ပရီးမီးယားလိဂ် အပါအဝင် ဥရောပထိပ်သီးလိဂ်တွေရဲ့ အပြောင်းအရွှေ့ သတင်းတွေကို ဆက်လက် စုစည်း ဖော်ပြသွားမှာ ဖြစ်ပါတယ်။
ပရီးမီးယားလိဂ် ကလပ် အာဆင်နယ် အသင်းရဲ့ နည်းပြ မီခဲလ် အာတေးတား ကတော့ ယူနိုက်တက် တိုက်စစ်မှူး မားကပ်စ် ရက်ရှ်ဖို့ဒ်ကို ခေါ်ယူချင်နေတယ်လို့ သိရပါတယ်။ သတင်းတွေရဲ့ ဖော်ပြချက် အရ ဆိုရင် အာတေးတား အနေနဲ့ အခုနွေရာသီမှာ ယူနိုက်တက် ကနေ ထွက်ခွာဖို့ များနေတဲ့ ရက်ရှ်ဖို့ဒ်ကို ကိုယ်တိုင် စကားပြောဆိုမှုတွေ ရှိနေတယ်လို့လည်း သိရပါတယ်။
တစ်ဆက်တည်းမှာပဲ အာဆင်နယ် ကတော့ ပြင်သစ် လီဂူးဝမ်း ကလပ် ရန်းစ် အသင်းရဲ့ ကွင်းလယ်လူ ဒီဆိုင်းရား ဒိုရီကို ခေါ်ယူချင်နေတယ်လို့ သိရပါတယ်။ ဒီကစားသမားကိုတော့ အာဆင်နယ်ရဲ့ ပရီးမီးယားလိဂ် ပြိုင်ဘက် စပါး ကလည်း ခေါ်ယူဖို့ စိတ်အားထက်သန်နေတယ်လို့ သိရပါတယ်။
ပိုချက်တီနို အနေနဲ့ အခုနွေရာသီမှာ ယူနိုက်တက် အသင်းရဲ့ မန်နေဂျာသစ် ဖြစ်လာခဲ့ရင်တော့ အသင်းဟောင်း ချဲလ်ဆီးက ကော်နာဂယ်လာဟာနဲ့ ထရီဗော့ ချာလိုဘာ့တို့ကို ခေါ်ယူဖို့ ကြိုးပမ်းသွားမယ်လို့ သိရပါတယ်။
ဘရန့်ဖို့ဒ် တိုက်စစ်မှူး အိုင်ဗန် တိုနေး ကတော့ တော့တင်ဟမ်ဟော့စပါးကို ပြောင်းရွှေ့ဖို့ စိတ်အားထက်သန်လျက် ရှိတယ်လို့ သိရပါတယ်။ တိုးနေးကို အစောပိုင်းမှာ ပရီးမီးယားလိဂ် ထိပ်သီးတွေ ဖြစ်ကြတဲ့ အာဆင်နယ်နဲ့ ချဲလ်ဆီး တို့က စိတ်ဝင်စားခဲ့ကြသလို လက်ရှိ မှာတော့ စပါးနဲ့ အပြိုင် ယူနိုက်တက် ကလည်း ခေါ်ယူချင်နေတယ်လို့ သိရပါတယ်။
ဆော်ဒီပရိုလိဂ် ကလပ် အဲလ်အစ်တီဟတ် ကတော့ မန်ချက်စတာစီးတီး ဂိုးသမား အီဒါဆန်ကို ခေါ်ယူရန်ဖို့ အတွက် ပေါင် ၂၅ သန်းနဲ့ ကမ်းလှမ်းဖို့ အဆင်သင့်ဖြစ်နေပြီလို့ သိရပါတယ်။ ဒါပေမယ့်လည်း ပြောင်းရွှေ့ကြေး ပမာဏဟာ မန်စီးတီးတို့ မျှော်လင့်ထားသလို ဖြစ်လာပါ့မလား ဆိုတာ စောင့်ကြည့်ရမှာ ဖြစ်ပါတယ်။
