အသင်းကို ရှယ်ပလန်နဲ့ ပြင်ဆင်နေတဲ့ တန်ဟက်ဂ်၊ မူအာနီနဲ့ သတင်းထွက်နေတဲ့ အာဆင်နယ် (ပရီးမီးယားလိဂ် နောက်ဆုံးရ သတင်းများ)

၂၀၂၂ ကမ္ဘာ့ဖလား အပြီးမှာတော့ ပရီးမီးယားလိဂ် အပါအဝင် သက်ဆိုင်ရာ လိဂ်ပွဲစဉ်တွေ ပြန်လည် ကစားဖို့ ရှိပြီး စိတ်ဝင်စားစရာ နောက်ဆုံးရ သတင်းတွေကို ဆက်လက် ဖော်ပြပေးသွားမှာ ဖြစ်ပါတယ်။

အသင်းကို ရှယ်ပလန်နဲ့ ပြင်ဆင်နေတဲ့ တန်ဟက်ဂ်

မန်ချက်စတာယူနိုက်တက် နည်းပြ အဲရစ်ခ်တန်ဟက်ဂ် ကတော့ မကြာခင်မှာ ပြန်လည် စတင်တော့မယ့် ပရီးမီးယားလိဂ် ပွဲစဉ်တွေ အတွက် အသင်းကို အသေအချာ ပြင်ဆင်နေတယ်လို့ သိရပါတယ်။ ကမ္ဘာ့ဖလား ကနေ ပြန်ရောက်လာကြတဲ့ ကစားသမား ၉ ဦး အတွက် စိတ်ပိုင်းဆိုင်ရာကို ညှိနှိုင်း တိုင်ပင် ဆွေးနွေးပေးမယ့် နည်းပြ တစ်ဦး ကိုပါ ထပ်မံ ငှားရမ်းထားပါတယ်။

အဓိက, ကတော့ ကမ္ဘာ့ဖလား ပြိုင်ပွဲတစ်လျှောက် ရရှိခဲ့တဲ့ မတူညီတဲ့ ရာသီဥတုဒဏ်၊ ဖိအားတွေ၊ ဝေဖန်မှုတွေ၊ အောင်မြင်မှု၊ ကျရှုံးမှု စတဲ့ ရုပ်ပိုင်းနဲ့ စိတ်ပိုင်းဆိုင်ရာ အခြေအနေတွေကို ကို ပြုပြင် ထိန်းညှိပေးဖို့ ရည်ရွယ်ထားတာ ဖြစ်ပါတယ်။ ဒါ့အပြင် ကစားသမားတွေ ပိုမို ကြံ့ခိုင်စေဖို့ အတွက် ပြင်သစ် စက်ဘီးစီး အသင်းရဲ့ ကျန်းမာရေးနဲ့ လျော်ညီစွာ နေထိုင်စားသောက်မှု ပုံစံတွေကိုပါ အကြံညဏ် ယူထားပါသေးတယ်။

ယူနိုက်တက်ဟာ ဒီကနေ့ ညမှာတော့ လိဂ်ဖလား ပွဲစဉ် အဖြစ် ဘန်လေနဲ့ ကစားဖို့ ရှိနေပြီး ကစားသမား အစုံအလင်နဲ့ လေ့ကျင့်ခန်း ပြန်ဆင်းနေပြီ ဖြစ်ပါတယ်။

ပြင်သစ် တိုက်စစ် ကြယ်ပွင့်နဲ့ သတင်းတွေ ထွက်လာပြန်တဲ့ အာဆင်နယ်

အဓိက တိုက်စစ်မှူး ဂါဘရီရယ် ဂျေဆုစ် ဒဏ်ရာရရှိသွားလို့ တိုက်စစ်မှူး တစ်ဦး မဖြစ်မနေ ခေါ်ယူရတော့မယ့် ပရီးမီးယားလိဂ် ကလပ် အာဆင်နယ် အနေနဲ့ ပြင်သစ် ကြယ်ပွင့် ရန်ဒဲလ် ကိုလို မူအာနီကို စောင့်ကြည့်နေတယ် ဆိုပြီး သတင်းတွေက ဖော်ပြနေပါတယ်။

