ဝေးလ်စ် ၁ – ၁ ဘယ်ဂျီယံ
မနေ့ညက ယှဉ်ပြိုင်ကစားခဲ့တဲ့ ဝေးလ်စ်နဲ့ ဘယ်ဂျီယံတို့ရဲ့ ကမ္ဘာ့ဖလား ခြေစစ်ပွဲ အုပ်စု နောက်ဆုံး ပွဲစဉ် မှာတော့ တစ်ဖက် တစ်ဂိုးစီ သရေ ရလဒ်နဲ့ ပြီးဆုံးသွားခဲ့ပါတယ်။ ကမ္ဘာ့ဖလား ခြေစစ်ပွဲ အောင်မြင်ပြီးသား ဘယ်ဂျီယံနဲ့ Play Off တစ်နေရာ သေချာပြီးသား ဝေးလ်စ်တို့ အမှတ်ခွဲယူသွားတဲ့ ပွဲလို့ပဲ ဆိုရမှာ ဖြစ်ပါတယ်။
ပွဲစဉ်အကျဉ်း
ဒီဒီနေ့ပွဲမှာ အိမ်ရှင် ဝေးလ်စ်တို့ ၄-၄-၂ ကစားကွက်နဲ့ ပွဲထွက်လာခဲ့ပြီး ဘယ်ဂျီယံ ကတော့ ၃-၄-၃နဲ့ ပြန်လည် ရင်ဆိုင်ခဲ့ပါတယ်။ဝေးလ်စ် ဘက်မှာ ဂါရက်သ် ဘေးလ် ဒဏ်ရာကြောင့် လွဲချော်ခဲ့တာ ကလွဲရင် ရမ်ဆေး၊ အဲလန်၊ ကီဖာ မော၊ ဒန်နီရယ်ဂျိမ်းစ်၊ ရွန်ဒွန်၊ ဘန်ဒေးဗီးစ်၊ နီကို ဝီလီယမ်စ်၊ ဝက်ဒ်တို့ ပါဝင်လာခဲ့ပါတယ်။ ဘယ်ဂျီယံ ဘက်မှာတော့ အော်ရီဂီ၊ ဗနာကန်၊ သော်ဂန်၊ ဒီဘရိုင်းနား၊ မြူနီယာ၊ သော်ဂန် ဟာဇက်၊ ကတ်စတန်ညာ၊ ဘိုရာတာ တို့နဲ့ ပွဲထွက်လာခဲ့ပါတယ်။
တစ်ပွဲလုံး အတိုင်းအတာနဲ့ ဆိုရင် ဘယ်ဂျီယံတို့ အဘက်ဘက်က အသာစီးရခဲ့ပြီး ပွဲချိန်ပြည့် ထိုးဖောက် ကစားနိုင်ခဲ့ပါတယ်။ တိုက်စစ်က ဂိုးပေါက် ခြိမ်းခြောက်မှု ၁၆ ကြိမ် ပြုလုပ်နိုင်ခဲ့ပြီး ဂိုးပေါက်တည့်မှု ၄ ကြိမ်ပဲ ရှိခဲ့တာ ကတော့ စိတ်ပျက်စရာ ပါပဲ။ဝေးလ်စ် ကတော့ အိမ်ကွင်း အားသာချက်ကို အကောင်းဆုံး အသုံးချသွားခဲ့ပြီး ဘယ်ဂျီယံကို မာမာထန်ထန်နဲ့ တုန့်ပြန်ခဲ့သလို မထင်မှတ်တဲ့ အခြေအနေတွေ ကနေလည်း တန်ပြန် တိုက်စစ်နဲ့ အတူ ဂိုးရဖို့ ကြိုးပမ်းနိုင်ခဲ့တာ တွေ့ရပါတယ်။ ဒါကြောင့် ပွဲအစ ၁ဒါကြောင့် ပွဲအစ ၁၂ မိနစ်တင်ပဲ ဘယ်ဂျီယိတို့ ဦးဆောင်ဂိုး စတင် ရရှိသွားခဲ့ပြီး ဧရိယာ ထိပ်ကနေ ကီဗင် ဒီဘရိုင်းနားက လှလှပပ ကန်သွင်းယူခဲ့တာ ဖြစ်ပါတယ်။ ဦးဆောင်ဂိုး ပေးလိုက်ရပြီး နောက်ပိုင်း ချေပဂိုး