ဒီတစ်ခါ မှာတော့ ဇူလိုင်လ ၁၀ ရက်နေ့ ညနေခင်း အထိ ရရှိထားသမျှ လာလီဂါ သတင်းတွေကို ဖော်ပြပေးသွားမှာ ဖြစ်ပါတယ်။
အလွန်ဆိုကို နည်းပြသစ် အဖြစ် ခန့်အပ်ဖို့ စီစဉ်ထားတဲ့ ရီးရဲလ်
ရီးရဲလ်မက်ဒရစ် အသင်းရဲ့ လက်ရှိ နည်းပြကြီး ကာလို အန်ဆယ်လော့တီက ၂၀၂၄ မှာ ဘရာဇီးလ် လက်ရွေးစင် အသင်းကို ကိုင်တွယ်မှာ ဖြစ်ပါတယ်။ ဒါကြောင့် လာလီဂါ ကလပ်က နည်းပြသစ် အဖြစ် သူတို့ရဲ့ ကစားသမားဟောင်း အလွန်ဆိုကို ပစ်မှတ်ထားထားနေတယ်လို့ သတင်းတွေ ထွက်လာပါတယ်။
စပိန် ကွင်းလယ်လူဟောင်း ဇာဘီ အလွန်ဆိုက လက်ရှိမှာ ဘွန်ဒက်လီဂါ ကလပ် လေဗာကူဆင်ကို ကိုင်တွယ်နေပြီး အသင်းကို ရလဒ်ကောင်းတွေ ရအောင် စွမ်းဆောင်ပေးထားသူ ဖြစ်ပါတယ်။ သူ့ရဲ့ အရည်အသွေးကို ရီးရဲလ်က သဘောကျနေပြီး အန်ဆယ်လော့တီ နေရာမှာ အစားထိုးချင်နေတာပါ။
အလွန်ဆို ကိုယ်တိုင်လည်း ဒီအခွင့်အရေး ရလာမယ် ဆိုရင် လက်လွှတ်ခံမှာ မဟုတ်ဘဲ လက်ခံသွားဖို့ရာ အသင့်ရှိနေပါတယ်။ လေဗာကူဆင် ကတော့ အလွန်ဆိုက အသင်းရဲ့ စီမံကိန်းတွေကို သဘောကျနေပြီး အာရုံစိုက်ထားတယ်လို့ တုံ့ပြန်ထားပါတယ်။
အမ်ဘာပေးကို ပြန်လည် ထိုးနှက်ခဲ့တဲ့ ပီအက်စ်ဂျီ အားကစား ဒါရိုက်တာ
ပီအက်စ်ဂျီ အားကစား ဒါရိုက်တာ လီယိုနာဒိုက အသင်းနဲ့ ပတ်သက်ပြီးတော့ ပြောဆိုမှုတွေ လုပ်နေတဲ့ တိုက်စစ်မှူး ကီလီယန် အမ်ဘာပေကို တုံ့ပြန်မှုတွေ လုပ်သွားခဲ့ပါတယ်။ အမ်ဘာပေးက သူ ပီအက်စ်ဂျီမှာ အကောင်းဆုံး ဖြစ်အောင် ကစားပေးခဲ့ပြီး ချန်ပီယံလိဂ် မရတာ သူ့အပြစ် မဟုတ်ဘူးလို့ ပြောဆိုခဲ့တာပါ။
အမ်ဘာပေးရဲ့ ပြောဆိုမှုတွေကို အသင်းဖော်တွေ ကပါ ဒေါသထွက်ခဲ့ပြီး အသင်း ဥက္ကဌဆီ ကိုပါ တိုင်ကြားမှုတွေ လုပ်ခဲ့ကြပါတယ်။ အမ်ဘာပေးက အသင်းမှာ တစ်နှစ် ဆက်ကစားပြီးရင် ထွက်မယ်လို့ ပြောဆိုထားပြီး ပီအက်စ်ဂျီ ကတော့ စာချုပ်သစ် မချုပ်ရင် ထွက်သွားဖို့ ပြောဆိုထားပြီး ဖြစ်ပါတယ်။ လက်ရှိမှာ အမ်ဘာပေးကို လာလီဂါ ထိပ်သီး ရီးရဲလ်မက်ဒရစ်က ခေါ်ယူချင်နေတာ ဖြစ်ပြီး အာဆင်နယ်နဲ့လည်း ကောလာဟလတွေ ထွက်နေပါတယ်။
