ကင်းပါဝါမှာလက်စတာစီးတီးတို့နိုင်ပွဲပြန်ရှာဖို့ အချိန်တန်ပြီ| လက်စတာစီးတီး- ဝက်ဖို့ဒ် (ပရီးမီးယားလိဂ် ပွဲကြိုသုံးသပ်ချက်)

လက်စတာစီးတီး-ဝက်ဖို့ဒ်

ဒီနှစ် ပရီးမီးယားလိဂ်မှာမှန်းချက်နဲ့ နှမ်းထွက် မကိုက် ဖြစ်နေတဲ့ လက်စတာစီးတီးအတွက် ဝက်ဖို့ဒ်ဟာခက်ခဲတဲ့ ပြိုင်ဘက် ဖြစ်လာဦးမှာပါ။ယူနိုက်တက်ကိုဂိုးပြတ် အနိုင်ယူပြီးစိတ်ဓာတ် တက်နေတဲ့ ဝက်ဖို့ဒ်တို့ ပရီးမီးယားလိဂ် ရလဒ်ဆိုးတွေအောက်ကရုန်းထွက်နိုင်ဖို့ ကြိုးစားလာမယ့် လက်စတာကိုဘယ်လိုပုံစံနဲ့ တုန့်ပြန်လာဦးမလဲဆိုတာစောင့်ကြည့်ရဖို့တော့ ရှိပါတယ်။

ဘရန်ဒန် ရော့ဒ်ဂျားစ်ရဲ့ အသင်းကတော့ ဒီရာသီပရီးမီးယားလိဂ်မှာတော်တော်လေးကိုရုန်းကန်နေရတာအားလုံးလည်းသိကြပြီးဖြစ်ပါတယ်။ ပရီးမီးယားလိဂ်ပွဲစဉ် ၁၂ ပွဲကစားပြီးချိန်မှာနိုင်ပွဲ ၄ ပွဲသာရရှိထားပြီးသရေ ၃ ပွဲ၊ ရှုံးပွဲ ၅ ပွဲရှိထားတဲ့ လက်စတာတို့ နောက်ဆုံးကစားခဲ့တဲ့ ပြိုင်ပွဲစုံ ၆ ပွဲမှာ ၁ ပွဲသာအနိုင်ရထားပါတယ်။ ယူရိုပါလိဂ်ကိုအာရုံစိုက်နေတဲ့ အတွက် ပြည်တွင်းပြိုင်ပွဲမှာရလဒ်ပိုင်းယိမ်းယိုင်နေတဲ့ သဘောရှိပြီးပြီးခဲ့တဲ့ အိမ်ကွင်းပွဲစဉ် ၂ ပွဲမှာအာဆင်နယ်နဲ့ ချဲလ်ဆီးကိုဂိုးပြတ် အရေးနိမ့်ထားခဲ့ပါတယ်။ လက်ရှိအမှတ်ပေးဇယားအဆင့် ၁၂ နေရာအထိရောက်ရှိနေပေမယ့် အဆင့် ၅ နေရာကအာဆင်နယ်နဲ့ ၅ မှတ်ပဲကွာဟနေသေးလို့ သိပ်တော့ စိုးရိမ်စရာမရှိသေးပါဘူး။လက်စတာရဲ့ဒီရာသီနံပါတ် ၁ ပြသနာကယူရီတေးလီမန့်စ်၊ ဖိုဖာနာ၊ ဂျက်စတင်၊ ပရဲရား၊ အောလ်ဘရိုက်တန်၊ အရိုဇီပီရက်ဇ်တို့ မကြာခဏကြံ့ခိုင်မှုမပြည့်ဝတာနဲ့ ဒဏ်ရာပြသနာတွေရှိနေတာဖြစ်ပြီးနံပါတ် ၂ပြသနာကတော့ ခံစစ် ကစားပုံမတည်ငြိမ်မှုဖြစ်ပါတယ်။ ဒါ့အပြင် ဂျေမီဗာဒီဆီကသွင်းဂိုးတွေ မျှော်လင့်လို့ မရတဲ့ အချိန်မှာအီယန်နာချို၊ မက်ဒီဆင် တို့ကလည်းအားကိုးလို့ မရဖြစ်နေတာပါတယ်။ ကွင်းလယ်ကယူရီတေးလီမန့်စ် မပါတဲ့ အချိန်မှာဆူမာရေးရုန်းပေးနေပေမယ့် တိုက်စစ်ကိုပံ့ပိုးနိုင်မှုအပိုင်းမှာအားနည်းချက်တွေရှိနေပြီးအမာတေး၊ ဆိုယွန်ချူး၊ ဂျွန်နီအီဗန့်စ် တို့ရဲ့ ခံစစ်ကလည်းတစ်ပွဲနဲ့ တစ်ပွဲခြေစွမ်းပုံမှန် မရှိပါဘူး။ အဲ့အတွက် ဒီရာသီမှာလက်စတာတိုက်စစ်ကတစ်ပွဲ ၁ ဂိုးနှုန်းရထားပေမယ့် ခံစစ် ကတော့ ၂ ဂိုးနှုန်းလောက်ကိုပြန်ပေးနေရတာဖြစ်ပါတယ်။ ဝါဆောကို ၃-၁ နဲ့ အနိုင်ရတဲ့ ပွဲကခြေစွမ်းကိုထိန်းထားနိုင်မယ် ဆိုရင်တော့ လက်စတာတို့ ကင်းပါဝါမှာနိုင်ပွဲပြန်ရနိုင်ချေရှိပြီးဆူမာရေး၊ အန်ဒီဒီ၊ မက်ဒီဆင်၊ ဒါကာ၊ ဘန်းစ် တို့ရဲ့ လုပ်အားနှုန်းကောင်းကောင်းနဲ့ ကစားနိုင်ဖို့ပဲ မျှော်လင့်ရပါတယ်။

