လီဂူးဝမ်း ထိပ်သီး ပီအက်စ်ဂျီ ကတော့ လစ်ဗာပူးလ် တောင်ပံ တိုက်စစ် ကစားသမား မိုဟာမက် ဆာလာကို လာမယ့် နွေရာသီမှာ ခေါ်ယူသွားဖို့ ပြင်ဆင်နေတယ်လို့ သတင်းတွေ ထွက်ပေါ်လာပါတယ်။ ပီအက်စ်ဂျီဟာ ဆာလာကို တစ်ပတ် လုပ်ခ ပေါင် ၅ သိန်း အထိ ပေးချေဖို့ ရှိနေပြီး ၃ နှစ် စာချုပ်နဲ့ ကမ်းလှမ်းမှု ပြုလုပ်ထားကြောင်း သတင်းတွေ ထွက်နေတာ ဖြစ်ပါတယ်။
ပီအက်စ်ဂျီဟာ အသင်းမှာ တိုက်စစ် ကစားသမားတွေ တပုံတပင် ရှိနေပေမယ့်လည်း အဆင်မပြေတဲ့ ကစားသမားတွေကို ရှင်းထုတ်ပြီး မိုဟာမက် ဆာလာကို ခေါ်ယူချင်နေတာ ဖြစ်ပါတယ်။ လစ်ဗာပူးလ် ကလည်း မိုဆာလာ အပါအဝင် အာနိုးလ်နဲ့ ဗန်ဒိုက်ခ် တို့ကို စာချုပ်သက်တမ်း တိုးရတော့မှာ ဖြစ်ပြီး ၃ ဦးစလုံးကို သက်တမ်းတိုးဖို့က အခက်အခဲတွေ ရှိနေခဲ့တာ ဖြစ်ပါတယ်။ အဓိက ကတော့ လစ်ဗာပူးလ်ဟာ ဒီကစားသမား ၃ ဦးကို စာချုပ်သက်တမ်း တိုးဖို့ ဆိုရင်တော့ လုပ်ခလစာပါ တိုးမြှင့်ပေးရမှာ ဖြစ်ပါတယ်။ ဒါကြောင့် ဒီအခြေအနေကို ဥရောပ ထိပ်တန်း ကလပ် တော်တော်များများက စောင့်ကြည့်နေပြီးတော့ အရ ခေါ်ယူသွားဖို့ ပြင်ဆင်နေကြောင်း သတင်းတွေက ဖော်ပြနေတာပါ။
အာနိုးလ်ကို ဆိုရင် လာလီဂါ ထိပ်သီးက ရီးရဲလ်မက်ဒရစ်က နံပါတ် ၁ ပစ်မှတ် အဖြစ် သတ်မှတ်ထားသလို ဆာလာ ကိုတော့ လီဂူးဝမ်း ကလပ်က မက်မောလောက်စရာ လုပ်ခလစာနဲ့ ကမ်းလှမ်းဖို့ ပြင်နေတာ ဖြစ်ပါတယ်။ မိုဟာမက် ဆာလာဟာ လက်ရှိ လစ်ဗာပူးလ်မှာ တစ်ပတ် လုပ်ခ ပေါင် ၃ သိန်းခွဲသာ ရရှိနေပြီး အသင်း ဘက်က စာချုပ်သစ် အတွက် တစ်ပတ် လုပ်ခ ပေါင် ၄ သိန်းနဲ့သာ ကမ်းလှမ်းထားနိုင်တာပါ။ ဒါကြောင့် ပီအက်စ်ဂျီက ဆာလာကို လစ်ဗာပူးလ်ထက် လုပ်ခ လစာ ပိုပေးပြီး ခေါ်ယူဖို့ ကြိုးပမ်းဖွယ် ရှိနေတာ ဖြစ်ပါတယ်။
လီဂူးဝမ်း ထိပ်သီး ကလပ်ဟာ ပြီးခဲ့တဲ့ အပြောင်းအရွှေ့မှာ အမ်ဘာပေးလို့ ထိပ်တန်း တိုက်စစ်မှူးကို အလွတ်နဲ့ လက်လွှတ်ထားရတာကြောင့် တိုက်စစ်မှူးသစ် တစ်ဦး ပြန်လည် ရှာဖွေနေတာ ဖြစ်ပါတယ်။ အကယ်၍ ပီအက်စ်ဂျီသာ ဆာလာကို တစ်ပတ် လုပ်ခ ပေါင် ၅ သိန်း အထိ ပေးချေပြီး ၃ နှစ် စာချုပ်ချုပ်ဖို့ ရှိနေတဲ့ သတင်းသာ မှန်ခဲ့ရင်တော့ အီဂျစ်သား ကလည်း သူ့ရဲ့ အနာဂတ် အတွက် စဉ်းစားသွားဖွယ် ရှိနေပါတယ်။
မိုဟာမက် ဆာလာဟာ လက်ရှိမှာ အသက် ၃၂ နှစ် အရွယ် ရှိနေပြီ ဖြစ်ပေမယ့် အကောင်းဆုံး ပုံစံ တစ်ခုကို ပြသရင်း ဂိုးတွေလည်း မြူးနေတာ ဖြစ်ပါတယ်။ အီဂျစ် လက်ရွေးစင် အသင်းခေါင်းဆောင် ဆာလာဟာ ရိုးမား ကနေ လစ်ဗာပူးလ်ကို ပြောင်းရွှေ့လာချိန် ကတည်းက လက်ရှိရာသီ အထိ အသင်း အတွက် အကောင်းဆုံး ခြေစွမ်းပြပြီးတော့ အောင်မြင်များစွာလည်း ရရှိထားခဲ့ပါတယ်။
ဆာလာဟာ လစ်ဗာပူးလ်နဲ့ အတူ ပရီးမီးယားလိဂ်၊ ချန်ပီယံလိဂ် တို့ အပါအဝင် ဆုဖလား အောင်မြင်မှု များစွာ ရရှိထားပြီးတော့ ဒီနှစ်ရဲ့ ဘယ်လွန်ဒေါဆု ရရှိနိုင်တဲ့ ကစားသမား အဖြစ်ပါ သတ်မှတ်ခံထားရပြီ ဖြစ်ပါတယ်။ ဆာလာက ဒီရာသီမှာ နည်းပြသစ် အာနေး ဆလော့တ် လက်အောက်မှာ ပြိုင်ပွဲစုံ ၂၆ ပွဲ ကစားကာ ဂိုး ၂၀ သွင်းယူပြီး ၁၃ ဂိုး အထိ ဖန်တီးပေးထားပါတယ်။ ဒါပေမယ့်လည်း ရာသီ အကုန် မှာတော့ လစ်ဗာပူးလ်နဲ့ စာချုပ်သက်တမ်း ကုန်ဆုံးတော့မယ့် ဆာလာ တစ်ယောက် အန်ဖီးလ်ကို စွန့်ခွာနိုင်ချေ များနေခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