ဆက်လက်ပြီး ပရီးမီးယားလိဂ် ချန်ပီယံ တို့ဟာ အခုနွေရာသီမှာ ကွင်းလယ်လူ ကယ်လ်ဗင် ဖီးလစ်ကို ရောင်းထုတ်ဖို့ ပြင်ဆင်နေတယ်လို့ သိရပါတယ်။ ဒါပေမယ့်လည်း ထိုက်တန်တဲ့ ပြောင်းရွှေ့ကြေး ရရှိမှသာ ရောင်းချသွားမယ်လို့လည်း သိရပါတယ်။
နာပိုလီ အသင်း အနေနဲ့ နည်းပြ အန်တိုနီယို ကွန်တီ ကိုသာ ခေါ်ယူနိုင်ခဲ့မယ် ဆိုရင် သူ့ရဲ့ တပည့်ဟောင်း ဖြစ်တဲ့ ရိုမယ်လူ လူကာကူ ကိုပါ တပါတည်း ခေါ်ယူသွားဖို့ ရှိနေတယ်လို့ သိရပါတယ်။ လက်ရှိမှာ တိုက်စစ်မှူး ဗစ်တာ အိုဆင်မ်ဟန်က ချဲလ်ဆီးကို ပြောင်းရွှေ့ဖို့ သတင်းတွေ ထွက်နေတာကြောင့် သူ့နေရာမှာ လူကာကူနဲ့ အစားထိုးချင်နေတာလည်း ဖြစ်ပါတယ်။
ဘန်လေ ဂိုးသမား ဂျိမ်းစ် ထရက်ဖို့ဒ်ဟာ ချဲလ်ဆီး အသင်းထံ ပြောင်းရွှေ့ဖွယ် ရှိနေတယ်လို့ သိရပါတယ်။ ချဲလ်ဆီး အသင်း ဘက်ကတော့ အသက် ၂၁ နှစ်အရွယ် ကစားသမားကို ပေါင်သန်း ၂၀ နဲ့ ကမ်းလှမ်းဖို့ ပြင်ဆင်နေတယ်လို့လည်း သိရပါတယ်။
တူရကီ ကွင်းလယ် ကြယ်ပွင့် အာဒါ ဂူလာ ကတော့ ရီးရဲလ်မက်ဒရစ်မှာ သူ့ရဲ့ အနာဂတ်ကို ဆက်လက် တိုက်ပွဲဝင်ဖို့ အတွက် အခုနွေရာသီမှာ ဆီဗီလာ သို့မဟုတ် ရီးရဲလ်ဘက်တစ်သို့ ပြောင်းရွှေ့ရန် အခွင့်အရေးကို ပယ်ချခဲ့တယ်လို့ သိရပါတယ်။
ဘေယန်မြူးနစ်ရဲ့ နောက်ခံလူ ဂျော်ရွှာ ကင်မစ်ချ် ကတော့ ဘာစီလိုနာရဲ့ ကမ်းလှမ်းမှုကို ပယ်ချယ်လိုက်တယ်လို့ သိရပါတယ်။ အကြောင်းရင်း ကတော့ ဘာစီလိုနာ ဘက်က ကင်မစ်ချ်ရဲ့ လက်ရှိလစာထက် နည်းတဲ့ ပမာဏနဲ့ ကမ်းလှမ်းခဲ့တာကြောင့် ဖြစ်ကြောင်း သိရပါတယ်။
ပရီးမီးယားလိဂ် ကလပ် လစ်ဗာပူးလ် အသင်း ကတော့ အတ္တလန္တာ ကွင်းလယ်လူ အီဒါဆန်ကို ခေါ်ယူဖို့ ပြင်ဆင်နေပါတယ်။ အသက် ၂၄ နှစ် အရွယ် ရှိပြီ ဖြစ်တဲ့ ဒီကွင်းလယ်ကစားသမားဟာ စီးရီးအေ ကလပ်နဲ့ စာချုပ်သက်တမ်း ၃ နှစ် ကျန်ရှိနေပါသေးတယ်။ လစ်ဗာပူးလ်ဟာ အရင်တစ်ပတ်ကပဲ အတ္တလန္တာ ကစားသမားပဲ ဖြစ်တဲ့ တူရန် ကု့ပ်မိုင်းနားကို ခေါ်ယူဖို့ စိတ်ဝင်စားကြောင်း ပြသထားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
