ဆော်ဒီ ကလပ်တွေရဲ့ လစာ ၃ ဆ ပိုပေးပြီး ကမ်းလှမ်းခြင်း ခံလိုက်ရတဲ့ လိုရစ်၊ ချဲလ်ဆီး နည်းပြသစ် ဖြစ်လာရင် မေဆန်မောင့်ကို အဓိကထား အသုံးပြုမယ့် ပိုချက်တီနို (ပရီးမီးယားလိဂ် နောက်ဆုံးရ သတင်းများ)

ဆော်ဒီ ကလပ်တွေရဲ့ လစာ ၃ ဆ ပိုပေးပြီး ကမ်းလှမ်းခြင်း ခံလိုက်ရတဲ့ လိုရစ်၊ ချဲလ်ဆီး နည်းပြသစ် ဖြစ်လာရင် မေဆန်မောင့်ကို အဓိကထား အသုံးပြုမယ့် ပိုချက်တီနို အစ ရှိတဲ့ သတင်းတွေ အပါအဝင် မေလ ၁၁ ရက်နေ့ရဲ့ ပရီးမီးယားလိဂ် သတင်း တချို့ကို ဖော်ပြပေးသွားမှာ ဖြစ်ပါတယ်။

လစာ ၃ ဆ ပိုပေးပြီး ဆော်ဒီ ကလပ်တွေရဲ့ ကမ်းလှမ်းခြင်း ခံလိုက်ရတဲ့ လိုရစ်

တော့တင်ဟမ်ဟော့စပါး အသင်းရဲ့ ဂိုးသမား ဟူဂို လိုရစ်ကို ဆော်ဒီ ကလပ်တွေ ဘက်က ကမ်းလှမ်းမှု လုပ်ခဲ့တယ်လို့ သိရပါတယ်။ ပြင်သစ် ဂိုးသမားဟောင်း ကတော့ စပါးမှာ ဆိုးရွားတဲ့ အမှားတွေ လုပ်ခဲ့တာကြောင့် လက်ရှိမှာ ပွဲကစားခွင့် မရရှိဖြစ်နေပြီး အသင်းနဲ့လည်း စာချုပ်သက်တမ်း ကုန်ဆုံးတော့မှာ ဖြစ်ပါတယ်။

လိုရစ်ကို လက်ရှိ ပရီးမီးယားလိဂ် ကလပ်မှာ ရရှိနေတဲ့ တစ်ပတ် လုပ်ခလစာ ပေါင် ၁ သိန်းရဲ့ ၃ ဆ ဖြစ်တဲ့ ပေါင် ၃ သိန်းနဲ့ ကမ်းလှမ်းခဲ့တာ လို့လည်း သိရပါတယ်။ ဒီအတွက်ကြောင့် ကစားသမား ဘက်ကလည်း စိတ်ဝင်စားဖွယ်ရာ ရှိနေပြီး စပါး ကနေ ထွက်ခွာဖို့ အတွက် သေချာသလောက် ရှိလာခဲ့ပြီ ဖြစ်ပါတယ်။

ဆော်ဒီ ကလပ်တွေ ကတော့ နာမည်ကျော် ကစားသမားတွေကို စုဆောင်းကာ သူတို့ရဲ့ လိဂ်ကို မြှင့်တင်ဖို့ အားထုတ်နေတာ ဖြစ်ပါတယ်။ ဒါကြောင့်လည်း ဥရောပက နာမည်ကျော် ကစားသမားတွေထဲကမှ စာချုပ်သက်တမ်း ကုန်ဆုံးတောမ့ယ့် သူတွေကို ပစ်မှတ်ထားနေတာ ဖြစ်ပြီး ရော်နယ်ဒို ပြီးနောက် ဘယ်ကစားသမားတွေကို ခေါ်ယူနိုင်မလဲ ဆိုတာ စောင့်ကြည့်ရတော့မှာပါ။

ချဲလ်ဆီး နည်းပြသစ် ဖြစ်လာရင် မေဆန်မောင့်ကို အဓိကထား အသုံးပြုမယ့် ပိုချက်တီနို

နာမည်ကျော် နည်းပြ တစ်ဦး ဖြစ်တဲ့ မော်ရီစီယို ပိုချက်တီနိုဟာ လာမယ့် ရာသီမှာ ချဲလ်ဆီး နည်းပြသစ် ဖြစ်လာဖို့ သေချာသလောက် ရှိနေပြီ ဖြစ်ပါတယ်။ သူ နည်းပြသစ် ဖြစ်လာခဲ့မယ် ဆိုရင်တော့ အသင်းက ထွက်ခွာဖို့ အတွက် ရေပန်းစားနေတဲ့ အင်္ဂလန် ကစားသမား မေဆန်မောင့်ကို အဓိကကစားသမား အဖြစ် အသုံးပြုမယ် လို့လည်း သတင်းတွေ ထွက်နေပါတယ်။

