ဒီကလန် ရိုက်စ်ကို စိတ်ဝင်စားနေတဲ့ အသင်းတွေထဲမှာ ဘေယန်လည်း ပါဝင်လာ၊ ဂျာစီသစ် ဒီဇိုင်းကို စိတ်ပျက်နေကြတဲ့ ဘေယန်မြူးနစ် ပရိသတ်များ စတဲ့ သတင်းတွေ အပါအဝင် မေလ ၂၀ ရက်နေ့ရဲ့ ဘွန်ဒက်စ်လီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။
ဒီကလန် ရိုက်စ်ကို စိတ်ဝင်စားနေတဲ့ အသင်းတွေထဲမှာ ဘေယန်လည်း ပါဝင်လာ
ဘွန်ဒက်စ်လီဂါ ကလပ် ဘေယန်မြူးနစ် အသင်းဟာ ဝက်စ်ဟမ်း ကွင်းလယ်လူ ဒီကလန် ရိုက်စ်ကို ခေါ်ယူဖို့ စိတ်ဝင်စားလာခဲ့ကြောင်း သိရပါတယ်။
ဝက်စ်ဟမ်းရဲ့ အသင်းခေါင်းဆောင်လည်း ဖြစ်တဲ့ အင်္ဂလန် လက်ရွေးစင် ကွင်းလယ်လူဟာ လာမယ့် နွေရာသီမှာ ဝက်စ်ဟမ်း ကနေ ထွက်ခွာမယ်လို့ သတင်းထွက်နေတဲ့ ကစားသမားလည်း ဖြစ်ပါတယ်။ သူ့ကို ခေါ်ယူဖို့ အာဆင်နယ်က ပေါင် ၉၂ သန်းနဲ့ စတင် ကမ်းလှမ်းထားတယ်လို့လည်း သိရပြီး မန်ချက်စတာယူနိုက်တက်၊ ချဲလ်ဆီးနဲ့ အခြား ဥရောပ ထိပ်တန်းအသင်းကြီးတွေက စိတ်ဝင်စားနေတာ ဖြစ်ပါတယ်။
ဘေယန်မြူးနစ် နည်းပြ သောမတ်စ် တူချယ်က ဒီကလန် ရိုက်စ်ရဲ့ ခံစစ်ပိုင်း စွမ်းဆောင်ရည်ကို သဘောကျ နှစ်သက်နေပြီး ဒီကစားသမားကို ခေါ်ယူဖို့ အသင်း တာဝန်ရှိသူတွေနဲ့ ဆွေးနွေးနေတယ်လို့ ဂျာမန် အခြေစိုက် သတင်းဌာနတွေက ဖော်ပြနေပါတယ်။ ဒါပေမယ့် ဝက်စ်ဟမ်း ဘက်က သူတို့ရဲ့ အဓိက, ကစားသမား အတွက် ပြောင်းရွှေ့ကြေး အနည်းဆုံး ပေါင်သန်း (၁၀၀) သတ်မှတ်ထားပြီး ဒီအချက်က ဘေယန်မြူးနစ် အတွက် အခက်တွေ့နိုင်ပါတယ်။
ဂျာစီသစ်ရဲ့ ဒီဇိုင်းကို စိတ်ပျက်နေကြတဲ့ ဘေယန်မြူးနစ် ပရိသတ်များ
ဘေယန်မြူးနစ်ဟာ လာမယ့် ဘောလုံး ရာသီမှာ ဝတ်ဆင် ကစားမယ့် ဂျာစီသစ်ကို မိတ်ဆက်သွားခဲ့ပြီး ပရိသတ်တွေ ကတော့ ဂျာစီ ဒီဇိုင်းကို စိတ်ပျက်နေကြပါတယ်။
ဒီဂျာစီဟာ ဘေယန်တို့ ဘွန်ဒက်စ်လီဂါကို ပထမဆုံး ရောက်ရှိလာတဲ့ (၁၉၆၅) ခုနှစ်တုန်းက ဒီဇိုင်းကို မှီတည် ရေးဆွဲထားတယ်လို့ သိရပြီး စနေည လိုက်ပ်ဇစ်နဲ့ ပွဲမှာ ဂျာစီသစ်ကို ဝတ်ဆင် ကစားမှာလည်း ဖြစ်ပါတယ်။ ဒါပေမယ့် ဘေယန်မြူးနစ် ပရိသတ်တွေ ကတော့ ဒီဇိုင်း ပုံစံသစ်ကို စိတ်ပျက်နေကြပြီး ဂျာစီ အသစ်က အသင်းရဲ့ အငွေ့အသက်တွေ ပေးစွမ်းနိုင်ခြင်း မရှိဘူးလို့ ဝေဖန်နေကြပါတယ်။
ငိုကြွေးနေမှာ မဟုတ်ဘဲ ခေါင်းမော့ပြီး ရှေ့ဆက်ရမယ်လို့ ပြောလိုက်တဲ့ အလွန်ဆို
အလွန်ဆိုဟာ ဘွန်ဒက်စ်လီဂါ ကလပ်နဲ့ ပထမဆုံးရာသီမှာတင် အသင်းကို ယူရိုပါလိဂ် ဆီမီးဖိုင်နယ် အထိ ပို့ဆောင်ပေးနိုင်ခဲ့တာ ဖြစ်ပြီး ပြည်တွင်းမှာလည်း အခြေအနေကောင်း တစ်ခုကို ဖန်တီးပေးခဲ့ပါတယ်။
ရိုးမားနဲ့ ယူရိုပါလိဂ် ဆီမီးဖိုင်နယ် ဒုတိယအကျော့ ပွဲစဥ် မှာတော့ လေဗာကူဆင်တို့ ပွဲချိန်ပြည့် ဖိအားပေး ကစားနိုင်ခဲ့ပေမယ့် ဂိုးမသွင်းနိုင်ခဲ့တာကြောင့် ဗိုလ်လုပွဲနဲ့ လွဲချော်ခဲ့ရတာလည်း ဖြစ်ပါတယ်။ ဒါပေမယ့်လည်း အလွန်ဆိုက နောက်ဆုံး အချိန်ထိ ကစားသမားတွေရဲ့ ကြိုးစား အားထုတ်မှုနဲ့ ပတ်သက်လို့ ကျွန်တော် ပျော်ရွှင် ကျေနပ်မိပြီး ဂုဏ်ယူရကြောင်း၊ ကျွန်တော်တို့ အနေနဲ့ သေချာပေါက် ခေါင်းမော့ ရင်ကော့ပြီး ရှေ့ဆက်ရမှာ ဖြစ်ကြောင်း ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
