ယူရို ၂၀၂၄ ၁၆ သင်း အဆင့် ရှုံးထွက် ပွဲစဉ်တွေ ဆက်လက် ယှဉ်ပြိုင်ကစားဖို့ ရှိနေပြီးတော့ ရိုမေးနီးယားနဲ့ နယ်သာလန် တို့ရဲ့ ပွဲစဉ် အကြောင်းကို ပွဲကြိုအနေနဲ့ ချဉ်းကပ်ကြည့်ရအောင်ပါ။
ရိုမေးနီးယား ကတော့ ယူရို ၂၀၂၄ အုပ်စု (E) မှာ ဘယ်လ်ဂျီယံ၊ ဆလိုဗက်ကီးယား၊ ယူကရိန်း တို့နဲ့ တစ်အုပ်စုတည်း ကျရောက်ခဲ့ပြီး ရမှတ် ၄ မှတ်နဲ့ အုပ်စု ဗိုလ် ဖြစ်ခဲ့ပါတယ်။ အဖွင့်ပွဲမှာ ယူကရိန်းက ၃ ဂိုးပြတ်နဲ့ အနိုင်ရလိုက်တဲ့ ရိုမေးနီးယားက နောက်ပွဲတွေမှာတော့ ဘယ်လ်ဂျီယံကို ၂-၀ နဲ့ ရှုံးပြီး ဆလိုဗက်ကီးယားနဲ့တော့ တစ်ဂိုးစီ သရေကျခဲ့တာ ဖြစ်ပါတယ်။ အုပ်စု တွင်း အသင်းတွေ အားလုံး ၄ မှတ်စီ ရခဲ့ပေမယ့် ဂိုးကွာခြားချက် +၁ ရခဲ့တဲ့ ရိုမေးနီးယားက အုပ်စု ဗိုလ် အဖြစ် ရှုံးထွက်တက်လာခဲ့တာ ဖြစ်ပါတယ်။ လက်ရှိ ရိုမေးနီးယားက လူသိများတဲ့ ကစားသမား ဆိုလို ဒရာဂူဆင်၊ စတန်စီယူ၊ မာရင် တို့လောက်ပဲ ရှိပေမယ့် ဒီအသင်း ကလည်း အသင်းလိုက် ကစားပုံ တော်တော်လေး ကောင်းပါတယ်။
နယ်သာလန် ကတော့ ယူရို ၂၀၂၄ အုပ်စု (D) မှာ ဩစတြီးယား၊ ပြင်သစ်၊ ပိုလန် တို့နဲ့ တစ်အုပ်စုတည်း ကျရောက်ခဲ့ပြီး အကောင်းဆုံး တတိယ အသင်း အဖြစ် ရှုံးထွက်တက်လာခဲ့တာ ဖြစ်ပါတယ်။ ရော်နယ် ကိုးမန်းရဲ့ အသင်းက ခြေစွမ်းပိုင်း လုံးဝ အားရစရာပဲ တိုက်စစ်က ဂိုးတွေ ရသလောက် ခံစစ်က ဂိုးတွေ ပေးနေရတာ စိတ်ပျက်စရာပါ။ အဖွင့်ပွဲမှာ ပိုလန်ကို အနိုင်ရလိုက်တာကြောင့်သာ နယ်သာလန်တို့ ကံကောင်းခဲ့တယ်လို့ ဆိုရမှာ ဖြစ်ပြီး ပြင်သစ် ကိုတော့ သရေ၊ ဩစတြီးယား ကိုတော့ ၂-၃ ရလဒ်နဲ့ ရှုံးခဲ့တာပါ။ နယ်သာလန်ရဲ့ ခံစစ်က ဩစတြီးယားနဲ့ ပွဲမှာ တော်တော်လေးကို စိတ်ပျက်စရာကောင်းခဲ့တာ တွေ့ရပါတယ်။ ဒီနှစ်သင်းက ရှုံးထွက်အဆင့် ကျော်ရင်တော့ ကွာတားဖိုင်နယ် ဩစတြီးယား သို့မဟုတ် တူရကီနဲ့ တွေ့ဆုံရမှာ ဖြစ်တာကြောင့် လွယ်မယောင်နဲ့ ခက်ဦးမှာပါ။
ဒီနှစ်သင်းက ၃ ကြိမ် တွေ့ဆုံခဲ့ရာမှာ ၃ ကြိမ်စလုံး နယ်သာလန်က အနိုင်ရထားပြီး ဂိုးပြတ်တွေချည်းပါပဲ။ ၂၀၁၇ ခုနှစ် နိုဝင်ဘာလက နောက်ဆုံး တွေ့ဆုံထားခဲ့တာ ဖြစ်ပြီး နည်းနည်းလေး တွေ့ဆုံမှု အလှမ်းဝေးနေပြီလို့ ပြောလို့ ရပါတယ်။
ဒါပေမယ့်လည်း လက်ရှိ ခြေစမ်းပိုင်းအရတော့ နယ်သာလန်က တော်တော်လေး ယုံကြည်ရခက်နေပြီး ရိုမေးနီးယား ကတော့ အုပ်စု ဗိုလ်အဖြစ်နဲ့ ဒီအဆင့်ကို ရောက်လာခဲ့လို့ စိတ်ဓာတ်ပိုင်း တော်တော်လေး တက်ကြွနေပါတယ်။ နောက်ပြီး ရိုမေးနီးယားက အသင်းငယ်တွေရဲ့ ထုံးစံ အတိုင်း အသင်းလိုက် ကစားအား ကောင်းကောင်းနဲ့ ပြိုင်ဘက်တွေကို ရင်ဆိုင်တတ်လို့ နယ်သာလန် အတွက် လွယ်ကူတဲ့ ပြိုင်ဘက် ဖြစ်လာမှာတော့ မဟုတ်ပါဘူး။
ဒီပွဲက အရင်က တွေ့ဆုံမှုတွေကို ပြန်ကြည့်ပြီး နယ်သာလန် အသာရမယ်လို့တော့ ကျိန်းသေပေါက် တွက်ဆထားလို့ မရပါဘူး။ ပြီးခဲ့တဲ့ ပွဲတွေက အမှားကို နည်းပြ ဖြစ်သူ ရော်နယ် ကိုးမန်းရော၊ အသင်းသားတွေပါ ပြင်ဆင်လာနိုင်ရင်တော့ နယ်သာလန် အတွက် မခက်ခဲနိုင်တဲ့ ပွဲဖြစ်ပါလိမ့်မယ်။ ဒီပွဲမှာတော့ ရိုမေးနီးယားက ပုံစံကောင်းရနေပေမယ့် အတွေ့အကြုံပိုင်းမှာ သာတဲ့ နယ်သာလန်ကို ကျော်ဖြတ်ဖို့တော့ လုံလောက်တဲ့ အခြေအနေမျိုး မရှိပါဘူး။ အပြန်အလှန် သွင်းဂိုးတွေ ရှိလာနိုင်လို့ ဂိုးပေါ်ကို ရွေးချယ်ထားသင့်ပြီး နယ်သာလန်တို့ ပွဲချိန်အတွင်း တစ်ဂိုး အသာလောက်နဲ့ပဲ အနိုင်ရသွားမယ် ထင်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
