ပီအက်စ်ဂျီနဲ့ သတင်းတွေကို အိုဆင်မ်ဟန်ရဲ့ အေးဂျင့် ပယ်ချ၊ ကနေဒါ ကြယ်ပွင့်ကို ခေါ်ယူဖို့ သဘောတူညီမှု ရသွားတဲ့ အင်တာ စတဲ့ သတင်းတွေ အပါအဝင် ဧပြီလ ၂၉ ရက်နေ့ရဲ့ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။
ကိုပါအီတာလီယာ ဗိုလ်လုပွဲမှာ အင်တာနဲ့ ဖီအို တွေ့ပြီ
မနေ့ညက ကစားခဲ့တဲ့ ကိုပါအီတာလီယာဖလား ဆီမီးဖိုင်နယ် ဒုတိယအကျော့မှာ ဖီအိုရင်တီးနားက ခရီမွန့်စ် အသင်းနဲ့ ဂိုးမရှိ သရေကစားပြီး ဗိုလ်လုပွဲ တက်သွားခဲ့ပါတယ်။ ပထမအကျော့တုန်းက ၂ ဂိုးပြတ်နဲ့ ဖီအိုက အနိုင်ရထားလို့ အိမ်ကွင်းပွဲကို အေးဆေး ကစားသွားခဲ့ပြီး သက်တောင့် သက်သာနဲ့ ဗိုလ်လုပွဲတက်ခဲ့တာပါ။
ဗိုလ်လုပွဲမှာ ဖီအိုရင်တီးနားက ဂျူဗင်တပ်စ်ကို ကျော်ဖြတ်လာတဲ့ အင်တာမီလန်နဲ့ ရင်ဆိုင်ရတော့မှာပါ။ အင်တာမီလန်က ဂျူဗီကို ခက်ခက်ခဲခဲ ကျော်ဖြတ်ခဲ့ပြီး ဆုဖလား မျှော်လင့်ချက် အတွက် အသက်သွင်းနိုင်ခဲ့ပါတယ်။ ချန်ပီယံလိဂ် မှာလည်း ဆီမီးဖိုင်နယ် အဆင့်ကို တက်ရောက်ထားတဲ့ အင်တာတို့ ဖလား နှစ်လုံး မျှော်လင့်ချက် ရှိနေဆဲ ဖြစ်ပါတယ်။
ဖီအို ကတော့ ၂၀၁၄ နောက်ပိုင်း ပထမဆုံး အကြိမ်အဖြစ် ဗိုလ်လုပွဲ တပွဲကို တက်ရောက်နိုင်ခဲ့တာပါ။ ဒါ့အပြင် ဖီအိုက ယူရိုပါကွန်ဖရင့်လိဂ် မှာလည်း ဆီမီးဖိုင်နယ် တက်ရောက်ထားကာ ဘေဆယ်နဲ့ ကစားရမှာ ဖြစ်ပါတယ်။ ဒါကြောင့် ဖလားနှစ်လုံး မျှော်လင့်ချက်ရှိနေတဲ့ အသင်း နှစ်သင်းရဲ့ ကိုပါအီတာလီယာ ဗိုလ်လုပွဲက အကြိတ်အနယ် ရှိလာဦးမှာပါ။
ပီအက်စ်ဂျီနဲ့ သတင်းတွေကို အိုဆင်မ်ဟန်ရဲ့ အေးဂျင့် ပယ်ချ
နာပိုလီ အတွက် ဒီရာသီမှာ ခြေစွမ်းပြ ကစားခဲ့ကာ စီးရီးအေ ဖလားကို ဆွတ်ခူးပေးနိုင်တော့မယ့် တိုက်စစ်မှူး ဗစ်တာ အိုဆင်မ်ဟန်ကို ပီအက်စ်ဂျီက ဆက်သွယ်နေတယ် ဆိုတဲ့ သတင်းတွေကို အေးဂျင့် ဖြစ်သူက ငြင်းဆန်လိုက်ပါတယ်။ အိုဆင်မ်ဟန်ကို ထိပ်တန်း အသင်းကြီးတွေက စောင့်ကြည့်နေပြီး နွေရာသီမှာ အပြိုင် ကမ်းလှမ်းဖွယ် ရှိနေတာပါ။
