အခုမှ ပထမအကျော့ပဲ ရှိသေးတယ်လို့ ဆိုလိုက်တဲ့ တိုမိုရီ၊ ပီအက်စ်ဂျီနဲ့ အပြောင်းအရွှေ့ သတင်းတွေကို ငြင်းဆန်ခဲ့တဲ့ မော်ရင်ဟို (စီးရီးအေ နောက်ဆုံးရ သတင်းများ)

အခုမှ ပထမအကျော့ပဲ ရှိသေးတယ်လို့ ဆိုလိုက်တဲ့ တိုမိုရီ၊ ပီအက်စ်ဂျီနဲ့ အပြောင်းအရွှေ့ သတင်းတွေကို ငြင်းဆန်ခဲ့တဲ့ မော်ရင်ဟို အစရှိတဲ့ သတင်းတွေ အပါအဝင် မေလ ၁၁ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။

အခုမှ ပထမအကျော့ပဲ ရှိသေးတယ်လို့ ဆိုလိုက်တဲ့ တိုမိုရီ

အေစီမီလန် နောက်ခံလူ ဖီကာယို တိုမိုရီက စီးရီးအေ မြို့ခံ ပြိုင်ဘက် အင်တာမီလန်နဲ့ ကစားတာ အခုမှ ပထမအကျော့ပဲ ရှိသေးပြီး စိတ်ဓာတ် အကျခံမှာ မဟုတ်ကြောင်း ပြောကြားခဲ့ပါတယ်။ 

မနေ့ညက ကစားခဲ့တဲ့ အေစီမီလန်နဲ့ အင်တာမီလန် တို့ရဲ့ ချန်ပီယံလိဂ် ဆီမီးဖိုင်နယ် ပထမအ‌ကျော့မှာ အင်တာမီလန်က တိုက်စစ်မှူး ဒီဂျက်ကို၊ ကွင်းလယ်လူ ဟင်းနရစ်ခ် မီခီတာရန် တို့ရဲ့ အစောပိုင်း သွင်းဂိုးတွေနဲ့ အတူ နှစ်ဂိုးပြတ်နဲ့ အနိုင်ရရှိခဲ့ပါတယ်။ 

ဒီပွဲ ရလဒ်ကြောင့် အေစီမီလန်တို့ ဗိုလ်လုပွဲ အတွက် အခွင့်အရေး နည်းသွားခဲ့ပြီး ဒုတိယအကျော့မှာ ရုန်းကန်ရတော့မှာပါ။ ဒါပေမယ့် တိုမိုရီက လုံးဝကို စိတ်ပျက်ရကြောင်း၊ စောစောစီးစီး နှစ်ဂိုး ပေးလိုက်ရပြီး ပွဲကို အစပြုဖို့က ဆိုးရွားခဲ့ကြောင်း၊ ခက်ခဲသွားခဲ့ပြီ ဖြစ်ပေမယ့် အခုမှ ပထမအကျော့ပဲ ရှိသေးကြောင်း၊ သူတို့ အနေနဲ့ ခေါင်းငိုက်စိုက်ကျနေမှာ မဟုတ်ကြောင်း ပြောကြားသွားခဲ့ပါတယ်။ 

ဒီထက် ဂိုးပိုရခဲ့သင့်တယ် ဆိုတဲ့ အင်ဇာဂီ

အင်တာမီလန် နည်းပြ ဆိုင်မွန် အင်ဇာဂီက အေစီမီလန်ကို နှစ်ဂိုးပြတ်နဲ့ အနိုင်ရရှိခဲ့တဲ့ ချန်ပီယံလိဂ် ဆီမီးဖိုင်နယ် ပထမအကျော့မှာ အသင်း အနေနဲ့ အခုထက် ဂိုးပိုရခဲ့သင့်ကြောင်း ဖွင့်ဟခဲ့ပါတယ်။ 