မေဆန် မောင့်ဟာ ဒီရာသီမှာ ချဲလ်ဆီး အတွက် ပွဲကစားခွင့် နည်းပါးနေပြီး သူ့ကို ပရီးမီးယားလိဂ် ပြိုင်ဘက် အသင်းတွေက စိတ်ဝင်စားနေကာ အဲ့ဒီ အထဲမှာ လစ်ဗာပူးလ် အသင်းလည်း ပါဝင်နေပါတယ်။ ချဲလ်ဆီး ကတော့ သူတို့ ကစားသမားကို ပေါင်သန်း ၈၀ အထိ တန်ဖိုးသတ်မှတ်ထားပြီး အဆိုပါ ပမာဏရရှိမှသာ ရောင်းထုတ်မယ်လို့ ဆိုပါတယ်။

ဒါပေမယ့် ပိုချက်တီနို ကတော့ မေဆန်မောင့်ကို သူ့ရဲ့ အဓိက ကစားသမား အဖြစ် သတ်မှတ်ထားတာ ဖြစ်ပါတယ်။ ဒါကြောင့် အသင်းမှာ ဆက်ရှိနေဖို့ကို မျှော်လင့်ထားကာ မေဆန်မောင့်ရဲ့ ဘောလုံးစွမ်းရည်နဲ့ စိတ်ဓာတ်ပိုင်းက သူသဘောကျတဲ့ အနေအထားမှာ ရှိနေတယ်လို့လည်း ဆိုပါတယ်။

ငါတို့ ကွင်းမှာဆို တွေ့မယ် ဆိုပြီး ရီးရဲလ်ကို သတိပေးခဲ့တဲ့ ဂရီးလစ်ရှ်

မန်ချက်စတာစီးတီးရဲ့ ကွင်းလယ် တိုက်စစ် ကစားသမား ဂျက် ဂရီးလစ်ရှ်က သူတို့ အသင်းဟာ အိမ်ကွင်း အီတီဟတ်မှာ ဆိုရင် ရပ်တန့်လို့ မရတဲ့ အသင်း ဖြစ်တယ်လို့ ပြောဆိုကာ ရီးရဲလ်မက်ဒရစ်ကို သတိပေးလိုက်ပါတယ်။ ပထမအကျော့မှာ ၁ ဂိုးစီ သရေကျခဲ့ပြီး မန်စီးတီးက ဒုတိယအကျော့ကို အိမ်ကွင်းမှာ ကစားရမှာ ဖြစ်လို့ အိမ်ကွင်း အားသာချက် ရှိနေခဲ့ပြီ ဖြစ်ပါတယ်။

ဒီရာသီမှာ မန်စီးတီးက အိမ်ကွင်း ရလဒ်ပိုင်း ကောင်းမွန်နေပြီး အိမ်ကွင်း နောက်ဆုံး ၁၄ ပွဲ ဆက်တိုက် အနိုင်ရရှိထားကာ ၄၉ ဂိုး သွင်းပြီး ၇ ဂိုးသာ ပြန်ပေးထားခဲ့ရပါတယ်။ ဒါ့အပြင် ဒီရာသီ အိမ်ကွင်း ရှုံးပွဲ ကလည်း တစ်ပွဲတည်း ရှိခဲ့ကာ ချန်ပီယံလိဂ် မှာလည်း အိမ်ကွင်း နောက်ဆုံး ရှုံးပွဲက ၂၀၁၈ ဧပြီလ အတွင်းက ဖြစ်လို့ သူတို့ရဲ့ အိမ်ကွင်း မှတ်တမ်းက အထင်ကြီးစရာ ကောင်းလွန်းပါတယ်။

ရီးရဲလ်မက်ဒရစ်နဲ့ ပွဲအပြီးမှာ ဂရီးလစ်ရှ်က “ အီတီဟတ်မှာ ဆိုရင် လက်ရှိအခိုက်အတန့်မှာ ကျနော် တို့ကို ရပ်တန့်လို့ မရဘူးလို့ ခံစားရပါတယ်၊ ဒီနေ့ ဘာနေဗျူးကို အနိုင်ကစားဖို့ အတွက် ကျနော်တို့ လာခဲ့တာပါ၊ ဒါပေမယ့် ဂိုးပေးလိုက်ရပြီးနောက်မှာ ကျနော် တို့ရဲ့ ပုံစံကောင်းကို ပြနိုင်ပြီး ပြန်လာနိုင်ခဲ့ပါတယ်၊ မျှတတဲ့ ရလဒ်ပါပဲ” လို့ ပြောဆိုခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.