မန်စီးတီးကို ဘယ်လို ထိန်းချုပ်မလဲ ဆိုတာ ဖွင့်ဟလိုက်တဲ့ အာတေတာ၊ မက်ခ် အယ်လစ္စတာကို စိတ်ဝင်စားနေတဲ့ ယူနိုက်တက် အစရှိတဲ့ သတင်းတွေ အပါအဝင် ဧပြီလ ၂၆ ရက်နေ့ရဲ့ ပရီးမီးယားလိဂ် သတင်း တချို့ကို ဖော်ပြပေးသွားမှာ ဖြစ်ပါတယ်။
မန်စီးတီးကို ဘယ်လို ထိန်းချုပ်မလဲ ဆိုတာ ဖွင့်ဟလိုက်တဲ့ အာတေတာ
အာဆင်နယ် နည်းပြ မီခဲလ် အာတေတာဟာ မန်ချက်စတာစီးတီးနဲ့ ကစားမယ့် ပရီးမီးယားလိဂ် ပွဲစဉ် မတိုင်ခင် ပြိုင်ဘက် တိုက်စစ်မှူး အာလင်း ဟာလန်းကို ဘယ်လို ကိုင်တွယ်ဖို့ စီစဉ်ထားလဲ ဆိုတာကို ထုတ်ဖော် ပြောကြားခဲ့ပါတယ်။ လာမယ့် မေလမှာ ကိုင်မြှောက်ရမယ့် ပရီးမီးယားလိဂ် ဖလား အတွက် အဆုံးအဖြတ် ပွဲစဉ် အဖြစ် အာဆင်နယ်တို့ စီးတီးရဲ့ အီတီဟတ်ကွင်းကို သွားရောက် ယှဉ်ပြိုင်ရမှာ ဖြစ်ပါတယ်။
နော်ဝေ တိုက်စစ်မှူးဟာ ယခုရာသီ ပြိုင်ပွဲစုံမှာ ၄၈ ဂိုး အထိ ထူးထူးခြားခြား သွင်းယူထားနိုင်ခဲ့တာ ဖြစ်ပြီး သမိုင်းစာအုပ်ထဲက မှတ်တမ်း အားလုံးကို ချိုးဖျက်ဖို့ ပြင်ဆင်နေတာ ဖြစ်ပေမယ့်လည်း အာဆင်နယ် နည်းပြက အသက် ၂၁ နှစ် အရွယ် တိုက်စစ်မှူးကို ကိုင်တွယ်ဖို့ ဘယ်လိုစီစဉ်ထားလဲ ဆိုတာကို ထုတ်ဖော် ပြောကြားလိုက်တာ ဖြစ်ပါတယ်။
“ကျွန်တော်တို့ သူတို့ရဲ့ ခြိမ်းခြောက်မှု အပေါ်မှာ အလုပ်လုပ်နေသလို သူတို့ရဲ့ အားနည်းချက်တွေ အပေါ်မှာလည်း အလုပ်လုပ်နေတယ် ဆိုတာ သိသာပါတယ်။ သူတို့တွေရဲ့ အားနည်းချက်က ဘယ်နေရာမှာ ရှိလဲဆိုတာ ကျွန်တော်တို့ သိပါတယ်။ မန်စီးတီးရဲ့ ပြဿနာက ဂိုးသမားနဲ့ စပါတယ်။ ဘောလုံးက သူနဲ့ အတူ ရှိနေတဲ့ အချိန်မှာ သူတို့တွေက ခြိမ်းခြောက်မှုပါ။ ခင်ဗျား ကစားသမားတိုင်းကို ထိန်းချုပ်ရပါမယ်။” လို့ ပြောဆိုသွားခဲ့ပါတယ်။
အာဆင်နယ်နဲ့ ရင်ဆိုင်ရမှာ ခက်ခဲလိမ့်မယ်လို့ ခံစားနေရတဲ့ ဂွာဒီယိုလာ
ပရီးမီးယားလိဂ် အမှတ်ပေးဖလား အတွက် အရေးပါတဲ့ ပွဲစဉ် အဖြစ် ဒီနေ့မှာ အာဆင်နယ်နဲ့ ကစားရမယ့် ပွဲအပေါ် မန်ချက်စတာစီးတီး နည်းပြ ဂွာဒီယိုလာက စိုးရိမ်မှုတွေ ရှိနေပါတယ်။ အာဆင်နယ်က နောက်ဆုံး ၃ ပွဲ ဆက်တိုက် ရမှတ်တွေ လျော့နည်းနေခဲ့တာကြောင့် ဒီပွဲဟာ သူတို့ကို ပိုပြီးတော့ ခက်ခဲစေလိမ့်မယ်လို့ ဂွာဒီယိုလာက ယူဆနေတာပါ။
