နှစ်ပွဲဆက် နိုင်ပွဲ ပျောက်ခဲ့တဲ့ ဘရာဇီးလ်၊ မက်ဆီရဲ့ သွင်းဂိုးတွေနဲ့ နိုင်ပွဲဆက်ခဲ့တဲ့ အာဂျင်တီးနား

ဒီကနေ့ မနက် အစောပိုင်းမှာ ယှဉ်ပြိုင်ကစားခဲ့တဲ့ တောင်အမေရိကဇုန် ခြေစစ်ပွဲတွေမှာတော့ နာမည်ကြီး ဘရာဇီးလ်တို့ ဥရုဂွေးကို အဝေးကွင်းမှာ အရေးနိမ့်ခဲ့ပေမယ့် အာဂျင်တီးနား ကတော့ ပီရူးကို အနိုင်ရသွားခဲ့ပါတယ်။

ဥရုဂွေး ၂-၀ ဘရာဇီးလ်

နှစ်သင်းစလုံး အတောင့်တင်းဆုံး လူစာရင်း ကိုယ်စီနဲ့ ပွဲထွက်လာခဲ့ကြပြီး အိမ်ရှင် ဘက်မှာ နူညက်ဇ်၊ အာရူဟို၊ ပယ်လီစထရီ၊ ဗယ်ဗာဒီတို့ ပါဝင်ခဲ့သလို ဘရာဇီးလ် ဘက်မှာတော့ ဂျေဇုစ်၊ နေမာ၊ ဗင်နီးစီးယပ်စ်၊ ဂီမာရေးစ်၊ ကက်စမဲရိုး၊ ဂါဘရီရယ် တို့လို ကစားသမားတွေ ပွဲထွက်ခဲ့ပါတယ်။ ဒီနေ့ ပွဲမှာ ဘရာဇီးလ်တို့ ဘောလုံး ပိုင်ဆိုင်မှု အသာရခဲ့ပေမယ့် အိမ်ရှင် ဥရုဂွေးရဲ့ ပုံစံကောင်း တစ်ခုကြောင့် ကစားရခက်ခဲခဲ့ပါတယ်။

လာလီဂါ

အိုဆာစူနာ

ဂရာနာဒါ

1X2 အိုဆာစူနာ @ 1.82

ဂိုးအောက် 2.50 @ 1.90

ဂိုးပေါင်း 2-3 @ 1.89

ရှင်းလင်းချက် : ကြေးများသည် ထုတ်ပြန်သည့်အချိန်တွင် မှန်ကန်မှု ရှိပါသည်။

ဒီနေရာတွင် နှိပ်ပါ

ဥရုဂွေးရဲ့ ဂိုးပေါက်ကို ထင်ထားသလောက် မခြိမ်းခြောက်နိုင်ခဲ့သလို နေမာ ဒဏ်ရာရသွားတာကြောင့်လည်း ဘရာဇီးလ်တို့ ဂိုးဖန်တီးမှု အပိုင်းမှာ သိသိသာသာ အားနည်းသွားခဲ့တာ ဖြစ်ပါတယ်။ စူပါစတား နေမာ အနေနဲ့ ပထမပိုင်း ပြီးခါနီးမှာ ဥရုဂွေး တိုက်စစ် ကစားသမား ဒယ်လာ ခရုဇ်နဲ့ ထိခိုက်ခဲ့ပြီး ပြင်းထန်တဲ့ ဒဏ်ရာ ရရှိသွားခဲ့တာကြောင့် ကွင်းထဲ ကနေ ထမ်းစင်နဲ့တောင် သယ်ထုတ်သွားခဲ့ရတဲ့ အထိ ဖြစ်ခဲ့ပါတယ်။

ဥရုဂွေး အတွက် အနိုင်ဂိုးတွေ ကိုတော့ ပွဲချိန် ၄၂ မိနစ်မှာ ဒါဝင် နူညက်ဇ်နဲ့ ၇၇ မိနစ်မှာ ဒယ်လာ ခရုဇ် တို့က သွင်းယူပေးခဲ့တာ ဖြစ်ပါတယ်။ ဒီနိုင်ပွဲကြောင့် ဥရုဂွေးတို့ ၂ ပွဲဆက် နိုင်ပွဲ ပျောက်ဆုံးနေမှု ကနေ ပြန်လာနိုင်ခဲ့သလို ရမှတ် ၇ မှတ်နဲ့ အမှတ်ပေးဇယားရဲ့ အဆင့် ၂ နေရာအထိ တက်လှမ်းနိုင်ခဲ့ပါတယ်။ ဘရာဇီးလ် ကတော့ နောက်ပိုင်း နှစ်တွေမှာ ဥရုဂွေးနဲ့ တွေ့ဆုံချိန်တိုင်း ရလဒ်ကောင်းတဲ့ အစဉ်အလာ ပျက်သွားခဲ့သလို ကမ္ဘာ့ဖလား ခြေစစ်ပွဲ ၂ ပွဲဆက် နိုင်ပွဲ ပျောက်ခဲ့ရပါတယ်။

ပီရူး ၀-၂ အာဂျင်တီးနား

ဒီနိုင်ပွဲကြောင့် အာဂျင်တီးနားတို့ ကမ္ဘာ့ဖလား ခြေစစ်ပွဲ တောင်အမေရိကဇုန် အုပ်စု ထိပ်ဆုံး ကနေ ၅ မှတ်ဖြတ် ဆက်လက် ဦးဆောင်နိုင်ခဲ့ပါတယ်။ — ကမ္ဘာ့ဖလား ခြေစစ်ပွဲ တောင်အမေရိကဇုန် အုပ်စုကို ဦးဆောင်နေတဲ့ အာဂျင်တီးနား

ကြိုတင် ခန့်မှန်းပေးခဲ့တဲ့ အတိုင်း အာဂျင်တီးနားတို့ ပီရူးကို မက်ဆီရဲ့ သွင်းဂိုး ၂ ဂိုးနဲ့ အတူ အနိုင်ရရှိသွားခဲ့တာ ဖြစ်ပါတယ်။ ရှေ့ပွဲမှာ အဓိက ပြိုင်ဘက် ဘရာဇီးလ်တို့ ရှုံးပွဲ တွေ့ခဲ့တာကြောင့် အာဂျင်တီးနားတို့ အမှတ်ဖြတ်နိုင်ရေး အားစိုက်သွားခဲ့ပါတယ်။

အာဂျင်တီးနားတို့ အစောပိုင်း မိနစ်တွေ မှာတင်ပဲ သွင်းဂိုးတွေ ရရှိခဲ့တာ ဖြစ်ပြီး GOAT မက်ဆီ ကပဲ သွင်းယူပေးခဲ့တာ ဖြစ်ပါတယ်။ ဒီနေ့ပွဲမှာ သွင်းဂိုး ၂ ဂိုး ထပ်ရခဲ့တဲ့ မက်ဆီ တစ်ယောက် နိုင်ငံတကာ သွင်းဂိုး ၁၀၄ ဂိုး အထိ ရှိလာခဲ့ပြီး ရော်နယ်ဒိုကို လိုက်မှီဖို့တော့ ၂၁ ဂိုး လိုအပ်နေပါသေးတယ်။ ဒီနိုင်ပွဲကြောင့် အာဂျင်တီးနားတို့ ကမ္ဘာ့ဖလား ခြေစစ်ပွဲ တောင်အမေရိကဇုန် အုပ်စု ထိပ်ဆုံး ကနေ ၅ မှတ်ဖြတ် ဆက်လက် ဦးဆောင်နိုင်ခဲ့ပါတယ်။