လီယိုနာဒိုက “ အမ်ဘာပေး မရှိခင် ကတည်းက ပီအက်စ်ဂျီ ဆိုတာ ရှိနေတာပါ၊ သူမရှိလည်း ရှိနေဦးမှာပဲ၊ ပဲရစ်မှာ သူ ၆ နှစ် ကစားခဲ့ပြီး အဲဒီ ၆ ရာသီအတွင်း အသင်းပေါင်း ၅ သင်းက ချန်ပီယံလိဂ် ဖလား ရခဲ့ပါတယ်၊ အဲဒီ အသင်းတွေမှာ အမ်ဘာပေး မရှိခဲ့ပါဘူး” လို့ ပြောဆိုခဲ့တာ ဖြစ်ပါတယ်။
ရော်နယ်ဒိုကို သာမန်ပါပဲလို့ ပြောမိလို့ ပြန်လိုက်ရှင်းနေရတဲ့ အဂွဲရိုး
ကစားသမား ဘ၀က အနားယူပြီးနောက်မှာ podcast တွေ ဖန်တီးပြီးတော့ ပရိသတ်တွေနဲ့ ထိတွေ့နေတဲ့ အာဂျင်တီးနား တိုက်စစ်မှူးဟောင်း ဆာဂျီယို အဂွဲရိုးဟာ ခရစ္စတီယာနိုရော်နယ်ဒိုကို သာမန် ကစားသမားလို့ ပြောဆိုမိခဲ့တာကြောင့် ပြန်ဖြေရှင်းနေရပါတယ်။ သူ့ရဲ့ စီစဉ်တင်ဆက်မှု တစ်ခုမှာ သူက ရော်နယ်ဒိုကို သာမန် ကစားသမားလို့ ပြောဆိုခဲ့တာ ဖြစ်ပြီး ပရိသတ်တွေရဲ့ ဝေဖန်မှုတွေနဲ့ ရင်ဆိုင်ခဲ့ရတာ ဖြစ်ပါတယ်။
ဒါပေမယ့်လည်း အဂွဲရိုးက ဒါဟာ သူ သက်သက်စနောက်ခဲ့တာသာ ဖြစ်ပြီး သူ့အနားမှာ ရီးရဲလ်မက်ဒရစ် ပရိသတ် ဖြစ်တဲ့ သူငယ်ချင်း Ibai ရှိနေခဲ့တာကြောင့်လို့ ပြောဆိုခဲ့ပါတယ်။ အဂွဲရိုးဟာ မကြာဏ ဆိုသလို ဒီလို အငြင်းပွားစရာတွေကို ပြောဆိုလေ့ ရှိပြီး အာဂျင်တီးနား အသင်းဖော်ဟောင်း လီယွန်နယ် မက်ဆီက ရော်နယ်ဒိုထက် ပိုကောင်းတယ်လို့ ခံယူထားသူလည်း ဖြစ်ပါတယ်။
“ ရော်နယ်ဒိုကို သာမာန် ကစားသမား ဆိုပြီး ကျနော်ပြောခဲ့လို့ ပြစ်တင် ဝေဖန်ခံရတာတွေ အများကြီးကို လက်ခံရရှိခဲ့ပါတယ်၊ အဲဒီတုန်းက ကျနော့်နားမှာ Ibai ရှိနေခဲ့တာပါ၊ သူက ရီးရဲလ်မက်ဒရစ် ပရိသတ် တစ်ဦး ဖြစ်ပြီးတော့ အဲဒါကြောင့်လည်း ရော်နယ်ဒိုကို သာမန် ကစားသမား ဆိုပြီး ကျနော် စနောက်ခဲ့တာပါ” လို့ အဂွဲရိုးက ပြန်ရှင်းခဲ့ပါတယ်။ ဒါပေမယ့်လည်း ရော်နယ်ဒိုရဲ့ ပရိသတ်တွေ ကတော့ အဂွဲရိုးရဲ့ ပြောဆိုမှုကို ဒေါသထွက်ပြီး ပြင်းထန်တဲ့ တုံ့ပြန်မှုတွေ လုပ်ခဲ့ကြပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
