ပြီးခဲ့တဲ့ တနင်္လာနေ့ညက ချဲလ်ဆီးကို အငြင်းပွားဖွယ် ဆုံးဖြတ်ချက်တွေနဲ့ စပါးတို့ ၄-၁ နဲ့ ရှုံးနိမ့်ခဲ့ပြီးနောက် ဒီရာသီ ပရီးမီးယားလိဂ် ပထမဆုံး ရှုံးပွဲတွေ့ခဲ့ပါတယ်။ ဒါပေမယ့် ခြေစွမ်းပိုင်းအရတော့ စိတ်ကျေနပ်စရာ ဖြစ်ခဲ့ပြီး ၂ ယောက်လျော့နဲ့မို့ ရှုံးခဲ့တာလို့ ဖြေသာခဲ့ပါတယ်။
ဒါပေမယ့်လည်း စနေနေ့ညက ဝုဗ်ဗာဟမ်တန်ဝမ်းဒါးရားစ် အိမ်ကွင်းမှာ ၁-၀ နဲ့ တစ်ပွဲလုံး ဦးဆောင်နိုင်ခဲ့ပြီးမှ နာကျင် အချိန်ပိုမှာ နောက်ကျ ချေပဂိုးရော အနိုင်ဂိုးပါ ခွင့်ပြုခဲ့ရပြီးနောက် ဒီရာသီ ဒုတိယမြောက် ပရီးမီးယားလိဂ် ရှုံးပွဲနဲ့ ရင်ဆိုင်ခဲ့ရတာ ဖြစ်ပါတယ်။
ရုတ်တရက်ပဲ နှစ်သင်းစလုံးဟာ ပွဲကစားချိန် နောက်ဆုံး မိနစ်တွေမှာ အနိုင်ဂိုး အတွက် တိုက်ပွဲဝင်ဖို့ ဖြစ်လာခဲ့ပြီး ဝုလ်ဗ်စ်က ဆာရာဘီရာရဲ့ ပြစ်ဒဏ်ဘော အမြန်ပေးပို့မှု ကနေ တဆင့် အလွန်ကောင်းမွန်တဲ့ ကစားပုံနဲ့ စပါး နောက်တန်းရဲ့ နောက်မှာ ရှိတဲ့ လီမီနာဆီ ပေးပို့ခဲ့ပြီးနောက် ၂-၁ နဲ့ အနိုင်ရရှိသွားခဲ့တာ ဖြစ်ပါတယ်။
ပွဲပြီးဆုံးခါနီးမှာ လက်သီးပုန်းထိုးခံခဲ့ရပေမယ့်လည်း ပိုစတီကိုဂလူ;က တိုးတက်အောင် လုပ်ရမယ့် နေရာတွေ အများကြီး ရှိနေတာတောင်မှပဲ အသင်းရဲ့ စိတ်ဓာတ်ပိုင်းကြောင့် ပျော်ရွှင်နေတာ ဖြစ်ပါတယ်။
“စိတ်ပျက်ခဲ့တာ သိသာပါတယ်။ အထူးသဖြင့် အရမ်း နောက်ကျတဲ့အချိန်မှ ဖြစ်ခဲ့တာတွေကြောင့်ပါ။ ဒါပေမယ့် အဲဒါက ဘောလုံးရဲ့ နာကျင်မှုတွေထဲက အစိတ်အပိုင်း တစ်ခုပါ။ အရာအားလုံးက ဒီလို အခြေအနေတွေမှာ ဖြစ်တတ်ပြီး ခင်ဗျား အဲဒါကို လက်ခံရမှာပဲ။ ကစားသမားတွေရဲ့ အားထုတ်မှုနဲ့ ပေးဆပ်မှုကို အပြစ် ပြောလို့ မရပါဘူး။ ဝုဗ် အိမ်ကွင်းမှာ အမြဲတမ်း ခက်ခဲတဲ့ ပွဲစဉ် ဖြစ်မှာပါပဲ။ ကျွန်တော်တို့ မထိန်းထားနိုင်ခဲ့ပါဘူး။” လို့ ပြောဆိုခဲ့တာ ဖြစ်ပါတယ်။
တော့တင်ဟမ်ဟော့စပါးဟာ ဒီရှုံးပွဲကြောင့် ပရီးမီးယားလိဂ် အမှတ်ပေးဇယား ထိပ်ဆုံးက မန်ချက်စတာစီးတီးကို အမီလိုက်နိုင်မယ့် အခွင့်အရေး ဆုံးရှုံးခဲ့ရသလို အဆင့် ၄ နေရာက လစ်ဗာပူးလ်ရဲ့ ကျော်တက်ခြင်းကို ခံရနိုင်တဲ့ အန္တရာယ်လည်း ရှိလာခဲ့ပြီ ဖြစ်ပါတယ်။
အန်ဂီ ပိုစတီကိုဂလူရဲ့ အသင်းဟာ ချဲလ်ဆီးကို စိတ်ပျက်ဖွယ် ရှုံးနိမ့်ခဲ့ပါတယ်။ အဲ့ဒီနောက်မှာ နိုဝင်ဘာ နိုင်ငံတကာ ပွဲစဉ် အားလပ်ရက် မတိုင်ခင် နောက်ဆုံး ပွဲစဉ် အဖြစ် ဝုဗ်နဲ့ ရင်ဆိုင်ကစားခဲ့တဲ့ ပွဲမှာ နိုင်ပွဲ ပြန်ယူပြီး ယုံကြည်ချက်တွေနဲ့ နိုင်ငံတကာပွဲစဉ် အားလပ်ရက်ကို ဖြတ်သန်းသွားဖို့ ရည်မှန်းထားခဲ့တာ ဖြစ်ပါတယ်။
ဒါပေမယ့်လည်း မမျှော်လင့်တာတွေ ဖြစ်တတ်တဲ့ ဘောလုံးရဲ့ သဘော သဘာဝ အတိုင်းပဲ ပွဲပြီးခါနီးမှ နဖူးရိုက်ခဲ့ရတာ ဖြစ်ပါတယ်။ နိုင်ငံတကာ ပွဲစဉ် အားလပ်ရက်အပြီး နိုဝင်ဘာ ၂၆ ရက်နေ့မှာ အက်စတွန်ဗီလာကို အိမ်ကွင်းမှာ လက်ခံယှဉ်ပြိုင်သွားရမယ့် ပွဲဟာ ပိုစတီကိုဂလူးရဲ့ အသင်း အတွက် ယုံကြည်မှု ပြန်လည် ရယူဖို့ နောက်ဆုံး အခွင့်အရေး အဖြစ် ရှိနေပါတယ်။ ဘာလို့ ဒီလိုပြောရလဲ ဆိုရင် ဒီဇင်ဘာလ ၃ ရက်နေ့မှာ လက်ရှိ ချန်ပီယံတွေ ဖြစ်တဲ့ မန်ချက်စတာစီးတီးနဲ့ တွေ့ဆုံသွားရမှာ ဖြစ်တာကြောင့် ဖြစ်ပါတယ်။ ဒါ့အပြင် အူနိုင်း အမ်မရီရဲ့ အသင်း ကလည်း ဒီရာသီမှာ ပုံစံကောင်းနဲ့ ထိပ်ဆုံး ၄ နေရာထဲ ဝင်ဖို့ တာဆူနေတဲ့ အသင်း ဖြစ်တာကြောင့် ထင်သလောက်တော့ လွယ်မှာ မဟုတ်ပါဘူး။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
