ဒီတစ်ခါ မှာတော့ စက်တင်ဘာလ ၂ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
ဂျာမန် တိုက်စစ်မှူးကို တရားဝင်ခေါ်ယူလိုက်တဲ့ ဒေါ့မန်
ဘွန်ဒက်စ်လီဂါ ကလပ် ဒေါ့မန်ဟာ ဝါဒါဘရီမင်ရဲ့ ဂျာမန် တိုက်စစ်မှူး နစ်ကလပ်စ် ဖော့ရက်ခ်ကို တရားဝင် စာချုပ်ချုပ်ခေါ်ယူလိုက်ပြီ ဖြစ်ကြောင်း သိရပါတယ်။ အဆိုပါ တိုက်စစ်မှူးကို ဒေါ့မန်တို့ (၂၀၂၆) ခုနှစ် အထိ သက်တမ်းရှိတဲ့ စာချုပ်တစ်ရပ် ချုပ်ဆိုခဲ့တာလည်း ဖြစ်ပါတယ်။
ဒေါ့မန် အနေနဲ့ ဝါဒါဘရီမင်ကို ဖော့ရက်ခ် အတွက် ပြောင်းရွှေ့ကြေး ယူရို (၁၃) သန်း ပေးချေခဲ့ရပြီး အပိုဆုကြေး (၂) သန်းလည်း ထပ်မံပေးချေဖို့ သဘောတူညီခဲ့ကြောင်း သိရှိရပါတယ်။ အသက် (၃၀) အရွယ် အဆိုပါ ကစားသမားကြီးဟာ ဝါဒါဘရီမင် အကယ်ဒမီထွက် ကစားသမား ဖြစ်ပြီး ပြီးခဲ့တဲ့ (၂၀၁၂) ခုနှစ်ကတည်းက အသင်းရဲ့ အဓိက,ကစားသမား အဖြစ် ပါဝင်ကစားခဲ့တာပါ။
အဲ့ဒီနောက် (၂၀၁၄) ခုနှစ်မှာ နုရင်ဘာ့ဂ်ကို ပြောင်းရွှေ့သွားခဲ့ပေမယ့် (၂၀၁၉) ခုနှစ် မှာတော့ ဟန်နိုဗာ ကနေ ဝါဒါဘရီမင်ကို ပြောင်းရွှေ့လာခဲ့တာ ဖြစ်ပါတယ်။
ဒက်စ်လာ အတွက် ကမ်းလှမ်းမှုကို ငြင်းဆန်ခံခဲ့ရတဲ့ အော့စ်ဘတ်
ဘွန်ဒက်စ်လီဂါ ကလပ် အော့စ်ဘတ်ဟာ တူးလော့စ် ကစားသမား မစ်ကဲလ် ဒက်စ်လာ အတွက် ကမ်းလှမ်းခံခဲ့ရပေမယ့် ငြင်းဆန် ပယ်ချခံခဲ့ရကြောင်း သိရှိရပါတယ်။ အဆိုပါ ညာတောင်ပံ ကစားသမားကို ခေါ်ယူဖို့အတွက် အော့စ်ဘတ်တို့ ပြောင်းရွှေ့ကြေး ယူရို (၂) သန်းနဲ့ အပြောင်းအရွှေ့ နောက်ဆုံးရက်မှာ ကမ်းလှမ်းခဲ့တာ ဖြစ်ပါတယ်။
ဒါပေမယ့်လည်း တူးလော့စ်ကတော့ ဒီကစားသမားရဲ့ နေရာမှာ ပြန်လည် အစားထိုးဖို့ အချိန်မမီတော့တာကြောင့် အခုလိုပဲ ဒက်စ်လာ အတွက် ကမ်းလှမ်းမှုကို ငြင်းဆန် ပယ်ချခဲ့တာပါ။ အဆိုပါ ကစားသမားကို ခေါ်ယူဖို့ အတွက် ပြင်သစ် ကလပ်ပဲ ဖြစ်တဲ့ ရန်းစ် ကလည်း စိတ်ဝင်စားခဲ့ပါသေးတယ်။
ဒါပေမယ့် ဒက်စ်လာ ကတော့ ပြီးခဲ့တဲ့ရာသီမှာ ပြင်သစ်လိဂ်ဖလား ဆွတ်ခူးထားတဲ့ တူးလော့စ်ရဲ့ အဓိက,ကစားသမား အဖြစ် သတ်မှတ်ခံထားရပြီး အသင်းဘက်က ရောင်းချဖို့လည်း ဘယ်တုန်းကမှ ဆန္ဒမရှိခဲ့ကြောင်း သိရပါတယ်။
မူအာနီ ပီအက်စ်ဂျီ ပြောင်းမယ့်ကိစ္စကို ဒက်စ်ရွှမ့်စ် ထောက်ခံပေးခဲ့
မူအာနီကို ခေါ်ယူဖို့ အတွက် ပီအက်စ်ဂျီတို့ ဆက်တိုက် ကြိုးစားခဲ့ပေမယ့် ဘွန်ဒက်စ်လီဂါ ကလပ်ဘက်ကတော့ နောက်ဆုံးအချိန်အထိ တင်းခံသွားခဲ့ပါတယ်။ မူအာနီ အတွက် ပီအက်စ်ဂျီက ကစားသမား အလိုက်နဲ့အတူ ပြောင်းရွှေ့ကြေး ယူရို (၆၅) သန်းနဲ့လည်း ကမ်းလှမ်းခဲ့ပါတယ်။
ဒါပေမယ့် ဖရန့်ဖတ် ဘက်ကတော့ မူအာနီအတွက် သူတို့ မူလသတ်မှတ်ထားတဲ့ ပြောင်းရွှေ့ကြေး ယူရိုသန်း (၁၀၀) ကိုသာ အလိုရှိခဲ့ပါတယ်။ ပြင်သစ် လက်ရွေးစင် နည်းပြကြီး ကတော့ သူ့ကစားသမားနဲ့ ပတ်သက်လို့ ပီအက်စ်ဂျီ ကိုသာ မူအာနီ ပြောင်းရွှေ့ဖြစ်ခဲ့ရင် လက်ရွေးစင် အသင်း အတွက် အတော်လေး အကျိုးရှိစေမှာ ဖြစ်ကြောင်း မှတ်ချက်ပြုသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
