ဒီကနေ့ မနက် အစောပိုင်းမှာ ချန်ပီယံလိဂ် အုပ်စု ပွဲစဉ်တွေ ဆက်လက် ယှဉ်ပြိုင်ကစားခဲ့ကြပြီး အုပ်စု (A) မှာတော့ ဘေယန်မြူးနစ်နဲ့ ကိုပင်ဟေဂင်တို့ နိုင်ပွဲ ကိုယ်စီ ရရှိခဲ့ကြပါတယ်။
ရာနှုန်းပြည့် နိုင်ပွဲဆက်ခဲ့တဲ့ ဘေယန်မြူးနစ်
ဘေယန်မြူးနစ် ၂-၁ ဂါလာတာဆာရေး
ဘေယန်ဟာ အိမ်ကွင်းမှာ ဟယ်ရီကိန်းရဲ့ သွင်းဂိုးတွေနဲ့ ဂါလာတာစာရေးကို အနိုင်ကစားပြီး အုပ်စု အတွင်းမှာ ၄ ပွဲစလုံး အနိုင်ရအောင် စွမ်းဆောင်ထားနိုင်ခဲ့ပါတယ်။ ဂါလာတာဆာရေးတို့ ၁ ဂိုး ပြန်သွင်းနိုင်ခဲ့ပေမယ့်လည်း သရေကျဖို့ အထိတောင် မတတ်နိုင်ခဲ့လို့ အရေးနိမ့်ခဲ့ရပြီး ဘေယန်မြူးနစ် ကတော့ ချန်ပီယံလိဂ် ရှုံးထွက်အဆင့်ကို တက်ရောက်နိုင်ခဲ့ပါပြီ။ ထူးခြားတာက မိနစ် ၈၀ ကျော်မှာ နှစ်သင်းစလုံး ဂိုးတွေ ရခဲ့ကြတာ ဖြစ်ပြီး ဘေယန်မြူးနစ် အတွက် ဂိုးတွေ ကိုတော့ ဟယ်ရီကိန်း တစ်ဦးထဲက သွင်းယူပေးခဲ့တာပါ၊ ဒါပေမယ့်လည်း ရှုံးနိမ့်ခဲ့တဲ့ တူရကီ ကလပ် အတွက်တော့ မျှော်လင့်ချက်က အပြည့်အ၀ ရှိနေပါသေးတယ်။ သူတို့ရဲ့ အိမ်ကွင်းမှာ ကစားရမယ့် ယူနိုက်တက်နဲ့ ပွဲစဉ်၊ ကိုပင်ဟေဂင်နဲ့ ပွဲတွေမှာ ရလဒ်ကောင်းမယ်ဆို နောက်တဆင့်က သူတို့ အတွက် ဖြစ်လာနိုင်ဖွယ် ရှိပါတယ်။ ဘေယန်မြူးနစ် ကတော့ အသင်းကြီးပီပီ ဘယ်လို အနိုင်ကစားရမလဲ ဆိုတာ သိခဲ့ပြီး သူတို့ရဲ့ သမ္ဘာနဲ့ ဝါကို ပြသနိုင်ခဲ့တာ ဖြစ်ပါတယ်။
၂ ဂိုးပြတ် ဦးဆောင်ပြီးမှ အလှည့်အပြောင်း များစွာနဲ့ အရှုံးပေးခဲ့ရတဲ့ ယူနိုက်တက်
ကိုပေဟေဂင် ၄-၃ မန်ချက်စတာယူနိုက်တက်
မန်ချက်စတာယူနိုက်တက် အတွက် ရှုံးချက်နာခဲ့တဲ့ ပွဲဆိုရင်လည်း မမှားပါဘူး။ ဒီပွဲကို အနိုင်ရလိုက်ရင် အုပ်စု ဒုတိယနေရာ ရောက်ပြီး ဂါလာတာစာရေးကို ၂ မှတ် ဖြတ်ထားနိုင်မှာပါ။ တိုက်စစ်မှူး ဟော့ဂျ်လန်းရဲ့ သွင်းဂိုး ၂ ဂိုးနဲ့ ဦးဆောင်နိုင်ခဲ့ပြီးမှ အရေးနိမ့်ခဲ့တာပါ။ မားကပ်စ် ရက်ရှ်ဖို့ဒ် အထုတ်ခံလိုက်ရတာက သူတို့ ရှုံးပွဲတွေ့ဖို့ ဖြစ်စေခဲ့ပြီး ၂ ကြိမ်တိတိ ဦးဆောင်နိုင်ခဲ့မှုကို မထိန်းသိမ်းနိုင်ခဲ့တာက သူတို့ရဲ့ အမှားလို့ပဲ ပြောရမှာပါ။ ၂-၀ ကနေ ၂-၂ ဖြစ်ပြီး ၂-၃ အထိ သူတို့ ဦးဆောင်ခဲ့ပြီးမှ ၄-၃ နဲ့ ရှုံးနိမ့်ခဲ့တာ ကတော့ အသင်းကြီး တစ်သင်း အတွက် လက်ခံလို့ မရတဲ့ စွမ်းဆောင်ရည်ပါ။ ဒီရှုံးပွဲကြောင့် နည်းပြ အဲရစ်ခ် တန်ဟက်ဂ် တစ်ယောက် ဖိအားတွေ ဝင်လာခဲ့ပြီ ဖြစ်ကာ လက်ရှိမှာ ယူနိုက်တက်ဟာ ယူရိုပါလိဂ် ဆင်းကန်ခွင့်ရဖို့တောင် မသေချာတော့ပါဘူး။ ခြေစွမ်းနဲ့ စိတ်ဓာတ်ပိုင်းက တော်တော်လေးကို အားနည်းနေပြီး ကစားသမားတွေမှာ ယုံကြည်ချက်ပါ ပျောက်ဆုံးနေတာကို တွေ့မြင်နေရဆဲပါ။
ဒီအုပ်စုရဲ့ လက်ရှိ ရပ်တည်မှုကို ကြည့်ရင် ဘေယန်မြူးနစ်က ၁၂ မှတ်နဲ့ ချန်ပီယံလိဂ် ၁၆ သင်း အဆင့်ကို တက်သွားပါပြီ။ ဂါလာတာစာရေးက ၄ မှတ်၊ ကိုပင်ဟေဂင်က ၄ မှတ်၊ ယူနိုက်တက်က ၃ မှတ် ရထားကာ ချန်ပီယံလိဂ် နောက်တစ်ဆင့် တက်ရေး အတွက် အသင်း ၃ သင်း အပြိုင် ဖြစ်နေပါတယ်။ ယူနိုက်တက်က အခြေအနေ ဆိုးပါတယ်။ ဂါလာတာစာရေး၊ ဘေယန် တို့နဲ့ ကန်ရဦးမှာ ဖြစ်ပြီး ၂ ပွဲစလုံးကို ဗိုလ်လုပွဲလို ကစားရမှာပါ။ ဂါလာတာဆာရေး ကတော့ ယူနိုက်တက်၊ ကိုပင်ဟေဂင် တို့နဲ့ ကစားရမှာ ဖြစ်ပြီး ဒီ ၃ သင်းထဲမှာ အခွင့်အလမ်း အကောင်းဆုံး ဖြစ်နေပါတယ်။ ကိုပင်ဟေဂင် ကလည်း ဂါလာတာဆာရေး၊ ဘေယန် တိုနဲ့ ရင်ဆိုင်ရမှာ ဖြစ်လို့ ခက်ခဲနေဦးမှာပါ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