ပြန်ရဖို့ ကြိုးပမ်းလာတဲ့ ဝေးလ်စ်ကြောင့် မာတီနက်ဇ်ရဲ့ အသင်းက တော်တော်လေး အခက်တွေ့ခဲ့ရပါတယ်။ ဗဟို ကွင်းလယ် က ရမ်ဆေးနဲ့ အဲလလန် အတွဲက တော်တော်လေး လုပ်အားနှုန်း ကောင်းခဲ့တာကြောင့် ဝေးလ်စ်တို့ ချေပဂိုး ရဖို့ နီးစပ်လာခဲ့ပါတယ်။ ပွဲကစားချိန် ၃၂ မိနစ်မှာ ဒန်နီရယ် ဂျိမ်းစ်ရဲ့ ပေးပို့မှု ကနေ ကီဖာ မောက ကန်သွင်းပေးခဲ့လို့ ဝေးလ်စ်တို့ အဖိုးတန် ချေပဂိုး ရရှိသွားခဲ့ပြီး ပထမပိုင်း အပြီးမှာ ၁-၁ ရလဒ် ထွက်ပေါ်နေခဲ့ပါတယ်။ အဲ့နောက် ဘယ်ဂျီယံ ဘက်က ဆယ်လီမေကာစ်၊ ဒန်ဒွန်ကာ၊ ဗန်ဇာတို့ ဝင်ရောက် လာခဲ့ပြီး ကစားပုံ ပိုကောင်းခဲ့ပေမယ့် ဝေးလ်စ် နောက်တန်းရဲ့ ပိတ်ဆို့ ကာကွယ်မှု တွေကြောင့် ဂိုးပေါက် ခြိမ်းခြောက်မှုတွေ ပြုလုပ်နိုင်ခဲ့ပေမယ့် သွင်းဂိုးတွေ ရဖို့တော့ တော်တော်လေး ခက်ခဲနေခဲ့ပါတယ်။ ဒါ့ကြောင့် ၁-၁ ရလဒ်နဲ့ပဲ ပွဲပြီးဆုံးခဲ့ပြီး ဘယ်ဂျီယံတို့ ကမ္ဘာ့ဖလား ခြေစစ်ပွဲ တစ်လျှောက် ရှုံးပွဲ မရှိအောင် စွမ်းဆောင်နိုင်ခဲ့ပြီး ဝေးလ်စ် ကလည်း Play Off တစ်နေရာကို အရယူနိုင်ခဲ့ပါတယ်။
ပွဲပြီးသုံးသပ်ချက်
ဝေးလ်စ်နဲ့ တွေ့ဆုံချိန်တိုင်းမှာ ဘယ်ဂျီယံတို့ ရုန်းကန်ခဲ့ရသလို ဒီတစ်ကြိမ် မှာလည်း အသာမရခဲ့ပြန်ပါဘူး။ နောက်ဆုံး တွေ့ဆုံမှု ၅ ကြိမ်မှာ ၁ ကြိမ်သာ အနိုင်ရခဲ့တဲ့ ဘယ်ဂျီယံတို့ ဝေးလ်စ်ကို ၂ ကြိမ် ရှုံးနိမ့်ပြီး ၂ ကြိမ် သရေကျခဲ့တာ ဖြစ်ပါတယ်။ နှစ်သင်းလုံး အခုပွဲ မကစားခင် ကတည်းက တိုက်ရိုက်ရော၊ Play Off တစ်နေရာပါ ရထားခဲ့ပြီး ဖြစ်ပေမယ့် အနိုင်ရလဒ် အတွက် ရည်ရွယ် ကစားခဲ့ကြပြီး ဘယ်ဂျီယံတို့ အဆုံးသတ်ပိုင်း လိုအပ်ချက် ရှိခဲ့သလို ဝေးလ်စ်ရဲ့ ခံစစ် ကစားပုံ ကောင်းတာကြောင့်လည်း ပြတ်သားတဲ့ ရလဒ် မထွက်ပေါ်ခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
