အသင်းဟောင်းနဲ့ တော့ဒ် ဘိုလေကို ပြင်းပြင်းထန်ထန် ဝေဖန်ခဲ့တဲ့ ဒရော့ဘာ၊ ချဲလ်ဆီးက ဘာမှကို သုံးစားမရတဲ့ အသင်းလို့ ပြောဆိုလိုက်တဲ့ ဂျိုးကိုးလ် အစရှိတဲ့ သတင်းတွေ အပါအဝင် ဧပြီလ ၂၀ ရက်နေ့ရဲ့ ပရီးမီးယားလိဂ် သတင်း တချို့ကို ဖော်ပြပေးသွားမှာ ဖြစ်ပါတယ်။
ချဲလ်ဆီးက သူ့အသင်း မဟုတ်ဘူးလို့ ပြောလိုက်တဲ့ ဒရော့ဘာ
ချဲလ်ဆီး တိုက်စစ်မှူးဟောင်း ဒီဒီယာ ဒရော့ဘာ ကတော့ သူ့ရဲ့ အသင်းဟောင်းရဲ့ လက်ရှိ အခြေအနေ ဆိုးရွားနေမှုတွေကြောင့် ဒီအသင်းဟာ သူကစားခဲ့တဲ့ အသင်း ဆိုတာကို အသိအမှတ်မပြုနိုင်တော့ဘူးလို့ ပြောဆိုလိုက်ပါတယ်။ ပရီးမီးယားလိဂ် ကလပ် ကတော့ ဒီရာသီ ပြိုင်ပွဲစုံမှာ ရလဒ်တွေ ဆက်တိုက် ဆိုးရွားနေခဲ့ပြီး လမ်းပတ် လက်ထက်မှာ ၄ ပွဲ ဆက်တိုက် အရေးနိမ့်ထားခဲ့ပါတယ်။
ရီးရဲလ်မက်ဒရစ်ကို အရေးနိမ့်ခဲ့တဲ့ ပွဲအပြီး မှာလည်း ဒရော့ဘာက ဒေါသထွက်နေခဲ့ပြိး အသင်းပိုင်ရှင် တော့ဒ်ဘိုလေကို ပစ်မှတ်ထားကာ တိုက်ခိုက် ပြောဆိုခဲ့ပါတယ်။ အသင်းက အဆင့်အတန်း ချို့တဲ့နေပြီလို့ ပြောဆိုခဲ့ကာ ဒီလိုမျိုး မြင်တွေ့နေရတာကို ဒရော့ဘာ တစ်ယောက် တော်တော်လေး ပေါက်ကွဲနေတဲ့ အခြေအနေမှာ ရှိပါတယ်။
“ အေဗရာမိုဗစ် ခေတ်တုန်းက ဒီအသင်းကို အဆင့်အတန်း တစ်ခု အနေနဲ့ သိခဲ့ကြတယ်၊ ဒါပေမယ့် ဒီနေ့ မှာတော့ အသင်းက ချို့တဲ့နေပြီ၊ လူတချို့ကို သူတို့ ဖယ်ထုတ်လိုက်တာကို ကြည့်ရတာ ကျနော့် အတွက်တော့ အရမ်း ခက်ခဲပါတယ်၊ သူတို့မှာ ရှိနေခဲ့တဲ့ အခြေခံမူတွေနဲ့ တန်ဖိုးတွေကို ပြန်သွားသင့်ပါတယ်၊ ကျနော့် ဗားရှင်း အသစ် ဖြစ်နေပါပြီ’ လို့ ဒရော့ဘာက ဆိုခဲ့ပါတယ်။
ဘာမှကို သုံးစားမရတဲ့ အသင်းလို့ အသင်းဟောင်းကို ဂျိုကိုးလ် ဝေဖန်
ပရီးမီးယားလိဂ် ကလပ် ချဲလ်ဆီး ကစားသမားဟောင်း ဂျိုကိုးလ်ဟာ ညကပွဲမှာ ကစားသွားခဲ့တဲ့ အသင်းဟောင်းရဲ့ ကစားပုံကို ပြင်းပြင်းထန်ထန် ဝေဖန် ပြစ်တင်လိုက်ပါတယ်။ ချဲလ်ဆီးတို့ ရီးရဲလ်မက်ဒရစ်ကို နှစ်ကျော့ပေါင်း ၄-၀ နဲ့ အရေးနိမ့်ကာ ချန်ပီယံလိဂ် ကနေ ထွက်ခွာခဲ့ရပြီးနောက် ဂျိုကိုးလ်က အသင်းဟောင်းဟာ စိတ်ဓာတ်ပိုင်းပါ စုတ်ပြတ် သက်နေတယ်လို့ ပြောသွားခဲ့ပါတယ်။
