ကမ္ဘာ့ဖလား ပြိုင်ပွဲ ပြီးရင် တိုက်ကြီး နှစ်တိုက်က ဘောလုံး အဖွဲ့ချုပ် နှစ်ခု ပထမဦး အနေနဲ့ ပူးပေါင်း ကျင်းပမယ့် ကိုပါ ယူရိုအမေရိက ပြိုင်ပွဲ ကိုတော့ လာမယ့် ၂၀၂၂ ခုနှစ် ဇွန်လမှာ စတင် ကျင်းပမယ်လို့ သိရပါတယ်။ ပြိုင်ပွဲရဲ့ နာမည်အတိုင်း ဥရောပဖလား (ယူရို) ချန်ပီယံနဲ့ တောင်အမေရိကဖလား(ကိုပါအမေရိက) ချန်ပီယံတို့ ယှဉ်ပြိုင်ရမှာ ဖြစ်ပြီး ဘောလုံး ဝါသနာရှင် ပရိသတ်တွေ ကတော့ နိုင်ငံ့လက်ရွေးစင် အသင်းကြီးတွေ ကစားမယ့် နောက်ထပ် ပွဲကောင်း တစ်ပွဲကို အားပေးကြရဦးမှာ ဖြစ်ပါတယ်။
ပြီးခဲ့တဲ့ ရက်ပိုင်း ကပဲ ဥရောပ ဘောလုံးအဖွဲ့ချုပ် (UEFA)နဲ့ တောင်အမေရိက ဘောလုံးအဖွဲ့ချုပ် (CONMEBOL)တို့ သဘောတူညီမှု ရရှိသွားခဲ့တာ ဖြစ်ပြီး လာမယ့် နှစ် ဇွန်လ ထဲမှာ ကျင်းပဖို့ စီစဉ်ထားပေမယ့် ကျင်းပမယ့် ရက်နဲ့ ကွင်းကိုတော့ မကြာခင်မှာ အတည်ပြု ပေးသွားမယ်လို့ ထုတ်ပြန်ထားပါတယ်။ ကိုပါ ယူရိုအမေရိက ဖလား ပထမဦးဆုံး ပွဲစဉ် အဖြစ် ယူရို ၂၀၂၀ ချန်ပီယံ အီတလီနဲ့ ၂၀၂၀ ကိုပါအမေရိက ချန်ပီယံ အာဂျင်တီးနားတို့ ယှဉ်ပြိုင်ကစားကြမှာ ဖြစ်ပါတယ်။ ဒါကြောင့် အီတလီနဲ့ အာဂျင်တီးနား အငွေ့အသက်တွေ ပေါင်းစုံရာ ဖြစ်တဲ့ နေပယ်စ်မြို့က နာပိုလီ အသင်းရဲ့ ဒီယေဂိုအာမန်ဒိုမာရာဒိုနာ ကွင်းကြီးမှာ အများစုက ကျင်းပ စေချင်နေတယ် လို့လည်း သိရပါတယ်။
ကိုပါ ယူရိုအမေရိက ပြိုင်ပွဲ ကျင်းပရခြင်း ရည်ရွယ်ချက် ကတော့ ဘောလုံး အားကစား တိုးတက်ဖို့ကို အဓိက ရှေ့ရှုပြီး မတူညီတဲ့ နေရာစုံက လူမျိုးတွေ၊ နိုင်ငံတွေ အချင်းချင်း ပေါင်းစည်းနိုင်ဖို့နဲ့ ယဉ်ကျေးမှုတွေလည်း ဖလှယ်နိုင်ဖို့ ကျင်းပရခြင်း ဖြစ်တယ်လို့ သိရပါတယ်။
ယူအီးအက်ဖ်အေ ဥက္ကဌ အလက်ဇန္တား ဆာဖာရင် အနေနဲ့ ဖီဖာရဲ့ ကမ္ဘာ့ဖလား ပြိုင်ပွဲကို ၂ နှစ် ၁ ကြိမ် ပြောင်းလဲ ကျင်းပဖို့ ကြိုးပမ်းနေတဲ့ အစီအစဉ်ကို Boycott လုပ်မယ်လို့ အခုလ အစောပိုင်းက သတိပေးထားခဲ့ပြီး သိပ်မကြာခင်မှာပဲ အခုလို ကိုပါ ယူရိုအမေရိက ဖလားနဲ့ ပတ်သတ်တဲ့ အကြောင်းအရာတွေကို တရား၀င် ချပြလာခဲ့တာ ဖြစ်ပါတယ်။ ၂ နှစ် ၁ ကြိမ် ကမ္ဘာ့ဖလား ကျင်းပမယ့် အစီအစဉ် ကိုတော့ အာဆင်နယ် နည်းပြဟောင်း အာစင်ဝင်းဂါးက အဓိက ကြိုးပမ်းနေတာ ဖြစ်ပါတယ်။ ယူအီးအက်ဖ်အေ အနေနဲ့ လက်ရှိ တာဝန်ယူ ကျင်းပနေတဲ့ ပြိုင်ပွဲတွေမှာ ပရိသတ် စိတ်ဝင်စားမှု ပိုမို မြင့်တက်လာစေဖို့ အတွက် ပြုပြင် ပြောင်းလဲမှု များစွာ ပြုလုပ်သွားဖို့ ရှိကြောင်း အစောပိုင်း မှာထဲက ထုတ်ပြန်ထားခဲ့တာ ဖြစ်ပါတယ်။ ပြီးခဲ့တဲ့ ယူရို ၂၀၂၀ မှာ ဆိုရင် ပြောင်းလဲမှု များစွာ ပြုလုပ်ခဲ့ပြီး ပြိုင်ပွဲ မစခင် ဝေဖန်မှုတွေနဲ့ ရင်ဆိုင်ခဲ့ရပေမယ့် နောက်ဆုံး မှာတော့ အောင်မြင်စွာ ကျင်းပနိုင်ခဲ့တယ် လို့ပဲ ဆိုရမှာ ဖြစ်ပါတယ်။့ ပုံစံတွေကိုာစေဖို့ အတွက် ပြိုင်ပွဲ ကျင်းပအခုထက်ပိုများ လာစေရေး အတွက်
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
