ကစားသမား နှစ်ဦး အလိုက်ပေးပြီး လီယောင်ကို ကမ်းလှမ်းခဲ့တဲ့ ချဲလ်ဆီး၊ ကောင်းမွန်တဲ့ ဘောလုံးရာသီ တစ်ခုကို ဖြတ်သန်းနေတယ် ဆိုတဲ့ မော်ရင်ဟို အစရှိတဲ့ သတင်းတွေ အပါအဝင် မေလ ၁၇ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။
ကစားသမား နှစ်ဦး အလိုက်ပေးပြီး လီယောင်ကို ကမ်းလှမ်းခဲ့တဲ့ ချဲလ်ဆီး
ချဲလ်ဆီးဟာ လာမယ့် နွေရာသီမှာ အေစီမီလန် တိုက်စစ်မှူး ရာဖေးလ် လီယောင်ကို ခေါ်ယူဖို့ အတွက် ကစားသမား နှစ်ဦး အထိ အလိုက်ပေး ကြိုးပမ်းခဲ့ဖူးတယ်လို့ သိရပါတယ်။ ချဲလ်ဆီးတို့ စီးရီးအေ ကလပ်ရဲ့ ထိပ်တန်း တိုက်စစ်မှူးကို ပြီးခဲ့တဲ့ အပြောင်းအရွှေ့တွေမှာ ကတည်းက စိတ်ဝင်စားခဲ့ပြီး ကစားသမား ကိုယ်တိုင် ကလည်း ပရီးမီးယားလိဂ်ကို ပြောင်းရွှေ့ဖို့ စိတ်ဝင်စားနေပါတယ်။
သတင်းတွေရဲ့ ဖော်ပြချက်အရ ချဲလ်ဆီးဟာ ပေါ်တူဂီ လက်ရွေးစင် တိုက်စစ်မှူးကို ခေါ်ယူဖို့ အတွက် ငွေသား အပြင် အသင်းရဲ့ တိုက်စစ်မှူးတွေ ဖြစ်တဲ့ ခရစ္စတီယန် ပူလီဆစ်နဲ့ ဟာကင်မ် ဇီယက်ချ် တို့ကို အလိုက်ပေး ကမ်းလှမ်းခဲ့တာ ဖြစ်ပါတယ်။ ဒါပေမယ့် ချဲလ်ဆီးရဲ့ ကြိုးပမ်းမှုက မအောင်မြင်ခဲ့ဘဲ အေစီမီလန် ကတော့ အခုချိန်ထိ လီယောင်ကို စာချုပ်သက်တမ်းတိုးဖို့သာာ ကြိုးစားနေဆဲ ဖြစ်ပါတယ်။
ကောင်းမွန်တဲ့ ဘောလုံးရာသီ တစ်ခုကို ဖြတ်သန်းနေတယ် ဆိုတဲ့ မော်ရင်ဟို
ရိုးမားဟာ လက်ရှိအချိန်မှာ ယူရိုပါလိဂ် ဆီမီးဖိုင်နယ် အဆင့်ကို ရောက်ရှိနေပေမယ့် စီးရီးအေ မှာတော့ ထိပ်ဆုံး လေးသင်း နေရာ ဝင်နိုင်ရေး အိပ်မက်က ပျက်စီးသွားခဲ့ပြီး ဖြစ်ပါတယ်။ ဒါကြောင့် လာမယ့် ရာသီမှာ ချန်ပီယံလိဂ် ဝင်ခွင့် ရဖို့ အတွက်ဆိုရင် ရိုးမားတို့ ယူရိုပါလိဂ် ဖလားကို မဖြစ်မနေ ဆွတ်ခူးနိုင်ဖို့ လိုအပ်နေပါတယ်။
ချန်ပီယံလိဂ် ဆီမီးဖိုင်နယ်က မပြီးသေးဘူးလို့ အင်တာကို သတိပေးလိုက်တဲ့ နတ်စတာ
အေစီမီလန်ရဲ့ ဂန္တဝင် အလက်ဇန်ဒရို နက်စတာက ချန်ပီယံလိဂ် ဆီမီးဖိုင်နယ် ပွဲစဥ်က အသက်ရှိနေဆဲ ဖြစ်တယ်လို့ မြိုခံ ပြိုင်ဘက် အင်တာမီလန်ကို သတိပေး စကားပြောကြားလိုက်ပါတယ်။
အေစီမီလန်နဲ့ အင်တာမီလန် တို့ရဲ့ ချန်ပီယံလိဂ် ဆီမီးဖိုင်နယ် ပထမအကျော့မှာ အင်တာမီလန်က နှစ်ဂိုးပြတ်နဲ့ အနိုင်ရရှိခဲ့ပြီး ချန်ပီယံလိဂ် ဗိုလ်လုပွဲကို ခြေတစ်ဖက် လှမ်းထားနိုင်ခဲ့ပါတယ်။ စီးရီးအေ အသင်း အချင်းချင်း ထိပ်တိုက်တွေ့တာရော၊ မီလန် ဒါဘီ ဖြစ်နေတာကြောင့်ပါ ဒီပွဲက ပရိသတ်တွေ အတွက် နှစ်ကျော့စလုံးက စိတ်လှုပ်ရှားစရာ ကောင်းဖို့တော့ ရှိနေပါတယ်။
နက်စတာ ကတော့ ဒုတိယအကျော့ အတွက် ရာဖေးလ် လီယောင် သေချာပေါက် ပြန်ကောင်းလာဖို့ လိုအပ်ကြောင်း၊ ဂိုးအရင် ပေးလိုက်ရတာက ခက်ခဲသွားခဲ့ကြောင်း၊ ကျွန်တော့် အထင် ပွဲက မပြီးသေးခဲ့ကြောင်း၊ အင်တာမီလန်မှာ အိမ်ကွင်း အားသာချက် ရှိတယ်လို့ မပြောနိုင်ကြောင်း၊ ဘာကြောင့်လဲ ဆိုတော့ နှစ်သင်းလုံးက ဆန်စီရိုကို အသုံးပြုနေကျ ဖြစ်ခဲ့ကြောင်း ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