ဝက်ဖို့ဒ်တို့ နည်းပြသစ် ရာနီယေးရီလက်အောက်မှာပရီးမီးယားလိဂ် ရှုံးပွဲများနေသေးတယ် ဆိုပေမယ့် အဲဗာတန်နဲ့ မန်ချက်စတာယူနိုက်တက်ကိုဂိုးပြတ် အနိုင်ယူပြခဲ့တဲ့ ခြေစွမ်းကတော့ လုံးဝကိုအားရစရာကောင်းပါတယ်။ အီတလီနည်းပြကြီးအနေနဲ့ သူကိုင်တွယ်ထားတဲ့ ၅ ပွဲမှာလစ်ဗာပူးလ် တစ်သင်းတည်းကို ၅ ဂိုးပေးခဲ့ရတာကလွဲရင် ကျန်ပွဲစဉ် တွေမှာ ၁ ဂိုးလောက် နဲ့ပဲကပ်ရှုံးခဲ့တာတွေ့ရပါတယ်။ ခံစစ်ကိုကျစ်လျစ်အောင် တည်ဆောက်ပြီးကြံခိုင်မှုအသားပေးကစားဟန်ကြောင့် မကြာခဏပြစ်ဒဏ်ဘောတွေခွင့်ပြုပေးနေရပေမယ့် နောက်ဆုံး ၄ ပွဲမှာရဂိုး ၉ ဂိုး၊ ပေးဂိုး ၅ ဂိုးဆိုတာကတော့ ဝက်ဖို့ဒ်လိုတန်းတက် အသင်းတစ်သင်းအတွက် မဆိုးဘူးလို့ ပြောရမယ့် အခြေအနေပါ။လက်ရှိပရီးမီးယားလိဂ်အဆင့် ၁၆ နေရာမှာရှိနေပေမယ့် အဆင့် ၁၀ နေရာကအသင်းနဲ့ ၃ မှတ်သာကွာဟနေတဲ့ အချက် ကလည်းဝက်ဖို့ဒ် အတွက် အားတက်စရာဖြစ်ပါတယ်။ သေချာတာကတော့ ဝါရင့် နည်းပြ ရာနီယေးရီရဲ့ အသင်းကယူနိုက်တက်နဲ့ အဲဗာတန် တို့ကိုနှိပ်ကွပ်ပြခဲ့သလိုမျိုးထပ်ပြီးမစွမ်းဆောင်နိုင်ခဲ့ရင်တောင် နည်းစနစ် ဗျူဟာ ကြွယ်တဲ့ ဘရန်ဒန် ရော့ဒ်ဂျားစ်ရဲ့ လက်စတာကိုသေချာပေါက် ခက်ခဲစေနိုင်တဲ့ ခြေစွမ်းမျိုးရှိနေပါတယ်။

