ဒီတစ်ခါ မှာတော့ ဩဂုတ်လ ၃၁ ရက်နေ့ အထိ ရရှိထားသမျှ ပရီးမီးယားလိဂ် သတင်းတွေကို ဖော်ပြပေးသွားမှာ ဖြစ်ပါတယ်။
ပရီးမီးယားလိဂ်ကို ပြောင်းရွှေ့ခွင့် တောင်းဆိုလိုက်တဲ့ ဘေယန်မြူးနစ် ကြယ်ပွင့်
ရိုင်ယန် ဂရာဗင်ဘာ့ချ်က မန်ချက်စတာယူနိုက်တက်နဲ့ လစ်ဗာပူးလ်တို့ ဆီကနေ စိတ်ဝင်စားမှုခံခဲ့ရပြီးနောက် ယခုအပတ်မှာ ဘေယန်မြူးနစ် ကနေ ထွက်ခွာခွင့် တောင်းဆိုလိုက်တယ်လို့ ဂျာမနီက သတင်းတွေအရ သိရပါတယ်။
အသက် ၂၁ နှစ် အရွယ် ကွင်းလယ်လူဟာ ပြီးခဲ့တဲ့နှစ်ကမှ အေဂျက်စ် ကနေ ယူရို ၁၈.၅ သန်းနဲ့ ပြောင်းရွှေ့ခဲ့တာ ဖြစ်ပေမယ့်လည်း ဂျာမနီက ပွဲဦးထွက်ရာသီမှာ ပုံမှန် ပွဲကစားချိန် ရရှိဖို့ ရုန်းကန်ခဲ့ရတာ ဖြစ်ပါတယ်။ ပရီးမီးယားလိဂ် ကလပ် နှစ်ခုစလုံးဟာ သောကြာနေ့ အပြောင်းအရွှေ့ စျေးကွက်မပိတ်ခင်မှာ ကွင်းလယ်ကို အင်အား ဖြည့်တင်းနိုင်ဖို့ ကြိုးပမ်းနေတာ ဖြစ်ပါတယ်။
SPORT1ရဲ့ ဖော်ပြချက်အရ ဂရာဗင်ဘာ့ချ်ရဲ့ ကိုယ်စားလှယ်အဖွဲ့ဟာ ဘေယန်မြူးနစ်ကို ကွင်းလယ် ကစားသမားက အပြောင်းအရွှေ့ စျေးကွက် မပိတ်ခင် အသင်းကို စွန့်ခွာချင်တယ်လို့ အသိပေးခဲ့တာ ဖြစ်ပါတယ်။ ဘွန်ဒက်စ်လီဂါ ချန်ပီယံတွေက ယခုနွေရာသီ အစောပိုင်းတုန်းက ထွက်ခွာခွင့်ပေးဖို့ ငြင်းဆန်ခဲ့ပေမယ့် လက်ရှိမှာတော့ ခွင့်ပြုလိုက်ပြီလို့ သိရပါတယ်။
ပရီးမီးယားလိဂ်ရဲ့ underrated အဖြစ်ဆုံး အသင်းဖော်ကို ပြောပြခဲ့တဲ့ ဇင်ချန်ကို
အိုလက်ဇန်းဒါး ဇင်ချန်ကိုဟာ အာဆင်နယ် အသင်းဖော် သောမတ်စ် ပါတေးကို ပရီးမီးယားလိဂ်မှာ underrated အဖြစ်ဆုံး ကစားသမား အဖြစ် သတ်မှတ်ခဲ့ပါတယ်။ ပါတေးဟာ ပြီးခဲ့တဲ့ရာသီ အာဆင်နယ် ကွင်းလယ်မှာ အဓိကကျတဲ့ အခန်းကဏ္ဍ ကနေ ပါဝင်ကစားပေးခဲ့သူ ဖြစ်ပြီး အာတေးတားရဲ့ အသင်းက ပရီးမီးယားလိဂ် ဆုဖလား ပြိုင်ပွဲမှာ မန်စီးတီးကို ရှုံးနိမ့်ခဲ့ပြီးနောက် ဒုတိယနေရာမှာ ရာသီပြီးဆုံးခဲ့ရတာ ဖြစ်ပါတယ်။
ဇင်ချန်ကိုက ပါတေးဟာ ပရီးမီးယားလိဂ်မှာ အကောင်းဆုံး ကွင်းလယ် ခံစစ်ကစားသမား ဖြစ်တယ်လို့ ယုံကြည်နေတာ ဖြစ်ပါတယ်။ ဂန်းနား အသင်းဖော်ဟာ ကက်စ်မဲရိုးနဲ့ ရိုဒရီတို့ နှစ်ဦးစလုံးရဲ့ အထက်မှာ ရှိတယ်လို့ သတ်မှတ်ခဲ့တာ ဖြစ်ပါတယ်။
PFA ရဲ့ တစ်နှစ်တာ အကောင်းဆုံး ကစားသမားဆု ရရှိခဲ့တဲ့ ဟာလန်း
မန်စီးတီး တိုက်စစ်မှူး အာလင်း ဟာလန်းဟာ PFA ရဲ့ တစ်နှစ်တာ အကောင်းဆုံး ပရီးမီးယားလိဂ် ကစားသမားဆုကို ရရှိခဲ့ပြီး အာဆင်နယ် ကြယ်ပွင့် ဘူကာယို ဆာကာ ကတော့ PFA ရဲ့ တစ်နှစ်တာ အကောင်းဆုံး လူငယ်ကစားသမားဆုကို ရရှိခဲ့ပါတယ်။
ဟာလန်းဟာ ပရီးမီးယားလိဂ် ပွဲဦးထွက် ရာသီမှာပဲ မန်စီတီးကို ဖလား ၃ လုံး တပြိုင်နက် ဆွတ်ခူးနိုင်အောင် လိဂ်သွင်းဂိုး ၃၆ ဂိုး အထိ သွင်းယူပေးခဲ့ပြီး ဂျွန် စတုန်းစ်၊ ဒီဘရိုင်းနား၊ ဆာကာ၊ အော်ဒီဂွါဒ်၊ ဟယ်ရီ ကိန်း တို့ရဲ့ အထက်မှာ မဲပေးရွေးချယ်ခြင်းခံခဲ့ရတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