“ ဒီလိုအဆင့်မှာ သူတို့နဲ့ ကစားရမှာက အရမ်း ခက်ခဲနိုင်ပါတယ်၊ ဒါပေမယ့် ၃ ပွဲ ဆက်တိုက် သူတို့က အမှတ်လျော့ထားလို့ အဲဒါက ပိုပြီးတော့ကို ခက်ခဲလာပါလိမ့်မယ်၊ ဒီကို ရလဒ်ကောင်း ရဖို့ သူတို့က လာမှာပဲ၊ တပွဲမှ မနိုင်ထားတဲ့ ပြိုင်ဘက်နဲ့ ရင်ဆိုင်ရတာက ခက်ခဲပါတယ်၊ ကျနော် အခက်မတွေ့ချင်ဘူး၊ ပြိုင်ဘက်ကို အခွင့်အရေးလည်း မပေးချင်ဘူး၊ ဒါကြောင့် တပွဲလုံးကို ထိန်းချုပ်နိုင်ဖို့ အတွက် နေ့တိုင်း ကြိုးစားနေတာပါ”
“ ဒါပေမယ့် တခါတလေမှာ အဲဒါက အလုပ်မဖြစ်တာကိုတော့ လက်ခံရပါလိမ့်မယ်” လို့ ဂွာဒီယိုလာက ပြောဆိုခဲ့ပါတယ်။ လက်ရှိမှာ အာဆင်နယ်က မန်စီးတီးထက် ၂ ပွဲ ပိုကစားထားပြိး ၅ မှတ် အသာရရှိထားတာပါ။ ဒီပွဲ ကိုသာ မန်စီးတီး နိုင်ခဲ့မယ်ဆိုရင် ၂ ပွဲ လျော့ကစားပြီး ၂ မှတ်သာ ကွာဟတော့မှာ ဖြစ်လို့ ဆုဖလား အတွက် အခြေအနေကောင်း ပိုင်ဆိုင်မှာ ဖြစ်ပါတယ်။
မက်ခ် အယ်လစ္စတာကို စိတ်ဝင်စားနေတဲ့ ယူနိုက်တက်
မန်ချက်စတာယူနိုက်တက် နည်းပြ အဲရစ်ခ် တန်ဟက်ဂ်ဟာ သူ့အသင်း ကွင်းလယ်ပိုင်းကို အားဖြည့်ဖို့ အတွက် ဘရိုက်တန် ကွင်းလယ်လူ အလက်ဆစ် မက်ခ် အယ်လစ္စတာကို စောင့်ကြည့်နေပါတယ်။ အာဂျင်တီးနားနဲ့ အတူ ကမ္ဘာ့ဖလားကို ဆွတ်ခူးနိုင်ခဲ့တဲ့ ကွင်းလယ်လူဟာ ဘရိုက်တန် မှာလည်း ခြေစွမ်းပြ ကစားနေပြီး ပရီးမီးယားလိဂ် အသင်းကြီး တချို့ ကပါ သူ့ကို စောင့်ကြည့်နေတာ ဖြစ်ပါတယ်။
အသက် ၂၄ နှစ် အရွယ် ကစားသမားက နွေရာသီမှာ အသင်းပြောင်းရွှေ့ဖွယ် ရှိနေပြီး ယူနိုက်တက်ရဲ့ ထိပ်တန်း ပစ်မှတ်ထဲ ပါဝင်နေတယ်လို့ နာမည်ကျော်သတင်းထောက် ဖာဘရီဇီယို ရိုမာနိုက ဖော်ပြခဲ့ပါတယ်။ ဒါပေမယ့် ဘရိုက်တန် ကတော့ သူတို့ရဲ့ ကစားသမားကို ရောင်းချလိုခြင်း မရှိလို့ ခက်ခက်ခဲခဲတော့ ကြိုးပမ်းရမှာပါ။
ယူနိုက်တက်ဟာ ကစားသမားနဲ့ စကားပြောဆိုမှုတွေ ပြုလုပ်ချင်နေတယ် လို့လည်း သိရပြိး ပြိုင်ဘက် အသင်းတွေထက် လက်ဦးမှု ရယူဖို့ကို အားထုတ်နေပါတယ်။ လစ်ဗာပူးလ် ကလည်း အယ်လစ္စတာကို စိတ်ဝင်စားနေပြီး လာမယ့် နွေရာသီမှာ သူ ဘယ်အသင်းကို ရောက်မလဲဆိုတာကို စောင့်ကြည့်ရပါတော့မယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
