ပရီးမီးယားလိဂ် ကလပ် လစ်ဗာပူးလ် ညာနောက်ခံလူ ထရန့် အလက်ဇန္တား အာနိုးလ် ကတော့ အသင်းနဲ့ စာချုပ်သစ် တိုးမြှင့်ချုပ်ဆို့ဖို ခက်ခဲနေတာကြောင်း အသင်း ပြောင်းရွှေ့ရဖွယ် ရှိနေတယ်လို့ သိရပါတယ်။ လစ်ဗားပူးလ် ငယ်မွေးခြံပေါက် နောက်ခံလူ အာနိုးလ်ဟာ အစောပိုင်းမှာ ကတည်းက လာလီဂါ ကလပ် ရီးရဲလ်မက်ဒရစ်နဲ့ သတင်းတွေ ကျယ်ကျယ်လောင်လောင် ထွက်ပေါ်နေခဲ့သူလည်း ဖြစ်ပါတယ်။
အာနိုးလ်ဟာ လစ်ဗာပူးလ် အကယ်ဒမီထွက် ကစားသမား ဖြစ်ပြီး မာဆေးလ်ဆိုက်ဒ် ကလပ် အတွက်လည်း အရေးအပါဆုံး ကစားသမား အဖြစ် ရှိနေသူပါ။ အာနိုးလ်ဟာ လက်ရှိမှာ ပရီးမီးယားလိဂ် ကလပ် လစ်ဗာပူးလ်ရဲ့ ဒုတိယ ဦးစားပေး အသင်းခေါင်းဆောင် တာဝန်ပါယူထားသူ ဖြစ်ပါတယ်။ ဒါပေမယ့်လည်း အာနိုးလ်နဲ့ လစ်ဗာပူးလ်တို့ ချုပ်ဆိုထားတဲ့ စာချုပ်သက်တမ်းဟာ အခုရာသီ အကုန်မှာပဲ ကုန်ဆုံးတော့မှာ ဖြစ်ပါတယ်။ အာနိုးလ်နဲ့ အတူ တောင်ပံ တိုက်စစ် ကစားသမား မိုဟာမက် ဆာလာနဲ့ ဗာဂျယ် ဗန်ဒိုက်ခ် တို့ကလည်း ဒီရာသီ အကုန်မှာပဲ စာချုပ်သက်တမ်း ကုန်ဆုံးကြတော့မှာ ဖြစ်ပါတယ်။ ဒါကြောင့် ပရီးမီးယားလိဂ် ကလပ် အနေနဲ့ အသင်းရဲ့ အဓိက ကစားသမား ၃ ဦးကို စာချုပ်သက်တမ်း တိုးမြှင့်ဖို လိုအပ်နေပြီး ဘက်ဂျက်အရတော့ ခက်ခဲနေခဲ့တာ ဖြစ်ပါတယ်။ လက်ရှိ မှာတော့ လစ်ဗာပူးလ်က အသင်းခေါင်းဆောင် ဗာဂျယ် ဗန်ဒိုက်ခ်နဲ့ စာချုပ်သစ်ကိစ္စတွေ လုပ်ဆောင်နေပြီး အာနိုးလ် ကိုတော့ သက်တမ်းတိုးဖို့ ခက်ခဲနေတာ ဖြစ်ပါတယ်။
ဗြိတိန် သတင်းစာ The Sunရဲ့ ဖော်ပြချက်အရ ဆိုရင် ပရီးမီးယားလိဂ် ကလပ် လစ်ဗာပူးလ်ဟာ တစ်ပတ် လုပ်ခ ပေါင် ၃၅၀၀၀၀ ပေးချေနေရတဲ့ မိုဟာမက် ဆာလာနဲ့ တစ်ပတ် လုပ်ခ ပေါင် ၂၂၀၀၀၀ ပေးချေနေရတဲ့ ဗန်ဒိုက်ခ် တို့ကို ကျော်ပြီး အာနိုးလ်ကို လုပ်ခလစာ တိုးမြှင့်ပေးလိုခြင်း မရှိဘူးလို့ သိရပါတယ်။ ဒါကြောင့် အာနိုးလ် အနေနဲ့လည်း လစ်ဗာပူးလ်မှာ ဆက်နေဖို့ထက် အသင်း ပြောင်းရွှေ့ဖို့ စဉ်းစားဖွယ် ရှိနေပြီလို့ ဖော်ပြခဲ့ပါတယ်။
အသက် ၂၆ နှစ် အရွယ် ရှိပြီ ဖြစ်တဲ့ အင်္ဂလန် လက်ရွေးစင် ညာနောက်ခံလူ ထရန့် အလက်ဇန္တား အာနိုးလ်ဟာ လက်ရှိ လစ်ဗာပူးလ်မှာ တစ်ပတ်လုပ်ခ ပေါင် ၁၈၀၀၀၀ ရရှိနေသူ ဖြစ်ပါတယ်။ ဒါပေမယ့်လည်း အာနိုးလ် အနေနဲ့ သူ့ကို စိတ်ဝင်စားနေတဲ့ ရီးရဲလ်မက်ဒရစ် ဒါမှမဟုတ် ပီအက်စ်ဂျီ တို့ကိုသာ ပြောင်းရွှေ့ ဖြစ်ခဲ့မယ် ဆိုရင်တော့ သူ လက်ရှိ ရရှိနေတဲ့ လုပ်ခလစာထက် ပိုမို ရရှိသွားဖွယ် ရှိပါတယ်။
အစောပိုင်းမှာ အာနိုးလ် အနေနဲ့ လစ်ဗာပူးလ်မှာ ဆက်ကစားဖို့ ပိုမို ဆန္ဒရှိနေပေမယ့်လည်း အသင်း ဘက်က သူရဲ့ တစ်ပတ် လုပ်ခကို တိုးမြှင့် ကမ်းလှမ်းခြင်း မရှိရင်တော့ လာမယ့် နွေရာသီမှာ အသင်း ကနေ အလွတ်နဲ့ ထွက်ခွာသွားဖွယ်သာ ရှိနေပြီ ဖြစ်ပါတယ်။ ဒါ့အပြင် အာနိုးလ် လိုပဲ ဆာလာ ကလည်း သူ့ကို သက်တမ်း တိုးမြှင့်မယ် ဆိုရင်တော့ သူ့ရဲ့ လက်ရှိ ရနေတဲ့ လုပ်ခလစာကို တိုးမြှင့်ပေးဖို့ တောင်းဆိုလာဖွယ် ရှိနေခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
