ပြင်သစ် လီဂူးဝမ်း ထိပ်သီး ကလပ် ပီအက်စ်ဂျီ ကတော့ လာမယ့် နွေရာသီ အပြောင်းအရွှေ့မှာ ပြင်သစ် ဗဟိုခံစစ်မှူး အီဘရာဟီမာ ကိုနာတေးကို ခေါ်ယူချင်နေကြောင်း သတင်းတွေ ထွက်ပေါ်လာခဲ့ပါတယ်။ ပီအက်စ်ဂျီက လစ်ဗာပူးလ် အဓိက နောက်ခံလူ ဖြစ်တဲ့ ကိုနာတေးကို ခေါ်ယူနိုင်ဖို့ အနာဂတ်မှာ အသင်းခေါင်းဆောင် ရာထူး ပေးအပ်သွားမယ် ဆိုတဲ့ ကမ်းလှမ်းချက်မျိုးနဲ့ ကမ်းလှမ်းသွားဖို့ စီစဉ်ထားတာ ဖြစ်ကြောင်း သတင်းတွေက ဖော်ပြနေတာ ဖြစ်ပါတယ်။
ကိုနာတေး ကတော့ လက်ရှိမှာ အသက် ၂၅ နှစ် အရွယ်သာ ရှိနေပြီးတော့ ထိပ်တန်း အဆင့် ခြေစွမ်း ရှိသူ ဖြစ်ပါတယ်။ ကိုနာတေးဟာ ပြင်သစ်နိုင်ငံ ပဲရစ်မြို့မှာ မွေးဖွားခဲ့တဲ့ ပြင်သစ်-မာလီနွယ်ဖွား ကစားသမားလည်း ဖြစ်ပါတယ်။ သူက ပြင်သစ် ကလပ် ဆိုးချော့မှာ စီနီယာ ကစားသမားဘဝကို စတင်ခဲ့ပြီးတော့ ၂၀၁၇ ခုနှစ် မှာ ဆိုးချော့ ကနေ လိုက်ပ်ဇစ်ကို ပြောင်းရွှေ့ခဲ့တဲ့ ကိုနာတေးက လိုက်ပ်ဇစ် မှာတော့ ခြေစွမ်းကောင်းတွေ ပြသနိုင်ခဲ့ပြီးတော့ အသင်းကြီး အများအပြားကို စွဲဆောင်နိုင်ခဲ့ပါတယ်။ ကိုနာတေးက လိုက်ပ်ဇစ်မှာ ၃ နှစ် ဝန်းကျင် ဖြတ်သန်းခဲ့ပြီးတော့ ၉၅ ပွဲ ကစားကာ ၄ ဂိုး သွင်းယူခဲ့ပါတယ်။ ဒီလိုမျိုး ခြေစွမ်းကောင်းတွေ ပြသနိုင်ခဲ့တဲ့ ကိုနာတေးကို ၂၀၂၁ ခုနှစ် မှာတော့ လစ်ဗာပူးလ်က အခြားအသင်းတွေထက် လက်ဦးမှုရယူကာ ခေါ်ယူနိုင်ခဲ့ပြီးတော့ အဲ့ဒီအချိန်ကနေ စပြီး ပြင်သစ်သားက လစ်ဗာပူးလ် အတွက် အရေးပါတဲ့ ကစားသမား တစ်ဦး ဖြစ်ခဲ့ပါတယ်။ ကိုနာတေးက ပရီးမီးယားလိဂ် ကလပ် လစ်ဗာပူးလ်မှာ စတုတ္ထမြောက် ဘောလုံးရာသီကို ဖြတ်သန်းနေပြီးတော့ ပွဲပေါင်း ၁၁၃ ပွဲ ကစားကာ ၅ ဂိုး သွင်းယူထားပါတယ်။
