ပရီးမီးယားလိဂ် ကလပ်တွေရဲ့ စိတ်ဝင်စားစရာ နောက်ဆုံးရ အပြောင်းအရွှေ့ သတင်းများ

နွေရာသီ အခုတစ်ခါမှာတော့ ပရီးမီးယားလိဂ် ကလပ်တွေရဲ့ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။

ပရီးမီးယားလိဂ် ကလပ် လစ်ဗာပူးလ် အသင်းဟာ နာပိုလီ တိုက်စစ်မှူး ဗစ်တာ အိုဆင်မ်ဟန်ကို ခေါ်ယူဖို့ အတွက် မန်ချက်စတာယူနိုက်တက်နဲ့ အပြိုင် စိတ်ဝင်စားနေပါတယ်။ နိုင်ဂျီးရီးယား လက်ရွေးစင်ကို ပီအက်စ်ဂျီက ယူရို သန်း ၉၀နဲ့ ကမ်းလှမ်းထားခဲ့ပေမယ့်လည်း ကစားသမား ကိုယ်တိုင် ကတော့ အခု လာမယ့် နွေရာသီမှာ ပရီးမီးယားလိဂ် ကိုပဲ ပြောင်းရွှေ့ကစားဖို့ စိတ်အားထက်သန်နေတယ်လို့ သိရပါတယ်။

ပရီးမီးယားလိဂ် ကလပ်တွေ ဖြစ်တဲ့ အာဆင်နယ်နဲ့ နယူးကာဆယ် အပြင် ဘေယန်မြူးနစ် ကလည်း အဲဗာတန် ကွင်းလယ်လူ အမာဒူ အိုနာနာကို ခေါ်ယူဖို့ အတွက် စိတ်ဝင်စားနေတယ်လို့ သိရပါတယ်။

ကလပ် ဘရုဂျက် တောင်ပံကစားသမား အန်တိုနီယို နူဆာဟာ တော့တင်ဟမ်ဟော့စပါးရဲ့ ပစ်မှတ် ကစားသမား စာရင်းထဲမှာ ဆက်ရှိနေပေမယ့်လည်း အခု အခါမှာတော့ အသက် ၁၉ နှစ် အရွယ် ကစားသမားကို အာဆင်နယ်နဲ့ မန်စီးတီး တို့ကလည်း အလိုရှိနေတယ်လို့ သိရပါတယ်။

ဘာစီလိုနာ ခံစစ် ကြယ်ပွင့် ရော်နယ် အာရူဟို အနေနဲ့ လာမယ့် နွေရာသီမှာ ဘာစီလိုနာနဲ့ စာချုပ်သစ် ချုပ်ဆိုရန် ဆွေးနွေးနေပြီး အကယ်၍ အဆင်မပြေခဲ့ရင်တော့ ဘေယန်မြူးနစ် သို့မဟုတ် မန်ချက်စတာယူနိုက်တက် အသင်းထံ ပြောင်းရွှေ့ဖို့ စဉ်းစားနေတယ်လို့ သတင်းတွေ ထွက်နေပါတယ်။

စီးရီးအေ ကလပ် အေစီမီလန်နဲ့ ဂျူဗင်တပ်စ် တို့ဟာ ဘိုလော့ဂ်နာ တိုက်စစ်မှူး ဂျော်ရွှာ ဇီကာဇီကို ခေါ်ယူဖို့ စိတ်ဝင်စားခြင်း မရှိတော့ဘူးလို့ သိရပါတယ်။ အဓိက ကတော့ အာဆင်နယ်ရဲ့ စိတ်ဝင်စားမှုကြောင့် ဖြစ်တယ်လို့ သိရပါတယ်။

ဖူလ်ဟမ် ကတော့ အခု နွေရာသီမှာ စတန်းဖို့ဒ်ဘရစ်ချ် ကနေ ထွက်ခွာဖို့ ရှိနေတဲ့ ချဲလ်ဆီး ဗဟိုနောက်ခံလူ သီယာဂို ဆေးလ်ဗားကို ခေါ်ယူနိုင်ဖို့ မျှော်လင့်နေသလို အသင်းဖော် ထရီဗို့ ချာလိုဘာကိုလည်း ခရေဗင် ကော့တေ့ဂျ် ဆီ ခေါ်ဆောင်လိုနေတယ်လို့ သိရပါတယ်။

ဘေယန်မြူးနစ် အသင်းဟာ လက်ရှိမှာ ချဲလ်ဆီး ကနေ ဒေါ့မန်ကို အငှားနဲ့ သွားရောက် ကစားနေတဲ့ အီရန် မတ်ဆန်ကို ခေါ်ယူချင်နေတယ်လို့ သိရပါတယ်။ အဓိက ကတော့ ရီးရဲလ်မက်ဒရစ်ကို ပြောင်းရွှေ့ဖို့ များနေတဲ့ အယ်လ်ဖွန်ဆို ဒေးဗီးစ် နေရာမှာ အစားထိုးဖို့ စဉ်းစားနေတာ ဖြစ်ပါတယ်။

အဲဗာတန် အသင်းဟာ ချဲလ်ဆီးရဲ့ ပစ်မှတ် ဖြစ်တဲ့ ဂိုးသမား ဂျော်ဒန် ပစ်ခ်ဖို့ဒ်ကို ရောင်းထုတ်ရဖို့ ရှိနေပါတယ်။ ပစ်ခ်ဖို့ဒ်ဟာ အင်္ဂလန်ရဲ့ နံပါတ် ၁ ဂိုးသမား ဖြစ်ပြီး သူ့ရဲ့ လက်စွမ်းကြောင့် အသင်းကြီး တော်တော်များများရဲ့ မျက်စိကျခြင်း ခံနေရသူလည်း ဖြစ်ပါတယ်။

ဂျိုဝဲလ် မက်တစ်ပ်၊ အက်ဒရီယန်၊ သီယာဂို၊ နတ် ဖီးလစ်ပ်၊ ခယ်လာဟာ တို့ဟာ ရာသီအကုန်မှာ ယာဂင် ကလော့ပ်နဲ့ အတူ လစ်ဗာပူးလ် ကနေ ထွက်ခွာဖို့ များနေတယ်လို့ သိရပါတယ်။

နောက်ထပ် ပရီးမီးယားလိဂ် ကလပ် တစ်ခု ဖြစ်တဲ့ ဝက်စ်ဟမ်း ကတော့ ခြေစွမ်းပြ ကစားသမားတွေ ဖြစ်တဲ့ မိုဟာမက် ကူဒု့စ်၊ လူးကပ်စ် ပက်ကေးတားနဲ့ အက်ဒ်ဆင် အယ်လ်ဗရက်ဇ် တို့ကို ရာသီကုန်မှာ ရောင်းထုတ်သွားနိုင်ဖို့ မျှော်လင့်နေတယ်လို့ သိရပါတယ်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.