ထိပ်တိုက်တွေ့ဆုံမှုနဲ့ သမိုင်းကြောင်း

နောက်ဆုံးထိပ်တိုက်တွေ့ဆုံခဲ့တဲ့ ၁၂ ကြိမ်မှာလက်စတာစီးတီးတို့ ၇ ကြိမ် အနိုင်ရခဲ့တဲ့ အထိအပြတ်အသတ် အသာစီးရထားတာတွေ့ရပါတယ်။ ဝက်ဖို့ဒ် ကတော့ ၃ ကြိမ်သာပြန်လည် အနိုင်ရထားခဲ့ပြီးသရေပွဲကတော့ ၂ ပွဲပဲရှိထားပါတယ်။ လက်စတာစီးတီးတို့ ကင်းပါဝါမှာဝက်ဖို့ဒ်နဲ့ ကစားခဲ့တဲ့ နောက်ဆုံး ၅ ကြိမ်လုံးအနိုင်ရခဲ့ပြီး၂-၀၊ ၃-၀၊ ၂-၁ ဆိုတဲ့ ရလဒ်တွေနဲ့ အနိုင်ယူခဲ့တာဖြစ်ပါတယ်။

လောင်းကစားဆိုင်ရာအကြံပြုချက်များ

	လက်စတာစီးတီး – ဝက်ဖို့ဒ်	1X2 လက်စတာစီးတီး @ ၁.၆၃
	နိုဝင်ဘာလ၂၈ရက်၊ ည ၈:၃၀ နာရီ ( GMT+ ၆:၃၀)

1X2 ရဲ့ပေါက်ကြေးအရအိမ်ရှင်အသင်းအတွက် ၁.၆၃ ဆ၊ သရေအတွက် ၄.၁၀ ဆ၊ ဧည်သည့်အတွက် ၄.၇၀ ဆကြေးဖွင့်ထားပါတယ်။ လက်စတာတို့ ခြေမငြိမ်သလိုဝက်ဖို့ဒ်ရဲ့ မထင်မှတ်တာတွေလုပ်ပြနိုင်မှုကြောင့် သံသယဖြစ်စရာရှိကောင်းရှိပါလိမ့်မယ်။ ဒါပေမယ့် တစ်ဖက်ကပြန်ကြည့်ရင်လည်းကင်းပါဝါမှာနောက်ဆုံးတွေ့ဆုံမှု ၅ ကြိမ်စလုံးအနိုင်ရထားတယ် ဆိုတဲ့ အချက်ကလက်စတာတို့ ဝက်ဖို့ဒ်ကိုအိမ်ကွင်းမှာဧည့်ခံကစားရတိုင်းမခက်ခဲခဲ့ဘူးဆိုတာကိုပြသနေတာဖြစ်ပါတယ်။ အသင်းကြီးနဲ့ အသင်းငယ် ကွာဟချက် ရှိလို့ လက်စတာတို့ တကယ် အားထည့်ကစားရင် ဝက်ဖို့ဒ်ကိုအသာလေးဂိုးပြတ် အနိုင်ယူလို့ ရပါတယ်။ အကျိုးအမြတ် အတွက် ဒီပွဲမှာလည်းဂိုးပေါင်းကိုမေ့ပြီးအိမ်ရှင် လက်စတာစီးတီးဘက်မှပဲခြေစုံပစ် ရပ်တည်ချင်ပါတယ်။
ခန့်မှန်းရလဒ် (၃-၁)

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )