စီးရီးအေ ထိပ်သီး ကလပ် အေစီမီလန်က ချန်ပီယံလိဂ် ဆိုရင် ပြောင်ပြောင်ရောင်ရောင် ရှိခဲ့တာ လွန်ခဲ့တဲ့ နှစ်များစွာကပါ။ ကာလို အန်ဆယ်လော့တီ၊ ကာကာ၊ ဆီးဒေါ့ဖ်၊ ရှက်ဗ်ချန်ကို၊ ဂတ်တူဆို၊ ဒီဒါ၊ မာလ်ဒီနီ တို့နဲ့ အတူ မြင်တွေ့ခဲ့ရတဲ့ အေစီမီလန်ရဲ့ ဥရောပ ညချမ်းတွေက လွမ်းလောက်စရာပါပဲ။
ဒါပေမယ့် နောက်ပိုင်း မှာတော့ စီးရီးအေ ကလပ်တွေရဲ့ အရှိန်အဝါက ဥရောပ ဘောလုံးဇာတ်ခုံပေါ်မှာ သိသိသာသာ ကျဆင်းလာခဲ့ပြီး အေစီမီလန် ကလည်း အပြောင်းအလဲများစွာနဲ့ အတူ ခေတ်တစ်ခုမှာ နောက်ကျကျန်ရစ်ခဲ့ပါတယ်။ အေစီမီလန်တို့ ရှေ့တစ်နှစ် ကတော့ စီးရီးအေ ချန်ပီယံဆုကို ရယူနိုင်ခဲ့ပြီး အဲ့ဒီနောက် ပြီးခဲ့တဲ့ရာသီ မှာတော့ ချန်ပီယံလိဂ်မှာ ဆီမီးဖိုင်နယ် အထိ တစ်ကျော့ပြန် တက်ရောက်နိုင်ခဲ့ပါတယ်။
အင်တာမီလန်နဲ့ အတွေ့မှာ ပြုတ်ကျန်ရစ်ခဲ့ပေမယ့် သူတို့ရဲ့ အလားအလာ၊ လုပ်နိုင်စွမ်းတွေကို ဒီရာသီမှာ အများကြီး မျှော်လင့်ခဲ့ကြပါတယ်။ ကံဆိုးချင်တော့လည်း အေစီမီလန်တို့ ဒီရာသီ ချန်ပီယံလိဂ်ရဲ့ မရဏအုပ်စုထဲ ရောက်သွားခဲ့ပါတယ်။
ပရီးမီးယားလိဂ်မှာ ခြေစွာလာတဲ့ နယူးကာဆယ်၊ ပြင်သစ် ထိပ်သီး ကလပ် ပီအက်စ်ဂျီ၊ ဘွန်ဒက်စ်လီဂါရဲ့ အစဉ်အလာရှိ ကလပ် ဒေါ့မန် တို့နဲ့ တစ်အုပ်စုတည်း ကျရောက်ခဲ့တာပါ။ ဒီအထဲမှာ ဥရောပ အတွေ့အကြုံ အနုနယ်ဆုံးက နယူးကာဆယ် ဖြစ်ပြီး အေစီမီလန် တို့လည်း အိမ်ကွင်းမှာပဲ ဒီအသင်းကို ဧည့်ခံကစားခဲ့ရပါတယ်။
ဒါပေမယ့် ဖြစ်ချင်တော့ နှစ်သင်းစလုံးမှာ Opening Fear ဝင်နေပုံရပြီး အေစီမီလန်က တော်တော်လေး ဖိကစားနိုင်ခဲ့ပေမယ့် တစ်ဂိုးမှ မရခဲ့ဘဲ သရေနဲ့သာ ကျေနပ်လိုက်ရပါတယ်။ ဒါက အေစီမီလန် အတွက် အချက်ပေး ခေါင်းလောင်းသံပါ။
ဒီအုပ်စုမှာက တစ်ပွဲမှ အမှားခံလို့မရ၊ အင်အားတွေက အဆင့်အတန်းချင်းတူနေတဲ့ အနေအထားမျိုးမှာ နိုင်သင့်နိုင်ထိုက်တဲ့ ပွဲမျိုးကို မနိုင်ခဲ့တာ စီးရီးအေ ထိပ်သီး အေစီမီလန် အတွက် နစ်နာပါတယ်။ အခုတော့ သူတို့က ဒုတိယမြောက် စမ်းသပ်မှု အဖြစ် ဒေါ့မန်နဲ့ ရင်ဆိုင်ရမှာပါ။
ဒီပွဲမှာပါ ထပ်ပြီး အမှတ်ဆုံးခဲ့ရင်၊ နိုင်ပွဲမရှာဖွေနိုင်သေးဘူး ဆိုရင် သူတို့ အတွက် တစ်ပူပေါ်၊ နှစ်ပူဆင့် ဖြစ်လာပါလိမ့်မယ်။ လက်ရှိ အုပ်စုအနေအထားအရ ပီအက်စ်ဂျီက ဒေါ့မန်ကို အုပ်စု အဖွင့်ပွဲမှာ အနိုင်ကန်ပြီး စင်ပေါ် ရောက်သွားပါပြီ။
အေစီမီလန်တို့ ဒီနောက်ကို အမီလိုက်နိုင်ဖို့ အရေးကြီးပါတယ်။ ဒီအုပ်စုက နောက်ဆုံးပွဲစဉ် အထိ အဆုံးအဖြတ် စောင့်ကြည့်ရမယ့် အုပ်စု တစ်ခုလို့ သုံးသပ်နိုင်ပါတယ်။ သာမန်အားဖြင့် ချန်ပီယံလိဂ် အုပ်စုတွေမှာ အသင်းကြီး နှစ်သင်းပါမယ်၊ ဖျက်မြင်း တစ်သင်းနဲ့ အိမ်ဖြည့် တစ်သင်း ဆိုတဲ့ အနေအထားမျိုး ရှိပါတယ်။
ဒါပေမယ့် အေစီမီလန်ရှိတဲ့ အုပ်စုက အကုန်လုံး ကော်ကောင်တွေ ဖြစ်နေပါတယ်။ အိမ်ဖြည့် မဟုတ်၊ ဖျက်မြင်း မဟုတ်ဘဲ အဆင့်အတန်း တစ်ခု အထိ ရှိနေပြီး နယူးကာဆယ်တို့ ဥရောပွဲကြောင်၊ မကြောင် ကိုပဲ ကြည့်ရပါလိမ့်မယ်။
ဒီတော့ ချန်ပီယံလိဂ် အုပ်စု ပွဲစဉ် ပထမ Round မှာကတည်းက အေစီမီလန်တို့ ရနိုင်သမျှ အမှတ်တွေကို စုဆောင်းထားဖို့ လိုအပ်ပါတယ်။ ဒုတိယအကျော့ ပွဲစဉ်တွေ ပြန်လာရင် အသင်းတွေက တစ်သင်း အကြောင်း၊ တစ်သင်း ကောင်းကောင်းသိပြီး တကယ်ကို ပြင်းထန်တဲ့ ပြိုင်ဆိုင်မှုတွေ ဖြစ်လာမှာပါ။
အေစီမီလန် အတွက် ပထမဆုံး ခြေလှမ်းအနေနဲ့ ဒုတိယအကြိမ် အခွင့်အရေးရတာက ဒီနေ့ ဒေါ့မန်နဲ့ ပွဲပါ။ ဒါကို အေစီမီလန်တို့ အကောင်းဆုံး ကျော်ဖြတ်ပြနိုင်ဖို့ လိုအပ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
