မူအာနီ အသင်း ကနေ ထွက်မယ့် သတင်းတွေကို ဖရန့်ဖတ် စီအီးအို ငြင်းဆန်၊ ကန်ဆယ်လို ဘာဆာကို ပြောင်းနိုင်ဖို့ နည်းလမ်း ရှာဖွေနေတဲ့ မန်ဒက်စ် စတဲ့ သတင်းတွေ အပါအဝင် မေလ ၈ ရက်နေ့ရဲ့ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
မာနေး ဘက်ကနေ ကာကွယ်ပြောဆိုလိုက်တဲ့ တူချယ်ပြော
အဆိုပါပွဲမှာ ဘေယန်မြူးနစ်တို့ ဆာ့ဂျ် ဂနာဘရီ၊ လီရွိုင်း ဆာနေး တို့ရဲ့ ဂိုးတွေနဲ့ အတူ ၁-၂ ဂိုးနဲ့ အနိုင်ရရှိခဲ့ကာ ဘွန်ဒက်စ်လီဂါ အမှတ်ပေးဇယားကို ဆက်လက် ဦးဆောင်နိုင်ခဲ့ပါတယ်။
ဒီပွဲနဲ့ ပတ်သက်လို့ တူချယ်က ပထမပိုင်းမှာ မာနေးက နည်းစနစ်ပိုင်း အမှားတွေ ရှိခဲ့ပြီး ဂရုမစိုက်ခဲ့ကြောင်း၊ ဒါပေမယ့် ဒုတိယပိုင်း မှာတော့ သူက ကစားကွက်မှာ ပိုမို ပါဝင်လာခဲ့ကြောင်း၊ ပြိုင်ဘက် ဧရိယာထဲမှာ နေရာယူပုံ ကောင်းမွန်ခဲ့ပြီး ပိုမို ခြေစွမ်းပြခဲ့ကြောင်း ပြောကြားခဲ့ပါတယ်။
ဘေယန်မြူးနစ်မှာ အဆင်မပြေဖြစ်နေတဲ့ မာနေးဟာ ဒီပွဲမှာ ပွဲကစားချိန် (၈၈) မိနစ် အထိ ပါဝင်ကစားခွင့် ရခဲ့ပြီး နောက်ခံလူ ဘူနာ ဆားလ်နဲ့ လူစားလဲခံခဲ့ရပါတယ်။
မူအာနီ အသင်း ကနေ ထွက်မယ့် သတင်းတွေကို ဖရန့်ဖတ် စီအီးအို ငြင်းဆန်
အဆိုပါ ပြင်သစ် လက်ရွေးစင် တိုက်စစ်မှူးကို ခေါ်ယူဖို့ ပီအက်စ်ဂျီ အပါအဝင် ဥရောပ ထိပ်တန်း အသင်းကြီးတွေက စောင့်ကြည့်နေကြပြီး ယူရို သန်း (၁၀၀) ဝန်းကျင်နဲ့ ခေါ်ယူနိုင်ဖို့ မျှော်လင့်နေကြပါတယ်။
ဘွန်ဒက်စ်လီဂါ ထိပ်သီး ဘေယန်မြူးနစ် ကလည်း ဒီကစားသမားကို စိတ်ဝင်စားနေခဲ့ပြီး မူအာနီ တစ်ယောက် လာမယ့် နွေရာသီမှာ ဖရန့်ဖတ်ကို စွန့်ခွာနိုင်တယ်လို့ သတင်းတွေက ဖော်ပြနေကြတာပါ။ ဒါပေမယ့် ဟဲလ်မန် ကတော့ စျေးကွက်ထဲကို ကြည့်လိုက်ရင် ယူရိုသန်း (၉၀) ထက် များပြားတဲ့ ကိန်းဂဏန်းတွေကို မြင်တွေ့နေရကြောင်း၊ သူက အသင်းနဲ့ နှစ်ရှည် စာချုပ်ရှိနေကြောင်း၊ ကျွန်တော့်ရဲ့ ဆန္ဒ ကတော့ သူ ဖရန့်ဖတ်မှာ ဆက်ရှိနေဖို့ ဖြစ်ကြောင်း ပြောကြားသွားခဲ့ပါတယ်။
ကန်ဆယ်လို ဘာဆာကို ပြောင်းနိုင်ဖို့ နည်းလမ်း ရှာဖွေနေတဲ့ မန်ဒက်စ်
ကန်ဆယ်လိုဟာ မန်ချက်စတာစီးတီး နည်းပြ ပက်ပ်ဂွါဒီယိုလာနဲ့ ပြဿနာတက်ခဲ့ပြီးတဲ့နောက် ပြီးခဲ့တဲ့ ဆောင်းရာသီ အပြောင်းအရွှေ့မှာ ဘွန်ဒက်စ်လီဂါ ထိပ်သီး ကလပ် ဘေယန်မြူးနစ်ကို အငှားနဲ့ ရောက်ရှိလာခဲ့တာပါ။
ဒါပေမယ့် သူက ဘေယန်မြူးနစ် မှာလည်း အဆင်မပြေတာကြောင့် သူ့ကို အသင်း ဘက်က အပြီးသတ် ခေါ်ယူလိုတဲ့ ဆန္ဒမရှိ ဖြစ်နေပါတယ်။ ဒီကစားသမားကို ဘာစီလိုနာ ဘက်က စိတ်ဝင်စားနေပေမယ့် ကစားသမားရဲ့ လုပ်ခလစာကြောင့် အဟန့်အတား ဖြစ်နေပါတယ်။
အဲ့ဒါကြောင့်လည်း မန်ဒက်စ်က ကန်ဆယ်လိုနဲ့ ဘာစီလိုနာတို့ အပြောင်းအရွှေ့သာ အဆင်ပြေခဲ့မယ် ဆိုရင် ကစားသမားရဲ့ လုပ်ခလစာကို ညှိနှိုင်းပေးဖို့ ဒါမှမဟုတ် ဘာစီလိုနာနဲ့ မန်စီးတီး အကြား ကစားသမား အတွက် လုပ်ခလစာ ခွဲဝေမှု အဆင်ပြေဖို့ ညှိနှိုင်း ဆောင်ရွက်နေကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