လက်ရှိ ရာသီ မှာလည်း ကိုနာတေးဟာ လစ်ဗာပူးလ် အတွက် ပြိုင်ပွဲစုံ ၂၃ ပွဲအထိ ကစားပေးထားပါတယ်။ ကိုနာတေးက အသင်းရဲ့ ခံစစ်ပိုင်းမှာ အသင်းခေါင်းဆောင် ဖြစ်တဲ့ ဗာဂျယ် ဗန်ဒိုက်ခ်နဲ့ တွဲဖက်ကာ ခြေစွမ်းပြလျက် ရှိနေပြီး ဒီကစားသမားကို ပီအက်စ်ဂျီနဲ့ ရီးရဲလ်မက်ဒရစ် တို့က တော်တော်လေး စိတ်ဝင်စားနေတာ ဖြစ်ပါတယ်။ ဒီအခြေအနေမှာ လီဂူးဝမ်း ကလပ် ပီအက်စ်ဂျီက ကိုနာတေးကို အနာဂတ်ရဲ့ အသင်းခေါင်းဆောင် ရာထူးပါ ပေးအပ်သွားမယ် ဆိုတဲ့ ကမ်းလှမ်းမှုမျိုးနဲ့ ကြိုးပမ်းဖို့ စီစဉ်နေတာ ဖြစ်ပါတယ်။
လက်ရှိ ပီအက်စ်ဂျီရဲ့ ခံစစ်ပိုင်းမှာ အသင်း ခေါင်းဆောင် မာကွင်ညော့စ်၊ ပါချို၊ ကင်ပမ်ဘီ၊ မီလန် ရှက်ကရီညာနဲ့ ဘာရယ်လ်ဒို တို့လို ကစားသမားတွေ ရှိနေပါတယ်။ ဒါပေမယ့်လည်း ရှက်ကရီညာက တူရကီ ကလပ် ဖီနာဘာချီကို ပြောင်းရွှေ့ခဲ့ပြီ ဖြစ်သလို ကင်ပမ်ဘီ ကလည်း ၂ဝ၂၃ ခုနှစ် မတ်လ ကတည်းက ဒဏ်ရာကြောင့် အနားယူခဲ့ရပြီးနောက် လက်ရှိအချိန် အထိကို ပွဲကစားခွင့် မရသေးပဲ ဖြစ်နေပါတယ်။ ဒီကြောင့် လီဂူးဝမ်း ကလပ်က လာမယ့် နွေရာသီ အပြောင်းအရွှေ့မှာ ဗဟို ခံစစ် အတွက် ထိပ်တန်း ကစားသမားကောင်း တစ်ဦး ခေါ်ယူ အားဖြည့်ချင်နေပြီးတော့ လက်ရှိမှာ ပြင်သစ် လက်ရွေးစင် ဗဟို ခံစစ် ကြယ်ပွင့် ကစားသမား အီဘရာဟီမာ ကိုနာတေးကို အသင်းဆီ အရ ခေါ်ဆောင်သွားဖို့ ပစ်မှတ်ထားနေပြီ ဖြစ်ပါတယ်။ ကိုနာတေးရဲ့ လက်ရှိ ဈေးကွက် တန်ကြေး ကတော့ ယူရို သန်း ၅၀ ဝန်းကျင် ရှိနေပေမယ့် လစ်ဗာပူးလ် ကတော့ ဒီထက် ပိုတဲ့ ပမာဏ ရရှိမှသာ ရောင်းထုတ်ဖွယ် ရှိနေပါတယ်။ ဒီရာသီမှာ ပီအက်စ်ဂျီက လီဂူးဝမ်း အမှတ်ပေးဇယား ထိပ်ကနေ ၁၀ မှတ်ဖြတ် ဦးဆောင်နေပြီးတော့ ချန်ပီယံ ဖြစ်ဖို့လည်း အခြေအနေကောင်းနေပါတယ်။ ဒါပေမယ့်လည်း ပီအက်စ်ဂျီ က ချန်ပီယံလိဂ် မှာတော့ အနည်းငယ် ရုန်းကန်နေရပြီးတော့ ၁၆ သင်း အဆင့်ကို ပလေးအော့ဖ် ကစားပြီးမှ တက်ရောက်နိုင်မယ့် အခြေအနေလည်း ဖြစ်နေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ and အင်စတာဂရမ်
