မနေ့ညက ကျင်းပခဲ့တဲ့ ၂၀၂၅ ခုနှစ် အတွက် Globe Soccer ဆုပေးပွဲ မှာတော့ အူစမန်နီ ဒမ်ဘီလီ၊ ဘွန်မာတီ၊ လာမင်း ယာမယ်နဲ့ ခရစ္စတီယာနို ရော်နယ်ဒို တို့လို ကစားသမားတွေပဲ အကောင်းဆုံးဆုတွေကို ဆွတ်ခူးသွားနိုင်ခဲ့ပါတယ်။ ၂၀၂၅ Globe Soccer ဆုပေးပွဲကို ဒူဘိုင်းမှာ ကျင်းပခဲ့တာ ဖြစ်ပြီး ဒီနှစ်က ၁၆ ကြိမ်မြောက်လည်း ဖြစ်ပါတယ်။ ဒီဆုဟာ နှစ်စဉ်နှစ်တိုင်း ကမ္ဘာတစ်ဝှမ်းက အောင်မြင်ကျော်ကြားတဲ့ ဘောလုံးသမား (အမျိုးသား/အမျိုးသမီး) တွေကို အဓိကထား ချီးမြင့်တာ ဖြစ်ပါတယ်။
ဒီနှစ် မှာတော့ အကောင်းဆုံး ဘောလုံးသမားဆုကို အူစမန်နီ ဒမ်ဘီလီ (ပီအက်စ်ဂျီ) နဲ့ အကောင်းဆုံး အမျိုးသမီး ဘောလုံးသမားဆု ကိုတော့ ဘွန်မာတီ (ဘာစီလိုနာ) တို့က ရရှိခဲ့ပါတယ်။ အကောင်းဆုံး နည်းပြဆုကို လူးဝစ္စ အန်နရီကေး (ပီအက်စ်ဂျီ)၊ အကောင်းဆုံး ထွန်းတောက်လာတဲ့ ကစားသမားဆုကို ဒီဇိုင်းရား ဒူရေး (ပီအက်စ်ဂျီ)၊ အရှေ့အလယ်ပိုင်း အကောင်းဆုံး ကစားသမားဆုကို ခရစ္စတီယာနို ရော်နယ်လ်ဒို၊ အကောင်းဆုံး အမျိုးသား ကလပ် အသင်းဆုကို ပီအက်စ်ဂျီ၊ အကောင်းဆုံး အမျိုးသမီး ကလပ် အသင်းဆုကို ဘာစီလိုနာ၊ အကောင်းဆုံး ကွင်းလယ် ကစားသမားဆုကို ဗစ်တင်ညာ (ပီအက်စ်ဂျီ)၊ အကောင်းဆုံး ရှေ့တန်းကစားသမားဆုကို လာမင်း ယာမယ် (ဘာစီလိုနာ)၊ အကောင်းဆုံး အားကစား ဒါရိုက်တာဆုကို လူးဝစ္စ ကမ်ပို့စ် (ပီအက်စ်ဂျီ)၊ အကောင်းဆုံး အေးဂျင့်ဆုကို ဂျော့ဂျ် မန်းဒက်စ် တို့က ရရှိခဲ့ပါတယ်။
အဲဒီနောက် အကောင်းဆုံး ဥက္ကဋ္ဌဆုကို အယ်လ်ခီလိုင်ဖီ (ပီအက်စ်ဂျိ)၊ အကောင်းဆုံး Content Creator ဆုကို ဘီလယ် ဟာဒက်၊ မာရာဒိုနာဆုကို လာမင်း ယာမယ်၊ အကောင်းဆုံး အကယ်ဒမီဆုကို Right to Dream Academy (ဂါနာ)၊ အကောင်းဆုံး Comeback ဆုကို ပေါလ် ပေါ့ဘာ (မိုနာကို)၊ အကောင်းဆုံး လက်ရွေးစင် အသင်းဆုကို ပေါ်တူဂီ၊ အကောင်းဆုံး အားကစား အမှတ်တံဆိပ်ဆုကို အဲလ်အေအက်ဖ်စီ၊ အကောင်းဆုံးစိတ်ပိုင်းဆိုင်ရာ နည်းပြဆုကို ရိုမာနာဇီ၊ Player Career Award ဆုကို နာကာတာနဲ့ အင်နီယေစတာ တို့ ရရှိခဲ့ကြပါတယ်။ ဒီဆုပေးပွဲမှာ ဘောလုံးနဲ့ ဆိုင်တဲ့ အသိုင်းအဝိုင်းကသူတွေကို အဓိက ဆုချီးမြှင့်ပေမယ့် ဒီနှစ်မှာတော့ Globe Sports Award ဆုကို စတင် ချီးမြှင့်ခဲ့ပါတယ်။ ဒီဆုကိုတော့ နာမည်ကျော် တင်းနစ် ကစားသမား နိုဗက်ခ် ဂျိုကိုဗစ်က ရရှိခဲ့ပါတယ်။
Globe Soccer ဆုပေးပွဲကို ၂၀၁၀ ခုနှစ်မှာ စတင်ခဲ့တာ ဖြစ်ပေမယ့် အကောင်းဆုံး ကစားသမားဆု ကိုတော့ ၂၀၁၁ ခုနှစ်မှာမှ စတင်ချီးမြှင့်ခဲ့တာ ဖြစ်ပြီး ရော်နယ်ဒိုက ၆ ကြိမ် အထိ ရရှိကာ အအောင်မြင်ဆုံး အဖြစ် ဦးဆောင်နေပါတယ်။ ခရစ္စတီယာနို ရော်နယ်ဒိုက အရှေ့အလယ်ပိုင်း အကောင်းဆုံး ကစားသမားဆု ကိုလည်း ၃ နှစ် ဆက်တိုက် ရရှိထားပြီး နည်းပြတွေထဲမှာ အများဆုံး ရရှိထားသူ ကတော့ ရီးရဲလ်မက်ဒရစ်နဲ့ အတူ ၃ ကြိမ် ရရှိထားတဲ့ ကာလို အန်ဆယ်လော့တီ ဖြစ်ပါတယ်။ ဆုရရှိသူတွေထဲမှာတော့ လီယွန်နယ် မက်ဆီ ပါဝင်ခဲ့ခြင်း မရှိပါဘူး။ မက်ဆီဟာ Globe Soccer Award ကို တစ်ကြိမ်သာ ဆွတ်ခူးခဲ့ပြီးတော့ ဒီလို အခြေအနေကြောင့်လည်း တချို့က ဒီဆုပေးပွဲကို လှောင်ပြောင်မှုတွေ ပြုလုပ်လျက် ရှိပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