ပြင်သစ်နဲ့ အတူ ၂၀၂၂ ကမ္ဘာ့ဖလားမှာ ခြေစွမ်းကောင်းတွေ ပြသနိုင်ခဲ့တဲ့ မူအာနီဟာ အရပ်အမောင်း ၆ ပေ ၂ လက်မ ရှိသလို အထောင် တိုက်စစ်မှာရော တောင်ပံမှာပါ ကစားနိုင်သူ ဖြစ်ပါတယ်။ အသက် ၂၄ နှစ် အရွယ် ဖရန့်ဖတ် တိုက်စစ်မှူးဟာ ပြီးခဲ့တဲ့ ဇူလိုင်ကမှ ပြင်သစ် ကလပ် နန့်စ် ကနေ ပြောင်းရွှေ့လာသူ ဖြစ်ပြီး အကယ်၍ ဂန်းနား တို့သာ ခေါ်ယူချင်တယ် ဆိုရင်တော့ မနည်းတဲ့ ပြောင်းရွှေ့ကြေး တစ်ရပ် ပေးချေသွားရဖွယ် ရှိနေပါတယ်။

လက်တလော အာဆင်နယ်ရဲ့ တိုက်စစ်မှာ အန်ကတ်တီးယား ရှိနေပေမယ့် ဒီကစားသမားရဲ့ မတည်ငြိမ်တဲ့ ခြေစွမ်းကြောင့် နည်းပြ အာတေးတား အနေနဲ့ တိုက်စစ်မှူး တစ်ဦး ခေါ်ယူဖို့ စဉ်းစားနေခဲ့ရတာ ဖြစ်ပါတယ်။ အကယ်၍ လက်ကျန် ရာသီဝက် အတွက် ကစားသမား မခေါ်နိုင်ခဲ့ရင်တော့ အာဆင်နယ်တို့ ဇယား ထိပ်ပိုင်း ကနေ ဆင်းပေးရဖွယ် ရှိနေတယ်လို့လည်း သုံးသပ်ထားကြပါတယ်။

အစ္စကို,ကို စာချုပ်ဖျက်သိမ်းမယ့် ဆီဗီလာ

လာလီဂါ ကလပ် ဆီဗီလာ ကတော့ ပြီးခဲ့တဲ့ ဩဂုတ် ၇ရက် ကမှ ရီးရဲလ်မက်ဒရစ် ကနေ အလွတ်ပြောင်းရွှေ့ကြေးနဲ့ ခေါ်ယူထားခဲ့တဲ့ အစ္စကို, ကို မကြာခင် အချိန်အတွင်း စာချုပ်ဖျက်သိမ်းဖို့ လုပ်ဆောင်တော့မယ်လို့ သိရပါတယ်။

 ဆီဗီလာက အစ္စကို,ကို ၂၀၂၄ ခုနှစ် အထိ သက်တမ်း ရှိတဲ့ စာချုပ်တရပ် ချုပ်ဆိုထားခဲ့ပေမယ့် အစ္စကိုရဲ့ ကျဆင်းလာတဲ့ ခြေစွမ်း၊ စည်းကမ်းပိုင်း အားနည်းမှုနဲ့ ကြံ့ခိုင်မှု အားနည်းချက်တွေကြောင့် အခုလိုမျိုး အချိန်တိုတွင်းမှာပဲ စာချုပ်ဖျက်သိမ်းဖို့ စီစဉ်နေခဲ့တာ ဖြစ်ပါတယ်။ လက်တလောမှာ အစ္စကို ခေါ်ယူဖို့ စိတ်ဝင်စားနေတဲ့ အသင်းတွေ ရှိပြီး ပရီးမီးယားလိဂ် ကလပ် ဝုဗ်နဲ့ စီးရီးအေ ထိပ်သီး ဂျူဗင်တပ် တို့က စောင့်ကြည့်လျက် ရှိပြီး အလွတ်ပြောင်းရွှေ့ကြေးနဲ့ ခေါ်ယူနိုင်ဖွယ် ရှိနေတယ်လို့ သတင်းတွေက ဖော်ပြနေပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.