နောက်ဆုံးရ လာလီဂါ အပြောင်းအရွှေ့ သတင်းများ (၃၀/၅/၂၀၂၂)

အခုတစ်ခါ မှာတော့ မေလ ၃၀ ရက်နေ့ မနက်ခင်း အထိ နောက်ဆုံး ရရှိထားသမျှ စိတ်ဝင်စားဖွယ် လာလီဂါ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။

ဗင်နီးစီးယပ်စ်ကို ပေါင် သန်း ၅၀ တန် ၅ နှစ် သက်တမ်းရှိ စာချုပ်သစ် ချုပ်ဆိုဖို့ ပြင်ဆင်နေတဲ့ ရီးရဲယ်

ရီးရဲယ်မက်ဒရစ် ကတော့ အသင်းရဲ့ ဘရာဇီးလ် ကြယ်ပွင့် ဗင်နီးစီးယပ်စ် ဂျူနီယာကို ၅ နှစ် သက်တမ်းရှိတဲ့ စာချုပ်သစ် တစ်ရပ် ချုပ်ဆိုဖို့ ပြင်ဆင်နေပြီလို့ သိရပါတယ်။ စာချုပ် တန်ကြေး အနေနဲ့ ကတော့ အနည်းဆုံး ပေါင်သန်း ၅၀ ရှိမယ်လို့ ယူဆရပြီး အသက် ၂၁ အရွယ် ဘရာဇီးလ် တောင်ပံ တိုက်စစ်မှူး အနေနဲ့ ပြီးခဲ့တဲ့ ရာသီက ပြိုင်ပွဲစုံ ၂၁ ဂိုး သွင်းပြီး ဖန်တီးမှု အကြိမ် ၂၀ ပြုလုပ်နိုင်ခဲ့သူ ဖြစ်ပါတယ်။ ဒါ့အပြင် ချန်ပီယံလိဂ် ဗိုလ်လုပွဲမှာ ရီးရဲယ်မက်ဒရစ် အတွက် အရေးပါတဲ့ အနိုင်ဂိုး သွင်းယူပေးခဲ့တဲ့ အတွက် အသင်းဘက် အခုလိုပဲ လျင်လျင်မြန်မြန်နဲ့ စာချုပ်သစ် ချုပ်ဖို့ စီစဉ်လာခဲ့တာ ဖြစ်ပါတယ်။ ဗင်နီးစီယပ်စ်ဟာ ၂၀၁၈ ခုနှစ်က လာလီဂါ ထိပ်သီး အသင်း အတွက် စတင် ပွဲထွက်ခွင့်ရခဲ့ပြီး ၂၀၂၄ ခုနှစ် အထိ စာချုပ် သက်တမ်း ကျန်ရှိနေသူ ဖြစ်ပါတယ်။ စာချုပ်သစ် ချုပ်ဆို ဖြစ်ခဲ့ရင် ဗင်နီးစီးယပ်စ် အနေနဲ့ တစ်ပတ်လုပ်ခ ပေါင် ၁၇၀၀၀၀ အထိ တိုးမြှင့်ရရှိမှာ ဖြစ်ပါတယ်။

တစ်ဖက်မှာလည်း ရီးရဲယ်မက်ဒရစ်တို့ အေစီမီလန် ကြယ်ပွင့် ရာဖေးလ် လီယောင်ကို ပေါင် သန်း ၁၂၀ အထိ ပေးပြီး ကမ်းလှမ်းဖို့ ပြင်ဆင်နေတယ်လို့ သိရပါတယ်။ စပို့တင်း လူငယ် အကယ်ဒမီ အထွက် ပေါ်တူဂီ လက်ရွေးစင် ကစားသမားဟာ ၂၀၁၉ ခုနှစ် ကမှ လိုင်လီ ကနေ အေစီမီလန် အသင်းထံ ပြောင်းရွှေ့လာခဲ့သူ ဖြစ်ပြီး အေစီမီလန်တို့ ၁၁ နှစ်ကြာ ဝေးကွာနေတဲ့ စီးရီးအေ ချန်ပီယံဆု ပြန်လည် ကိုင်မြှောက်နိုင်ရေး အတွက် အဓိကကျတဲ့ အခန်းကဏ္ဉက ပါဝင်ခဲ့သူ ဖြစ်ပါတယ်။

လူသစ်ခေါ်ဖို့ လူဟောင်းတွေ အရင် ရောင်းထုတ်မှ ရမယ့် ဘာစီလိုနာ

ဘာစီလိုနာ အသင်း ကတော့ ဆီဗီလာ နောက်ခံလူ ကွန်ဒေးကို ချဲလ်ဆီးနဲ့ အပြိုင် ကြိုးပမ်းသွားဖို့ ရှိနေတယ်လို့ သိရပါတယ်။ တစ်ချိန်တည်းမှာပဲ ကာလရှည်ကြာ စိတ်ဝင်စားခဲ့တဲ့ နာပိုလီ ခံစစ်မှူး ကူလီဘာလီ ကိုလည်း ဆက်လက် ကြိုးပမ်းသွားဖွယ် ရှိနေတယ်လို့ စပိန် မီဒီယာတွေက ဖော်ပြပါတယ်။ လက်တလော အသင်းမှာ ပုံမှန် ပွဲထွက်ခွင့် ပျောက်ဆုံးနေတဲ့ ဘာစီလိုနာ ဗဟို ခံစစ်မှူး လန်းဂ်လတ် ကတော့ အသင်း ပြောင်းရွှေ့ဖို့ များနေခဲ့ပြီး ပရီးမီးယားလိဂ် ကလပ်တွေ ဖြစ်တဲ့ အာဆင်နယ်နဲ့ နယူးကာဆယ် တို့က ခေါ်ယူဖို့ စိတ်ဝင်စားနေတယ်လို့ သိရပါတယ်။ ဒါပေမယ့်လည်း ကစားသမားရဲ့ ခြေစွမ်းကြောင့် အငှားနဲ့သာ အရင် ခေါ်ယူလိုနေကြပြီး ဘာစီလိုနာ ကတော့ အပြီးသတ် ရောင်းထုတ်ချင်နေတာ ဖြစ်ပါတယ်။

