ဒီတစ်ခါ မှာတော့ စက်တင်ဘာလ ၄ ရက်နေ့ အထိ ရရှိထားသမျှ လာလီဂါ သတင်းတွေကို ဖော်ပြပေးသွားမှာ ဖြစ်ပါတယ်။
ရီးရဲလ်မက်ဒရစ် နည်းပြ အန်ဆယ်လော့တီကို သတင်းစကားပါးလိုက်တဲ့ နေမာ
ယခုနွေရာသီမှာ ပီအက်စ်ဂျီ ကနေ အယ်လ်ဟီလာလ်ကို ပြောင်းရွှေ့ခဲ့တဲ့ ဘရာဇီးလ် ကြယ်ပွင့် တိုက်စစ်မှူး နေမာက ရီးရဲလ်မက်ဒရစ် နည်းပြ အန်ဆယ်လော့တီကို ဘရာဇီးလ် လက်ရွေးစင် နည်းပြ အဖြစ် ခန့်အပ်နိုင်ခြေရှိတဲ့ သတင်းတွေနဲ့ပတ်သက်ပြီး တုံ့ပြန်ခဲ့ပါတယ်။
အန်ဆယ်လော့တီဟာ ၂၀၂၁ ခုနှစ်မှာ ဘာနေဗျူးကို ပြန်လာခဲ့တဲ့အချိန်ကတည်းက အလွန်ကောင်းမွန်တဲ့ အလုပ်တွေကို လုပ်ဆောင်ခဲ့တာ ဖြစ်ပြီး ပြီးခဲ့တဲ့ ၂ ရာသီအတွင်းမှာ ရနိုင်သမျှ ဆုဖလား အားလုံးကို ရယူပေးခဲ့တာ ဖြစ်ပါတယ်။ ရီးရဲလ်မက်ဒရစ်ဟာ ဒဏ်ရာပြဿနာကြောင့် အဓိကကစားသမား အများအပြားကို လက်လွှတ်ထားခဲ့ရပါတယ်။ ဒါပေမယ့်လည်း အန်ဆယ်လော့တီက အခြေအနေကို အကောင်းဆုံး ကိုင်တွယ်ထားနိုင်ခဲ့တာကြောင့် လာလီဂါ အမှတ်ပေးဇယား ထိပ်ဆုံးမှာ ဦးဆောင်နေပြီး ယခုရာသီ ၄ ပွဲစလုံးကို အနိုင်ရရှိထားခဲ့တာ ဖြစ်ပါတယ်။
ဒါပေမယ့်လည်း အန်ဆယ်လော့တီဟာ ယခုရာသီကုန်မှာ စာချုပ်သက်တမ်း ကုန်ဆုံးတာနဲ့ အသင်းကို စွန့်ခွာလိမ့်မယ်လို့ မျှော်မှန်းချက်တွေ ရှိနေပြီး ဘရာဇီးလ် လက်ရွေးစင် နည်းပြ ဖြစ်လာဖို့ သတင်းတွေ အခိုင်အမာ ထွက်ပေါ်နေခဲ့တာ ဖြစ်ပါတယ်။ အန်ဆယ်လော့တီဟာ ကလပ်အသင်း အဆင့်မှာ နည်းပြ တစ်ဦး အနေနဲ့ ရနိုင်သမျှ ဆုဖလား အားလုံးကို အနိုင်ရရှိခဲ့ပြီး ဖြစ်ပေမယ့်လည်း လက်ရွေးစင် နည်းပြ အဖြစ် တစ်ခါမှ တာဝန်ယူဆောင်ရွက်ဖူးခြင်း မရှိခဲ့တာ ဖြစ်ပြီး တကယ်လို့ နည်းပြခွင့်ရမယ် ဆိုရင်လည်း ကောင်းကောင်း လုပ်နိုင်မယ်လို့ ယူဆရပါတယ်။ နေမာ ကလည်း အဲဒီလိုပဲ ရှုမြင်ထားပြီး ဘရာဇီးလ် လက်ရွေးစင်အသင်းက အန်ဆယ်လော့တီကို နည်းပြ အဖြစ် ခန့်အပ်နိုင်ခြေနဲ့ ပတ်သက်ပြီး မေးမြန်းခဲ့ရာမှာ “ကျွန်တော် ဒီမှာ စကားပြောနေတာပါ။ ဒါပေမယ့် ကျွန်တော် ဘာတစ်ခုမှ မသိပါဘူ။ ကျွန်တော် ဘရာဇီးလ် ဘောလုံးအဖွဲ့ချုပ် ဥက္ကဌနဲ့ရော ဘယ်သူနဲ့မှ စကားမပြောဖူးပါဘူး။ တကယ်လို့ အန်ဆယ်လော့တီသာ နည်းပြသစ် ဖြစ်ခဲ့ရင် သူက ကောင်းကောင်း လက်ခံနိုင်ပါလိမ့်မယ်။ သူက သူ့ရဲ့ နည်းပြဘဝမှာ အရာအားလုံးကို အနိုင်ရရှိထားပြီးပြီ ဖြစ်တဲ့ ထင်ရှားကျော်ကြားတဲ့ လူတစ်ယောက်ပါ”လို့ ပြောကြားခဲ့တာ ဖြစ်ပါတယ်။
အိုဆာဆူနာကို အနိုင်ရခဲ့တဲ့ပွဲက လာမိုင်း ယာမယ်နဲ့ ဘာလ်ဒီတို့ကို ဝေဖန်ခဲ့တဲ့ ဇာဗီ
ဘာစီလိုနာ နည်းပြ ဇာဗီက တနင်္ဂနွေနေ့ညက အိုဆာဆူနာကို ၂-၁ နဲ့ အနိုင်ရခဲ့တဲ့ပွဲအပြီးမှာ လာမိုင်း ယာမယ်နဲ့ အလက်ဟန်းဒရိုး ဘာလ်ဒီတို့ကို ဝေဖန်ခဲ့ပါတယ်။ ဂျူးစ် ကွန်ဒေက ပထမပိုင်း မပြီးဆုံးခင်မှာ အဖွင့်ဂိုးကို သွင်းယူပေးခဲ့တာ ဖြစ်ပြီး အေဗီလာက အိုဆာဆူနာ အတွက် ဒုတိယပိုင်းမှာ ချေပဂိုး သွင်းယူသွားခဲ့တာကြောင့် ဘာစီလိုနာဟာ ယခုရာသီ ဒုတိယမြောက် သရေပွဲနဲ့ ရင်ဆိုင်ရတော့မယ့်ပုံ ပေါ်ခဲ့တာ ဖြစ်ပါတယ်။
ဒါပေမယ့်လည်း ရောဘတ် လီဝမ်ဒေါစကီးက နောက်ကျ ပင်နယ်တီ အနိုင်ဂိုးကို သွင်းယူပေးသွားခဲ့တာ ဖြစ်ပြီး ဘာစီလိုနာဟာ နိုင်ငံတကာ ပွဲစဉ် အားလပ်ရက်ကို အမှတ်ပေးဇယား ထိပ်ဆုံးက ခါးသီးပြိုင်ဘက် ရီးရဲလ်မက်ဒရစ်နဲ့ ၂ ပွဲ အကွာ ကနေ ဖြတ်သန်းသွားနိုင်တော့မှာ ဖြစ်ပါတယ်။ ဘာစီလိုနာ ရရှိခဲ့တဲ့ သွင်းဂိုး ၂ ဂိုးစလုံးဟာ တည်ကန်ဘော အခြေအနေ ကနေ ရရှိခဲ့တာ ဖြစ်ပြီး ကစားကွက် ကနေ ဂိုးရရှိအောင် အခွင့်အရေး ဖန်တီးနိုင်ဖို့ ရုန်းကန်ခဲ့ရတာ ဖြစ်ပါတယ်။
