေဖန်မှုတွေနဲ့ အပြင်းအထန် ရင်ဆိုင်ခဲ့ရပါတယ်။ အခုချိန်မှာလည်း ဒေသ အာဏာပိုင်တွေက ဒိုဟာမြို့မှာ ရှိတဲ့ အလုပ်သမားတွေကို ၎င်းတို့ရဲ့ အိမ်ရာတွေ ကနေ ဖယ်ရှားပေးဖို့ ချက်ချင်း ကြိုးစားခဲ့တယ်လို့ သိရပါတယ်။
အာရှနဲ့ အာဖရိကမှ လာရောက်တဲ့ အလုပ်သမားတွေ လက်ရှိ နေထိုင်ရာ အဆောက်အအုံတွေဟာ ဒိုဟာ မြို့လယ်ခေါင်မှာ တည်ရှိပြီး ဘောလုံးပရိသတ်တွေ လာရောက် လည်ပတ် နေထိုင်မယ့် ဧရိယာ တစ်ခု အတွင်းမှာ ရှိကြောင်း သိရပါတယ်။ အာဏာပိုင်တွေဟာ ပြီးခဲ့တဲ့ အပတ် ဗုဒ္ဓဟူးနေ့ ည (၈) နာရီမှ အခုလိုမျိုး သတိပေးခဲ့တာ ဖြစ်ပြီး အလုပ်သမား အများစုဟာ ပြောင်းရွှေ့ နေထိုင်စရာ မရှိတာကြောင့် အခက်တွေ့ခဲ့ရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