“ သူတို့ ကောင်းကောင်း ကစားနိုင်ခဲ့တာက ပထမပိုင်းမှာပါ၊ ဒါပေမယ့် ဒီကောင်လေးတွေ ဆီမှာ ယုံကြည်ချက် ပျောက်ဆုံးနေပါတယ်၊ အခွင့်အရေးတွေ ကိုလည်း လက်လွှတ်ခဲ့ရပြီး ကစားသမားတွေ အနေနဲ့ ပိုကောင်းအောင် လုပ်သင့်ပါတယ်၊ နည်းပြက နည်းပြ နေရာ၊ ကစားသမားက ကစားသမား နေရာမှာ ရှိနေရမှာပါ၊ ဒါပေမယ့် နောက်ရာသီတော့ နည်းပြသစ် တစ်ယောက် ရောက်လာပါလိမ့်မယ်” လို့ ဂျိုကိုးလ်က ပြောဆိုခဲ့ပါတယ်။
ချဲလ်ဆီး ကတော့ လာမယ့် ရာသီမှာလည်း ချန်ပီယံလိဂ် ဝင်ခွင့် ရရှိမှာ မဟုတ်တော့တာ သေချာသလောက် ရှိနေပြီ ဖြစ်ပါတယ်။ အသင်း ပိုင်ရှင် တော့ဒ်ဘိုလေနဲ့ ကစားသမားတွေ အကြား မှာလည်း ပြသနာတွေ ရှိနေတယ်လို့ သိရကာ လေ့ကျင့်ကွင်းမှာ ကစားသမားတချို့က စိတ်ပျက်လက်ပျက် ဖြစ်နေတယ်လို့လည်း သတင်းတွေ ထွက်ပေါ်နေပါတယ်။
ဟယ်ရီကိန်းက ဘိုင်ယန်အတွက် အသက်ကြီးလွန်း၊ စျေးကြီးလွန်းတယ်လို့ မားသီးယပ်စ်ဝေဖန်
ဂျာမနီ ဂန္တဝင် ကစားသမားကြီး လိုသာ မားသီးယပ်စ်က ပရီးမီးယားလိဂ် ကြယ်ပွင့် ဟယ်ရီကိန်းဟာ ဘေယန်မြူးနစ် အတွက် စျေးကြီးလွန်းသလို အသက်လည်း ကြီးနေပြီ ဖြစ်ကြောင်း ဝေဖန် ပြောကြားလိုက်ပါတယ်။
ဘွန်ဒက်စ်လီဂါရဲ့ လက်ရှိချန်ပီယံ တို့ဟာ အသက် (၂၉) နှစ် အရွယ် တော့တင်ဟမ်ဟော့စပါး တိုက်စစ်မှူးကို ခေါ်ယူဖို့ ကာလရှည် စိတ်ဝင်စားနေခဲ့တာ ဖြစ်ပါတယ်။ ဒီမတိုင်ခင်မှာ ကတည်းက ဟယ်ရီကိန်းနဲ့ ဘေယန်မြူးနစ်တို့ အကြား အပြောင်းအရွှေ့ သတင်းတွေ ဆက်တိုက် ထွက်ပေါ်ခဲ့ပေမယ့် နှစ်ဖက်လုံး ကတော့ အတည်ပြုခဲ့ခြင်း မရှိပါဘူး။
မားသီးယပ်စ် ကတော့ တိုက်စစ်မှူးသစ် ရရှိမယ့် အပေါ် စိတ်လှုပ်ရှားမိကြောင်း၊ ဗစ်တာ အိုဆင်မ်ဟန်က အသင်း အတွက် သင့်တော်တဲ့ ခေါ်ယူမှု ဖြစ်လာနိုင်ကြောင်း၊ ရန်ဒဲလ် ကိုလို မူအာနီ ကတော့ အချိန် အနည်းငယ် လိုအပ်နိုင်ကြောင်း၊ ဟယ်ရီကိန်း ကတော့ အသက်ကြီးလွန်းသလို စျေးလည်း ကြီးလွန်းကြောင်း ပြောကြားခဲ့ပါတယ်။
စပါးဟာ ဟယ်ရီ ကိန်းကို ပြောင်းရွှေ့ကြေး အနည်းဆုံး ပေါင်သန်း (၁၀၀) ရရှိမှသာ ရောင်းထုတ်သွားဖို့ ဆုံးဖြတ်ထားတာလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