လာမိုင်း ယာမယ်ဟာ ဗီလာရီးရဲလ်နဲ့ ကစားခဲ့တဲ့ ပွဲစဉ်တုန်းက အကောင်းဆုံးစွမ်းဆောင်ရည်ကို ပြန်လည် ပြသနိုင်ခြင်း မရှိခဲ့သလို ဘာလ်ဒီကလည်း ဆန့်ကျင်ဘက် ဘယ်တောင်ပံမှာ ပိုမိုကောင်းမွန်ခဲ့ခြင်း မရှိတာ ဖြစ်ပါတယ်။ ဇာဗီက ပွဲအပြီးမှာ လူငယ်ကြယ်ပွင့် ကစားသမားတွေ အပေါ်မှာ ပြင်းထန်တဲ့ ဝေဖန်မှုမျိုး မဖြစ်အောင် ဂရုစိုက် ပြောဆိုခဲ့ပေမယ့်လည်း လာမိုင်းနဲ့ ဘာလ်ဒီ တို့ထဲက တစ်ဦးက ပုံမှန်ခြေစွမ်းမျိုး ကင်းမဲ့နေတယ်လို့ ပြောကြားခဲ့တာ ဖြစ်ပါတယ်။
ဂီတာဖေးနဲ့ ပွဲက နောက်ကျ အနိုင်ဂိုးကို တုံ့ပြန်ခဲ့တဲ့ ဘယ်လင်ဟမ်
ဂျူ့ဒ် ဘယ်လင်ဟမ်က ဂီတာဖေးနဲ့ ကစားခဲ့တဲ့ လာလီဂါ ပွဲစဉ် ၉၄ မိနစ်မှာ နောက်ကျ အနိုင်ဂိုးကို သွင်းယူပေးနိုင်ခဲ့ပါတယ်။ အဲ့နောက် ရီးရဲလ်မက်ဒရစ် ပရိသတ်တွေက Hey Dude သီချင်းကို ၎င်းအတွက် ဂုဏ်ပြုသီဆိုခဲ့တဲ့ Hey Jude သီဆိုသံတွေဟာ ဘာနေဗျူးကွင်း အမိုး ကိုတောင် အသစ် ပြန်လည် ပြုပြင်ရလုနီးပါး ပွင့်လျှံထွက်ခဲ့တာ ဖြစ်ပါတယ်။
အင်္ဂလန် ကွင်းလယ်ကြယ်ပွင့်က ဘာနေဗျူးမှာ သွင်းယူခဲ့တဲ့ ဂိုးတွေထဲမှာ ကြားဖူးသမျှထဲက အသံအကျယ်လောင်ဆုံး အခိုက်အတန့် ဖြစ်တယ်လို့ ပြောဆိုခဲ့ပြီး ပရိသတ်တွေက အဆုံးမှာ Hey Jude လို့ သီဆိုချိန်မှာ သီချင်းသံကို ပြန်လှည့်နားထောင်မိသလို ဒူးတွေတုန်တဲ့ အထိ ဖြစ်ခဲ့ရတယ်လို့ ဝန်ခံပြောကြားခဲ့တာ ဖြစ်ပါတယ်။
Diario AS ရဲ့ တနင်္ဂနွေနေ့မနက် သတင်းခေါင်းစည်းမှာ ဘယ်လင်ဟမ်ဟာ ရီးရဲလ်မက်ဒရစ်ရဲ့ ငွေရောင် ကျည်ဆံတစ်တောင့်လို့ ရေးသားခဲ့ပြီး ဂီတာဖေးနဲ့ပွဲမှာ ဒေါ့မွန် ကြယ်ပွင့်ဟောင်းက လူးကပ်စ် ဗက်စ်ကွက်ဇ်ရဲ့ ကန်ချက် ပြန်လျှံထွက်လာမှုကို အနီးကပ် ပိတ်သွင်းယူခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