ဒီပွဲမှာ အင်တာမီလန် အတွက် တိုက်စစ်မှူး ဒီဂျက်ကို၊ ကွင်းလယ် ကစားသမား ဟင်းနရစ်ခ် မီခီတာရန် တို့က ပွဲအစ (၁၁) မိနစ် အတွင်း မှာတင် နှစ်ဂိုး သွင်းယူပေးနိုင်ခဲ့ပါတယ်။ ဒီရလဒ်က အင်တာမီလန်ကို ဗိုလ်လုပွဲ တက်ရောက်ဖို့ အခြေအနေ ကောင်းစေခဲ့တဲ့ ရလဒ် တစ်ခုလို့ ဆိုနိုင်ပေမယ့် အင်ဇာဂီ ကတော့ အသင်း အနေနဲ့ ဂိုးထပ်ရခဲ့သင့်တယ်လို့ ယုံကြည်နေပါတယ်။ 

ပွဲအပြီးမှာ အင်ဇာဂီက ပထမပိုင်းမှာ တော်တော်လေးကို ကောင်းမွန်ခဲ့ကြောင်း၊ ဂိုးရလဒ်က အခုထက် ပိုမို များပြားသင့်ကြောင်း၊ ကျွန်တော်တို့ ဖန်တီးခဲ့တဲ့ အခွင့်အရေးတွေနဲ့ နှိုင်းယှဥ်ပြီး ပြောတာ ဖြစ်ကြောင်း၊ ကစားသမားတွေက တကယ်ကို စိတ်လှုပ်ရှားစရာ ကောင်းတဲ့ ပွဲမှာ ကြီးကျယ် ခမ်းနားတဲ့ ပုံစံကို ပြသခဲ့ကြကြောင်း ပြောကြားသွားခဲ့ပါတယ်။ 

ပီအက်စ်ဂျီနဲ့ အပြောင်းအရွှေ့ သတင်းတွေကို ငြင်းဆန်ခဲ့တဲ့ မော်ရင်ဟို

ရိုးမား နည်းပြ ဟိုဆေး မော်ရင်ဟိုဟာ လာမယ့် နွေရာသီမှာ ဥရောပ ထိပ်သီး ကလပ် ပီအက်စ်ဂျီကို ပြောင်းရွှေ့မယ့် သတင်းတွေနဲ့ ပတ်သက်လို့ ငြင်းဆန် ပြောကြားသွားခဲ့ပါတယ်။ 

မော်ရင်ဟိုရဲ့ ရိုးမားဟာ ဒီနေ့ညမှာ ယူရိုပါလိဂ် ဆီမီးဖိုင်နယ်ပွဲ အဖြစ် လေဗာကူဆင်နဲ့ ရင်ဆိုင်ကစားရမှာ ဖြစ်ပါတယ်။ ဒီပွဲမတိုင်ခင် သတင်းစာ ရှင်းလင်းပွဲမှာ မော်ရင်ဟိုက အခုလိုပဲ ပီအက်စ်ဂျီနဲ့ ပတ်သက်တဲ့ အပြောင်းအရွှေ့ သတင်းတွေကို ငြင်းဆန်သွားခဲ့တာပါ။ 

မော်ရင်ဟိုက တကယ်လို့ ပီအက်စ်ဂျီက ကျွန်တော့်ကို ခေါ်ယူချင်တယ်ဆိုရင်တောင် သူတို့ ကျွန်တော့်ကို ရှာတွေ့နိုင်မှာ မဟုတ်ကြောင်း ပြောကြားသွားခဲ့ပါတယ်။ မော်ရင်ဟိုဟာ လာမယ့် နွေရာသီမှာ စီးရီးအေ ကလပ်ကို စွန့်ခွာဖွယ် ရှိကြောင်း သတင်းတွေ ထွက်ပေါ်နေပြီး သူ့ကို ခေါ်ယူဖို့ ဥရောပထိပ်တန်း အသင်းကြီး အချို့က စိတ်ဝင်စားနေပါတယ်။ ဒီအသင်းတွေ ထဲမှာ ပီအက်စ်ဂျီနဲ့ အသင်းဟောင်း ချဲလ်ဆီး တို့လည်း ပါဝင်နေပြီး မော်ရင်ဟို ကတော့ ရိုးမား ကနေ ထွက်ခွာဖို့ရှိ၊ မရှိ ဆိုတာ ရာသီကုန်မှ ဆုံးဖြတ်သွားဖွယ် ရှိပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.