မာနေးကို စတင် ကမ်းလှမ်းဖို့ ပြင်ဆင်နေတဲ့ ချဲလ်ဆီး၊ အလွန်ဆိုကို စာချုပ် လျော်ကြေးပေး ခေါ်ယူချင်နေတဲ့ စပါး စတဲ့ သတင်းတွေ အပါအဝင် မေလ ၁၀ ရက်နေ့ရဲ့ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
မာနေး အတွက် ကမ်းလှမ်းဖို့ စတင် ပြင်ဆင်နေတဲ့ ချဲလ်ဆီး
ချဲလ်ဆီးဟာ ဘေယန်မြူးနစ် ကြယ်ပွင့် ဆာဒီယို မာနေးကို စတင် ကမ်းလှမ်းဖို့ အတွက် ပြင်ဆင်နေပြီ ဖြစ်ကြောင်း သိရပါတယ်။
အဆိုပါ ဆီနီဂေါ လက်ရွေးစင် အသင်းခေါင်းဆောင်ဟာ လာမယ့် နွေရာသီမှာ ဘွန်ဒက်စ်လီဂါ ကနေ ပြန်လည် ထွက်ခွာပြီး ပရီးမီးယားလိဂ်ကို ပြန်ဖို့ ဆန္ဒရှိနေပါတယ်။ ဒီလိုအချိန်မျိုးမှာပဲ မာနေးကို ခေါ်ယူဖို့ ချဲလ်ဆီးတို့ ချိန်သားကိုက် စိတ်ဝင်စားလာခဲ့ပြီး မကြာခင်မှာပဲ ကမ်းလှမ်းသွားဖွယ်ရှိပါတယ်။
မာနေးဟာ ဒီရာသီမှာ ဘေယန်မြူးနစ် အတွက် ပြိုင်ပွဲစုံ သွင်းဂိုး (၁၂) ဂိုးသာ သွင်းယူထားနိုင်ပြီး လီရွိုင်း ဆာနေးနဲ့ ထိုးကြိတ်တဲ့ အထိ ပြဿနာ ဖြစ်ပွားခဲ့တဲ့ အတွက်လည်း အသင်း ပရိသတ်တွေ၊ အသင်းဖော်တွေရဲ့ ယုံကြည်မှုကို ဆုံးရှုံးထားရသူပါ။ နည်းပြ သောမတ်စ် တူချယ် ကတော့ မာနေးကို ကာကွယ် ပြောကြားပေးနေပေမယ့် ဘေယန်မြူးနစ် တာဝန်ရှိသူတွေ ကတော့ လာမယ့်နွေရာသီမှာ မာနေးကို ရောင်းချဖို့ စီစဥ်ထားပြီး ဖြစ်ကြောင်း သိရပါတယ်။
နည်းစနစ်ပိုင်းကို အကြောင်းပြပြီး မူလာကို ပွဲထွက်ခွင့် မပေးတဲ့ တူချယ်
မူလာဟာ နောက်ပိုင်း ပွဲတွေမှာ ပုံမှန်ပွဲထွက်ခွင့် ရဖို့ အတွက် ရုန်းကန်လာရပြီး ဒါက နည်းစနစ်ပိုင်းကြောင့်သာ ဖြစ်တယ်လို့ တူချယ်က ဆိုပါတယ်။ တူချယ်က ယေဘုယျအားဖြင့် ပွဲတိုင်းက မူလာရဲ့ ပွဲတွေ ဖြစ်ကြောင်း၊ ဒါပေမယ့် ကျွန်တော်တို့ ဆုံးဖြတ်ချက်ချဖို့ လိုအပ်ကြောင်း၊ သူက အချိန်မရွေး ပွဲထွက်နိုင်ကြောင်း၊ ဒါပေမယ့် ပြိုင်ဘက်ကို ရင်ဆိုင်ရမယ့် ပုံစံက သူအားသာတဲ့ ပုံစံ မဟုတ်ကြောင်း ပြောကြားခဲ့ပါတယ်။
ဆက်လက်ပြီးတော့လည်း ဟာသာဘာလင်နဲ့ ပွဲကလည်း အလားတူပဲ ဖြစ်ကြောင်း၊ ကျွန်တော်တို့ အတော်လေး ပုံစံကောင်း ပြနိုင်ခဲ့ကြောင်း၊ ဆာဂျီ ဂနာဘရီက ဂိုးသွင်းနိုင်ခဲ့ကြောင်း၊ လီရွိုင်း ဆာနေးလည်း အတူတူပဲ ဖြစ်ကြောင်း၊ ဘေယန်မြူးနစ် မှာတော့ ဒီလိုကိစ္စတွေ အမြဲတမ်း ရှိကြောင်း ပြောကြားသွားခဲ့ပါတယ်။
အလွန်ဆိုကို စာချုပ် လျော်ကြေးပေး ခေါ်ယူချင်နေတဲ့ စပါး
တော့တင်ဟမ်ဟော့စပါးဟာ ဘွန်ဒက်စ်လီဂါ ကလပ် လေဗာကူဆင်ရဲ့ နည်းပြ ဇာဘီ အလွန်ဆိုကို စာချုပ်လျော်ကြေးပေး ခေါ်ယူလိုနေကြောင်း သိရပါတယ်။
အဆိုပါ စပိန် နည်းပြကို နည်းပြသစ် အဖြစ် ခန့်အပ်ဖို့ စပါးတို့ အန်တိုနီယို ကွန်တီကို ထုတ်ပယ်ပြီးကတည်းက စိတ်ဝင်စားခဲ့တာ ဖြစ်ပါတယ်။ အလွန်ဆို ကတော့ ဒီနှစ် ဘောလုံးရာသီမှ လေဗာကူဆင်ကို စတင်ကိုင်တွယ်တာ ဖြစ်ပေမယ့် အသင်းကို ယူရိုပါလိဂ် ဆီမီးဖိုင်နယ် ပို့ဆောင်ထားနိုင်သလို ပြည်တွင်းမှာလည်း အမှတ်ပေးဇယားရဲ့ အလယ်အလတ်မှာ ရပ်တည်နိုင်အောင် စွမ်းဆောင်ထားပါတယ်။
အဲ့ဒါကြောင့်လည်း စပါး ဥက္ကဌ ဒန်နီရယ် လီဗိုင်းက အလွန်ဆိုကို စာချုပ်ပါ လျော်ကြေး ပေးချေပြီး ခေါ်ယူဖို့ ပြင်ဆင်နေတာ ဖြစ်ပါတယ်။ စပါး နည်းပြ ရာထူး အတွက် အလွန်ဆို အပြင် ဘေယန်မြူးနစ် နည်းပြဟောင်း ဂျူလီယန် နာဂဲလ်စ်မန်း ကလည်း ရေပန်းစားလျက် ရှိပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