စီးရီးအေမှာ ၂၁ ဂိုး အထိ သွင်းယူထားပြီး ရွှေဖိနပ်ဆု ဆွတ်ခူးနိုင်တော့မယ့် အိုဆင်မ်ဟန်ကို စျေးပေါပေါနဲ့ ထုတ်ရောင်းမှာ မဟုတ်ဘူးလို့ နာပိုလီ ဘက်ကလည်း ပြောဆိုထားပါတယ်။ မန်ချက်စတာယူနိုက်တက်၊ ချဲလ်ဆီးနဲ့ အခြားသော အသင်းကြီးတွေ ကလည်း သူ့ကို စိတ်ဝင်စားနေကာ သူ့အနာဂတ်က ဘယ်လို ဖြစ်လာမလဲ စိတ်ဝင်စားဖို့ ကောင်းနေပါတယ်။
ဒါပေမယ့် ပီအက်စ်ဂျီက ဆက်သွယ်နေတယ် ဆိုတဲ့ သတင်းတွေကို အေးဂျင့် ဖြစ်သူက “ အကုန်လုံးက အမှားတွေပါ၊ အပြောင်းအရွှေ့ အကြောင်း ပြောဖို့က စောပါသေးတယ်၊ လူတိုင်းက သူတို့ ဖြစ်ချင်တာကို ပြောနေတာပါ၊ အဲဒီလိုတွေ မရှိပါဘူး” လို့ ပြောဆိုသွားခဲ့ပါတယ်။
ကနေဒါ ကြယ်ပွင့်ကို ခေါ်ယူဖို့ သဘောတူညီမှု ရသွားတဲ့ အင်တာ
စီးရီးအေ ကလပ် အင်တာမီလန် အသင်းဟာ ကမ္ဘာ့ဖလားမှာ ကနေဒါ အတွက် ခြေစွမ်းပြခဲ့တဲ့ တာဂျွန် ဗျူကန်နန်ကို ခေါ်ယူဖို့ အတွက် သဘောတူညီမှု ရရှိသွားပြီ ဖြစ်ပါတယ်။ ဘယ်လ်ဂျီယံ ကလပ် ကလပ် ဘရုဂ်ရဲ့ ကစားသမား အတွက် ယူရို သန်း ၂၀ နဲ့ သဘောတူညီမှုရခဲ့တာလို့ သိရပါတယ်။
လာမယ့်နွေရာသီမှာ အသင်းပြောင်းဖွယ် ရှိနေတဲ့ ညာနောက်ခံလူ ဒန်ဇဲလ် ဒန်းဖရီးစ်ရဲ့ နေရာကို အစားထိုးဖို့ အတွက် အင်တာမီလန်က ခေါ်ယူခဲ့တာပါ။ ကလပ် နှစ်သင်း အကြားမှာ ပြောင်းရွှေ့ကြေး သဘောတူညီမှု ရရှိခဲ့ပြီ ဖြစ်ကာ အပြီးသတ် အဆင့်တွေ လုပ်ဆောင်ဖို့ပဲ ကျန်တော့တယ်လို့ သိရပါတယ်။
ကစားသမား ကလည်း အင်တာမီလန်ကို ပြောင်းရွှေ့ဖို့ စိတ်အား ထက်သန်နေတာကြောင့် အပြောင်းအရွှေ့က လွယ်လွယ်ကူကူနဲ့ပဲ ဖြစ်လာခဲ့ပါတယ်။ ကနဦး အနေနဲ့ အင်တာက ယူရို ၁၅ သန်း အရင်ဆုံး ပေးချေရမှာ ဖြစ်ပြီး အပိုဆုကြေး ယူရို ၅ သန်းနဲ့ စုစုပေါင်း ယူရိုသန်း ၂၀ ကျသင့်တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