ဒါ့အပြင် ဘာစီလိုနာ အနေနဲ့ ကက်ဆေးနဲ့ ခရစ္စတန်ဆန် တို့ကို ခေါ်ယူနိုင်ဖို့ ဆိုရင် ဘဏ္ဏာရေး အခြေအနေတွေကြောင့် အသင်းမှာ ရှိတဲ့ ကြယ်ပွင့် ကစားသမားတွေကို ဦးစွာ ရောင်းထုတ်နိုင်ဖို့ လိုအပ်နေတယ်လို့ သိရပါတယ်။ အသင်းကို ပြောင်းလဲမှုတွေ ပြုလုပ်ချင်နေတဲ့ ဇာဗီ အတွက်တော့ အကျပ်ရိုက်စရာ ဖြစ်နေပြီး အူစမန်နီ ဒမ်ဘီလီ၊ ဖရန်ကီ ဒီယောင်နဲ့ လန်းဂ်လတ် တို့ကို အပြီးသတ် ရောင်းထုတ်ဖို့ ပြင်ဆင်နေတာ ဖြစ်ပါတယ်။ တစ်ဆက်တည်းမှာပဲ ဘေယန်မြူးနစ် တိုက်စစ်မှူး ရောဘတ်လီဝမ်ဒေါစကီး အနေနဲ့ ဘာစီလိုနာ အသင်းဆီ ပြောင်းရွှေ့ချင်တယ် ဆိုရင်တောင် လာလီဂါ ကလပ် ဘက်က လုပ်ခလစာပေးချေဖို့ အခက်အခဲ ရှိနေတယ်လို့ သိရပါတယ်။

နွေရာသီအပြောင်းအရွှေ့မှာ ကစားသမား ၅ ဦးအထိ ခေါ်ယူဖို့ ပြင်ဆင်နေတဲ့ အက်တက်တီကို မက်ဒရစ်

နောက်ထပ် လာလီဂါ ထိပ်သီး အသင်း တစ်သင်း ဖြစ်တဲ့ အက်တလက်တီကို မက်ဒရစ် ကတော့ လာမယ့်နွေရာသီ အပြောင်းအရွှေ့မှာ ကစားသမားသစ် ၅ ဦး ခေါ်ယူ အားဖြည့်ဖို့ ပြင်ဆင်နေတယ်လို့ စပိန်ကလာတဲ့ သတင်းတွေအရ သိရပါတယ်။ လက်တလော အသင်းမှာ ကစားသမားကောင်းတွေ အများအပြား ရှိနေပေမယ့်လည်း လာမယ့် ရာသီမှာ အသင်းရဲ့ ခံစစ်နဲ့ ကွင်းလယ် တောင့်တင်းစေရေး ဆီမြွန်နီ အနေနဲ့ ကြိုတင် ပြင်ဆင်မှုတွေ ပြုလုပ်လိုနေတာ ဖြစ်ပါတယ်။ အက်တလက်တီကို မက်ဒရစ်ဟာ အူးဒီးနီးစ် အသင်းရဲ့ အာဂျင်တီးနား လက်ရွေးစင် မိုလီနာကို ပေါင် သန်း ၂၀နဲ့ စတင် ကမ်းလှမ်းဖို့ ပြင်ဆင်နေပြီး အခြား ပစ်မှတ်တွေ အဖြစ် လန်းစ် အသင်းရဲ့ ညာနောက်ခံလူ ဂျွန်နသန် ကလော့စ်၊ မာယော့ကာက ပါဘလို မာဖီယို၊ အက်စတွန်ဗီလာက ကာမာရာ၊ ဗလင်စီယာက ကားလို့စ် ဆိုလာ တို့ ပါဝင်နေတယ်လို့ သိရပါတယ်။

တစ်ဖက် မှာလည်း အက်တက်တီကို တို့ အသင်းရဲ့ အဓိက ကစားသမား တချို့ကို စာချုပ်သက်တမ်း တိုးရဖို့ ရှိသလို၊ တချို့ကိုတော့ အပြီးသတ် ခေါ်ယူဖို့ ရှိနေပါတယ်။ လက်တလော မှာတော့ ဟက်တာ ဟာရဲရား၊ လူးဝစ် ဆွာရက်ဇ်နဲ့ ဒုတိယ ဂိုးသမား ဘင်ဂျမင် လီကမ့်တ် တို့ ၃ ဦးဟာ အသင်း ကနေ ထွက်ခွာဖို့ အတည်ပြုထားပြီး ဗာဆယ်လစ်ဂျ်ကို၊ ရီနန် လိုဒီနဲ့ ဟာမိုဆို တို့ကိုလည်း ကမ်းလှမ်းလာတဲ့ ကလပ်တွေ ရှိရင် ရောင်းချသွားမယ်လို့ သိရပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.