ပီအက်စ်ဂျီ ကြယ်ပွင့် အန်ဘာပေးကတော့ အတ္တလန္တာ နဲ့ ကစားရမယ့် ချန်ပီယံလိဂ် ပွဲစဉ်ကို လွဲချော်တော့မှာဖြစ်ပါတယ်။အန်ဘာပေးဟာ ပြီးခဲ့တဲ့ ကိုပါဒီဖရန့်စ် ဗိုလ်လုပွဲမှာ ခြေချင်း၀တ်အဆစ်လွဲတဲ့ဒဏ်ရာရရှိခဲ့တာဖြစ်ပါတယ်။ အန်ဘာပေးဟာ ၃ပတ်လောက် အနားယူရမှာဖြစ်လို့ ချန်ပီယံလိဂ် ပွဲစဉ်ကို လုံး၀လွဲချော်ဖို့ သေချာသွားခဲ့ပါတယ်။အန်ဘာပေးဟာ စိန့်အက်တီယန်နီ အသင်းခေါင်းဆောင် လိုအစ်ပါရင်ရဲ့ ကြမ်းကြမ်းတမ်းတမ်းဖျက်ထုတ်မှုကြောင့် ဒဏ်ရာရရှိခဲ့တာဖြစ်ပြီး ပါရင်ဟာလည်း အနီကတ်ပြ ထုတ်ပယ်ခံခဲ့ရပါတယ်။
အဲ့ဒီပွဲစဉ်မှာတော့ နေမာရဲ့ ပွဲချိန်၁၄မိနစ်မှာသွင်းယူခဲ့တဲ့ တစ်လုံးတည်းသောဂိုးနဲ့ အနိုင်ရရှိခဲ့ပြီး ဖလားရရှိခဲ့ပါတယ်။ပီအက်စ်ဂျီအသင်းဟာ ဩဂုတ်လ၁ရက်နေ့မှာလည်း လိုင်ယွန်အသင်းနဲ့ လိဂ်ဖလား ဗိုလ်လုပွဲကစားရဖို့ရှိနေပြီး အဲ့ဒီပွဲမှာလည်း အန်ဘာပေကို မြင်တွေ့ရဖို့မရှိပါဘူး။
အန်ဘာပေကတော့ သူ့ရဲ့ တွစ်တာစာမျက်နှာကနေတစ်ဆင့် သူ့ကိုအားပေးနေတဲ့ ပရိသတ်တွေ မစိုးရိမ်ကြဖို့ ရေးသားထားခဲ့ပြီး ပီအက်စ်ဂျီအသင်းတာ၀န်ရှိသူတွေကလည်း အန်ဘာပေအလျင်အမြန်ပြန်ကောင်းလာဖို့ ဂရုတစိုက်ကြည့်ရှုစောင့်ကြပ်ပေးသွားမှာဖြစ်တယ်လို့သိရပါတယ်။အသင်းအနေနဲ့ကတော့ အန်ဘာပေကို ချန်ပီယံလိဂ်မှာ ကစားနိုင်ရေးထက် မကြာခင်မှာ ပြန်စတော့မယ် ရာသီသစ်မတိုင်မီ အလျင်အမြန်ပြန်ကောင်းလာဖို့ လိုလားနေပါတယ်။
အန်ဘာပေးဟာ ပြီးခဲ့တဲ့ရာသီက ပီအက်စ်ဂျီအသင်းအတွက် ၂၁ပွဲကစားပေးပြီး ၂၃ဂိုးသွင်းယူပေးထားတဲ့ တိုက်စစ်မှူးဖြစ်ပါတယ်။အဲ့ဒီ အသက် ၂၁အရွယ် ပြင်သစ်သားကို ရီးရဲမက်ဒရစ်အပါအ၀င် ဥရောပထိပ်သီးအသင်းတော်တော်များများကို ခေါ်ယူချင်နေပေမယ့် ပီအက်စ်ဂျီဘက်ကတော့ အသင်းမှာဆက်လက်ထိန်းသိမ်းနိုင်ဖို့ ပဲ ဆန္ဒရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ်, တွစ်တာ, အင်စတာဂရမ် and ယူကျု့ဘ်.
