အင်္ဂလန်ဟာ အင်္ဂါနေ့ညနေ ဝင်ဘလေမှာ ယူရို ၂၀၂၄ ဝင်ခွင့် အုပ်စု C ပွဲစဉ်အဖြစ် အီတလီနဲ့ ယှဉ်ပြိုင်သွားရမှာ ဖြစ်ပါတယ်။ ဂါရက်သ် ဆောက်ဂိတ်ရဲ့ အသင်းက ရမှတ် ၁၃ မှတ်နဲ့ အုပ်စုကို ဦးဆောင်နေချိန်မှာ အီတလီက ၅ ပွဲ ကနေ ၁၀ မှတ် ရရှိပြီး အုပ်စု ဒုတိယနေရာမှာ ရပ်တည်နေပါတယ်။
အင်္ဂါနေ့မှာ အီတလီကို အနိုင်ရမယ် ဆိုရင် အင်္ဂလန် ကတော့ ဂျာမနီက ယူရို ၂၀၂၄ ပြိုင်ပွဲကို ကျိန်းသေပေါက် ဝင်ခွင့်ရသွားမှာ ဖြစ်ပါတယ်။ ဒါပေမယ့်လည်း ရှုံးနိမ့်ခဲ့မယ် ဆိုရင်တော့ ဆောက်ဂိတ်ရဲ့ အသင်း အနေနဲ့ အုပ်စုမှာ အန္တရာယ်ရှိတဲ့ အနေအထားနဲ့ ကြုံတွေ့ရမှာ ဖြစ်ပါတယ်။ အီတလီ ကလည်း ယူရို ၂၀၂၄ ပြိုင်ပွဲ ကန်ချင်ရင် ရလဒ်ကောင်းဖို့ လိုအပ်နေတာကြောင့် အဝေးကွင်းမှာ ရလဒ်ကောင်း တစ်ခု ရဖို့ အားစိုက်လာမှာပါ။
၁။ အီတလီရဲ့ အတွေ့အကြုံ မရှိတဲ့ ခံစစ်မှူးတွေနဲ့ အင်္ဂလန်ရဲ့ ထက်မြတ်တဲ့ တိုက်စစ်
အင်္ဂလန် တိုက်စစ်မှာ စိတ်လှုပ်ရှားစရာ ကောင်းတဲ့ ကစားသမားတွေ အများအပြား ပိုင်ဆိုင်ထားပြီး ဟယ်ရီ ကိန်း၊ ဂျူ့ဒ် ဘယ်လင်ဟမ်၊ ဖီးလ် ဖိုဒန်၊ မားကပ်စ် ရက်ရှ်ဖို့ဒ်၊ ဂျိမ်းစ် မက်ဒီဆင်၊ ဂျက်ခ် ဂရီးလစ်ရှ် တို့ဟာ လက်ရှိ ကမ္ဘာပေါ်က ဘယ်လို ခံစစ်မျိုးကို မဆို ကြောက်ရွံ့တုန်လှုပ်နေစေမှာပါ။
ဒါ့အပြင် အီတလီရဲ့ ခံစစ်ဟာ ဝါရင့်နောက်ခံလူတွေ ဖြစ်တဲ့ ဘိုနူချီ၊ ချီလီနီတို့ ထွက်ခွာပြီးနောက် တော်တော်လေး အတွေ့အကြုံ မရှိတဲ့ ကစားသမားတွေပဲ ကျန်နေခဲ့ပြီး ဘက်စတိုနီ၊ မန်ချီနီ တို့ဟာ မြင့်မားတဲ့ အဆင့်တွေမှာ ဆိုရင် အတွေ့အကြုံမရှိတဲ့ ကစားသမားတွေပါ။ ဒါကြောင့် အင်္ဂလန် တိုက်စစ်ကို ရင်ဆိုင်ဖို့ ခက်ခဲနိုင်ပြီး မတ်တီအို ဒါမီယန်၊ ဖက်ဒရီကို ဒီမာကို တို့ကတော့ အတွေ့အကြုံ ရှိတဲ့ ခံစစ် အစွန်လူတွေ ဖြစ်ပြီး အင်္ဂလန် တောင်ပံ ကြယ်ပွင့်တွေရဲ့ ခြိမ်းခြောက်မှုကို ချေဖျက်နိုင်ဖို့ အကောင်းဆုံး ပုံစံမှာ ရှိနေဖို့ လိုမှာပါ။
၂။ ကွင်းလယ် တိုက်ပွဲ
အင်္ဂလန်က ဒီကလန် ရိုက်စ်၊ ကယ်လ်ဗင် ဖီးလစ်ပ်၊ ဘယ်လင်ဟမ် တို့ကို ပွဲထွက်ကစားစေဖွယ် ရှိပြီး ရီးရဲလ်မက်ဒရစ် ကွင်းလယ် ကြယ်ပွင့် ကတော့ လက်ရှိအချိန်မှာ အကောင်းဆုံးပုံစံ ရရှိနေတာကြောင့် အင်္ဂလန် အတွက် တော်တော်လေး အားတက်စရာ ဖြစ်နေပါတယ်။ ဒါပေမယ့်လည်း အီတလီတွေ ကလည်း ကွင်းလယ်ပိုင်းမှာ တော်တော်လေး အားကောင်းပြီး ကွင်းလယ် အထိုင်မှာ မန်နျူရယ် လိုကာတယ်လီ၊ တောင်ပံ နှစ်ဖက်မှာ အတွေအကြုံရှိတဲ့ ဘိုနာဗန်တူရာ၊ ဖန်တီးမှု အားကောင်းတဲ့ နီကိုလို ဘာရယ်လာတို့ ရှိနေတာ ဖြစ်ပါတယ်။
ဘာရယ်လာဟာ အင်္ဂလန် ခံစစ်ကို ဆက်တိုက် ဖိအားပေးသွားမှာ ဖြစ်ပြီး ကွင်းလယ် ကနေ ပြိုင်ဘက် ခံစစ်ဧရိယာထဲကို ပြေးဝင်နိုင်စွမ်းက စပယ်လက်တီရဲ့ အသင်း အတွက် အရေးကြီးလာမှာ ဖြစ်ပါတယ်။ အီတလီတွေက ၄-၂-၃-၁ နဲ့ ကစားမယ့် အင်္ဂလန်နဲ့ ရင်ဆိုင်ရမယ့် ပွဲမှာ ၄-၃-၃ နဲ့ တုံ့ပြန်သွားမှာ ဖြစ်ပြီး ဘယ်လင်ဟမ်က တိုက်စစ်မှာ ပိုပြီးအချိန် ကုန်ဆုံးမှာ ဖြစ်တာကြောင့် လိုကတ်တယ်လီနဲ့ ဘာရယ်လာ တို့ရဲ့ အခန်းကဏ္ဍက အရမ်း အရေးပါလာမှာပါ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
