ပေါ်တူဂီ ဘယ်နောက်ခံလူ ယာအို ကန်ဆယ်လို ကတော့ ဘာစီလိုနာ အသင်းမှာ တစ်ရာသီ အငှားစာချုပ် သက်တမ်းကုန်ဆုံးပြီးနောက် နူးကမ့်ပ်မှာ ဆက်ရှိနေဖို့ စိတ်အားထက်သန်နေပြီ ဖြစ်ကြောင်း ဖွင့်ဟ ပြောကြားလာခဲ့ပါတယ်။ ကန်ဆယ်လိုဟာ လက်ရှိ လာလီဂါ ကလပ် ဘာစီလိုနာမှာ ခြေစွမ်းပြနေပြီး အသင်း အတွက် အရေးပါတဲ့ ကစားသမားလည်း ဖြစ်နေသူပါ။
ပေါ်တူဂီ လက်ရွေးစင် ကစားသမားဟာ ပရီးမီးယားလိဂ် မန်ချက်စတာစီးတီးမှာ ၂၀၁၉ ကနေ ၂၀၂၃ ခုနှစ် အထိ အဓိက ကစားသမား အဖြစ် ပွဲပေါင်း ၁၅၀ ကျော် ပွဲထွက်ကစားခဲ့သူ ဖြစ်ပါတယ်။ ဒါပေမယ့်လည်း ၂၀၂၃ ခုနှစ် နှစ်ဆန်းပိုင်းလောက်မှာတော့ နည်းပြ ဖြစ်သူ ပပ် ဂွာဒီယိုလာနဲ့ ရုတ်တရက် ပြဿနာ တက်ခဲ့ပြီးနောက် ဘေယန်မြူးနစ် အသင်းထံ ၆ လ အငှားစာချုပ်နဲ့ ပြောင်းရွှေ့ ကစားခဲ့ပါတယ်။ အဲ့နောက် ဘေယန်မြူးနစ်က ကန်ဆယ်လိုကို အပြီးသတ် ခေါ်ယူခွင့် ရှိခဲ့ပေမယ့် မတတ်နိုင်ခဲ့တာကြောင့် ပေါ်တူဂီ နောက်ခံလူ အနေနဲ့ လာလီဂါ ကလပ်ကို တစ်ရာသီ အငှားနဲ့ ထပ်မံ ပြောင်းရွှေ့ခဲ့ရပါတယ်။
လက်ရှိမှာ ကန်ဆယ်လို အနေနဲ့ မန်စီးတီးကို ပြန်လိုခြင်း မရှိပဲ နူးကမ့်ပ် မှာပဲ ပျော်ရွှင်နေပေမယ့် ပရီးမီးယားလိဂ် ကလပ်နဲ့ စာချုပ်သက်တမ်း ၃ နှစ် ကျန်ရှိနေသေးတာကြောင့်တော့ ဘဏ္ဍာရေး အခက်အခဲတွေ ရှိနေတဲ့ ဘာစီလိုနာတို့ အပြီးသတ် ခေါ်ယူနိုင်ဖွယ်တော့ မရှိပါဘူး။ ဒါပေမယ့်လည်း ကန်ဆယ်လို ကတော့ ပေါ်တူဂီနဲ့ အတူ ယူရို ၂၀၂၄ ကစားနေရင်း ကနေ မန်ချက်စတာထက် ကာတာလိုးနီးယား ကိုသာ ပြန်ချင်ကြောင်း ဝန်ခံ ခဲ့ပါတယ်။
ကန်ဆယ်လိုက “ကျွန်တော့်ရဲ့ မျှော်လင့်ချက်က ဘာစီလိုနာမှာ ဆက်ရှိနေဖို့ပါ။ ကျွန်တော် အဲဒီမှာ အရမ်းပျော်ပါတယ်၊ ကျွန်တော့် မိသားစုလည်းပါ၊ နောက်ရာသီမှာ ကျွန်တော် ဆက်ရှိနေနိုင်မယ်လို့ မျှော်လင့်ပါတယ်။”
အကယ်၍ ဘာစီလိုနာ အနေနဲ့ ကန်ဆယ်လိုနဲ့ ယာအို ဖီးလစ်ကို အသင်းမှာ ဆက်ထားမယ် ဆိုရင်တော့ နှစ်ဦးစလုံးကို အငှားစာချုပ်တွေ ချုပ်ဆိုရမှာ ဖြစ်ပါတယ်။ သတင်းတွေအရ ဆိုရင် မန်ချက်စတာစီးတီး နည်းပြ ပပ် ဂွာဒီယိုလာ ကတော့ ကန်ဆယ်လို အသင်းကို ခတ္တ ပြန်လာဖို့ အတွက် ခွင့်ပြုထားတယ်လို့ သိရပါတယ်။ အသက် ၃၀ အရွယ် ကန်ဆယ်လိုဟာ ပြီးခဲ့တဲ့ ရာသီက လာလီဂါ ကလပ် ဘာစီလိုနာ အတွက် ပွဲပေါင်း ၄၂ ပွဲ ကစားပြီး ၄ ဂိုးသွင်းကာ ဖန်တီးမှု ၅ ကြိမ် ပြုလုပ်ထားခဲ့ပါတယ်။ ကန်ဆယ်လို အနေနဲ့ လက်ရှိ ယူရို ၂၀၂၄ မှာတော့ ကန်ဆယ်လိုက အဓိက ကစားသမား တစ်ဦး အဖြစ် ပါဝင်ကစားပေးလျက် ရှိပါတယ်။
မန်စီးတီး နည်းပြ ပပ်ဂွာဒီယိုလာ အနေနဲ့ ကန်ဆယ်လို ထွက်ခွာသွားချိန်မှာ ဘယ်နောက်ခံလူ နေရာ အတွက် အင်အား ဖြည့်တင်းခဲ့ခြင်း မရှိပဲ ဂျော့စ်ကို ဂဗာဒီယိုလ်၊ ကိုင်လ် ဝေါလ်ကာ၊ နေသန် အေခီ၊ ရီကို လီဝစ်၊ ရူဘင် ဒီးရာ့စ်၊ အာကန်ဂျီ တို့ကို ၃ ယောက်တွဲ ခံစစ် အဖြစ်ပဲ အလှည့်ကျ အသုံးပြုခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
