အဲဗာတန် ၁-၁ ဖူလ်ဟမ်
ပင်နယ်တီ (၆-၇)
ခရာဘောင်ဖလား ကွာတားဖိုင်နယ် ပွဲစဉ်တွေ ဆက်လက် ယှဉ်ပြိုင်ကစားကြပြီးတော့ အဲဗာတန်နဲ့ ဖူလ်ဟမ် ပွဲကလည်း အကြိတ်အနယ် ရှိခဲ့ပါတယ်။ သာမန် ပွဲချိန် အတွင်းမှာ တစ်ဖက် တစ်ဂိုးစီ သရေကျနေခဲ့တာကြောင့် ပင်နယ်တီ အဆုံးအဖြတ်ခံယူခဲ့ရပြီး ဖူလ်ဟမ်က ၆-၇ ဆိုတဲ့ ရလဒ်နဲ့ အနိုင်ရကာ ခရာဘောင်ဖလား ဆီမီးဖိုင်နယ် အဆင့်ကို တက်လှမ်းသွားခဲ့တာ ဖြစ်ပါတယ်။
ဒီနေ့ပွဲမှာ အိမ်ရှင် အဲဗာတန် ဘက်က ဒူကိုရေး၊ ယန်း၊ ကိုးလ်မန်း၊ မိုင်ကိုလန်ကို တို့လို အဓိက ကစားသမားတွေ ဒဏ်ရာကြောင့် မပါဝင်နိုင်ခဲ့ပေမယ့် တတ်နိုင်သမျှ အတောင့်တင်းဆုံး လူစာရင်းနဲ့တော့ ပွဲထွက်ခဲ့ပါတယ်။ မာကို ဆေးလ်ဗားရဲ့ အသင်း မှာတော့ ပထမဦးစားပေး ကစားသမား အားလုံး ပါဝင်ကစားနိုင်ခဲ့ပါတယ်။
ဒီနေ့ပွဲ ကိုတော့ အိမ်ရှင် အဲဗာတန်တို့ ပွဲစကတည်းက ဘောလုံး ပိုင်ဆိုင်မှု အသာနဲ့ လွှမ်းမိုး ကစားနိုင်ခဲ့ပြီး ဖူလ်ဟမ် ကတော့ အခွင့်အရေး ရရင် ရသလို တန်ပြန် တိုက်စစ်ကိုသာ အားပြုကစားခဲ့ရပါတယ်။ ဒါပေမယ့် ဦးဆောင်ဂိုး ရသွားတာက ဖူလ်ဟမ် ဖြစ်ပြီး ရော်ဘင်ဆင်ရဲ့ ကန်ချက်ကို မိုက်ကယ်ကိန်း တားဆီးရာကနေ လမ်းကြောင်းပြောင်း ဂိုးဝင်သွားခဲ့တာ ဖြစ်ပါတယ်။ ဦးဆောင်ဂိုး ပေးလိုက်ရပြီးနောက် အဲဗာတန်တို့ တိုက်စစ်ကို ပိုမို အားပြု ကစားလာခဲ့တာကြောင့် ဖူလ်ဟမ်တို့ ရုန်းကန်ခဲ့ရပြီး ၁-၁ ဖြစ်စေမယ့် ဂိုးကိုတော့ ကဲလ်ဗက်-လီဝင်း အစား လူစားဝင်လာတဲ့ ဘီတိုက သွင်းယူပေးခဲ့တာ ဖြစ်ပါတယ်။
တစ်ဖက် တစ်ဂိုးစီ သရေ ရလဒ်နဲ့ မိနစ် ၉၀ ပြည့်သွားခဲ့တာကြောင့် ပင်နယ်တီ အဆုံးအဖြတ် ခံယူခဲ့ရပါတယ်။ အချိန်ပို ကတော့ ဆီမီးဖိုင်နယ် အဆင့်မှသာ ကစားရတာကြောင့် ပင်နယ်တီ တန်းကန်ခဲ့ရတာလည်း ဖြစ်ပါတယ်။ ပင်နယ်တီ မှာတော့ ဖူလ်ဟမ် ဘက်က ဘော်လီ ရိဒ် လွဲချော်ခဲ့ပေမယ့် အဲဗာတန် ဘက်က အိုနာနာနဲ့ ဂေးဟ် တို့ နှစ်ဦး လွဲချော်တာကြောင့် ဖူလ်ဟမ်က ၆-၇ ရလဒ်နဲ့ အနိုင်ရသွားခဲ့တာ ဖြစ်ပါတယ်။
နောက်ပိုင်း ပွဲစဉ်တွေမှာ တောက်လျောက် ပုံစံကောင်းတွေ ရနေခဲ့တဲ့ ရှောင်ဒိုက်ချ်ရဲ့ အသင်း အတွက်တော့ ပင်နယ်တီ ရောက်မှ ပြိုင်ဘက်ကို အရှုံးပေးခဲ့ရလို့ စိတ်ပျက်စရာ ဖြစ်ခဲ့ပြီး နိုင်ပွဲ ဆက်နေမှုလည်း ရပ်တန့်ခဲ့ရပါတယ်။ ဖူလ်ဟမ် ကတော့ စပါး၊ နော့ဝှစ်ချ်၊ အစ်ပ်ဆွစ်ချ်တောင်း၊ အဲဗာတန် တို့ကို ကျော်ဖြတ်ပြီး အသင်းရဲ့ သမိုင်းမှာ ပထမဦးဆုံး အကြိမ် အဖြစ် ခရာဘောင်ဖလား ဆီမီးဖိုင်နယ် အဆင့်ကို တက်လှမ်းသွားနိုင်ခဲ့တာ ဖြစ်ပါတယ်။ အဲဗာတန်ဟာ လာမယ့် စနေနေ့မှာတော့ စပါးနဲ့ ပရီးမီးယားလိဂ် ပွဲစဉ် ကစားဖို့ ရှိပြီး ဖူလ်ဟမ် ကလည်း ဘန်လေနဲ့ ကစားရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
