အိုဆင်ဟန် ကိုပဲ ဦးစားပေး ခေါ်ယူတော့မယ့် ယူနိုက်တက်၊ လာဇီယို ကွင်းလယ်လူကို အပြိုင် စိတ်ဝင်စားနေတဲ့ အာဆင်နယ်နဲ့ ဂျူဗီ စတဲ့ သတင်းတွေ အပါအဝင် မတ်လ ၁၅ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။
ဟယ်ရီကိန်းထက် အိုဆင်ဟန် ကိုပဲ ဦးစားပေး ခေါ်ယူတော့မယ့် ယူနိုက်တက်
မန်ချက်စတာယူနိုက်တက်ဟာ တော့တင်ဟမ်ဟော့စပါး တိုက်စစ်မှူး ဟယ်ရီကိန်းထက် စီးရီးအေ ကလပ် နာပိုလီ တိုက်စစ်မှူး ဗစ်တာ အိုဆင်ဟန် ကိုသာ ဦးစားပေး ခေါ်ယူတော့မှာ ဖြစ်ကြောင်း သတင်းတွေက ဖော်ပြလျက် ရှိပါတယ်။
ဒါပေမယ့် အသက် (၂၉) နှစ်အရွယ် ဟယ်ရီကိန်း အတွက် စပါး ဘက်က သတ်မှတ်ထားတဲ့ ပြောင်းရွှေ့ကြေးက များပြားလွန်းပြီး ဥက္ကဌ ဖြစ်သူ ဒန်နီရယ်လ် လီဗိုင်းနဲ့ ညှိနှိုင်း ဆွေးနွေးမှုတွေ ကလည်း ခက်ခဲနိုင်တာကြောင့် အိုဆင်ဟန် ကိုသာ ဦးစားပေး အဖြစ် သတ်မှတ်ခဲ့ကြောင်း သတင်းတွေက ဖော်ပြခဲ့ပါတယ်။
အသက် (၂၄) နှစ် အရွယ် နိုင်ဂျီးရီးယား လက်ရွေးစင် အိုဆင်မ်ဟန်ဟာ ဒီရာသီမှာ နာပိုလီ အတွက် ခြေစွမ်းပြနေပြီး ပရီးမီးယားလိဂ်မှာ ကစားဖို့ အိပ်မက်ရှိကြောင်း ပြောကြားထားသူ ဖြစ်ပါတယ်။ သူ့ကိုတော့ ယူနိုက်တက်ရဲ့ ပရီးမီးယားလိဂ် ပြိုင်ဘက် ချဲလ်ဆီး ကလည်း ခေါ်ယူဖို့ စိတ်ဝင်စားနေပါတယ်။
အေစီမီလန်ကို သရေ ကစားနိုင်ခဲ့လို့ ဂုဏ်ယူနေတဲ့ အိုချိုအာ
ဆယ်လာနီတာနာ ဂိုးသမား ဂီလာမို အိုချိုအာက အေစီမီလန်ကို အဝေးကွင်းမှာ သရေ ကစားနိုင်ခဲ့လို့ ဂုဏ်ယူ ပျော်ရွှင်နေကြောင်း ဖွင့်ဟလာခဲ့ပါတယ်။
အိုချိုအာက အေစီမီလန်လို အသင်းမျိုးနဲ့ ကစားတဲ့ အခါမှာ အရမ်း ဖိအားပေး ခံရမှာ ဖြစ်ကြောင်း၊ ခက်ခဲတဲ့ ပွဲစဥ် တစ်ပွဲ ဖြစ်ခဲ့ပေမယ့် အရေးပါတဲ့ သရေ တစ်မှတ်ကို ရယူနိုင်ခဲ့ကြောင်းနဲ့ ဒီအတိုင်းပဲ ရှေ့ဆက်ဖို့ လိုအပ်ကြောင်း ပြောကြားခဲ့ပါတယ်။
မက္ကဆီကို ဝါရင့် လက်ရွေးစင် ဂိုးသမား အိုချိုအာဟာ ပြီးခဲ့တဲ့ ဇန်နဝါရီကမှ ဆယ်လာနီတာနာကို ရောက်ရှိလာခဲ့တာ ဖြစ်ပြီး ကမ္ဘာ့ဖလားမှာ အမြဲတမ်း လက်စွမ်းပြလေ့ ရှိတာကြောင့် ပရိသတ်တွေက သူ့ကို ကမ္ဘာ့ဖလား ဂိုးသမားကြီး လို့လည်း ခေါ်ဆိုကြပါတယ်။
လာဇီယို ကွင်းလယ်လူကို အပြိုင် စိတ်ဝင်စားနေတဲ့ အာဆင်နယ်နဲ့ ဂျူဗင်တပ်စ်
အာဆင်နယ်နဲ့ ဂျူဗင်တပ်စ် တို့ဟာ လာဇီယို ကွင်းလယ်လူ ဆာ့ဂျ် မီလင်ကိုဗစ် ဆာဗစ်ကို ခေါ်ယူဖို့ အတွက် အပြိုင်အဆိုင် စိတ်ဝင်စားနေကြကြောင်း သိရပါတယ်။
စီးရီးအေ ကလပ် အတွက် ခြေစွမ်းပြနေတဲ့ ဆာဗစ်ဟာ အရင်ကတည်းက ဥရောပ ထိပ်တန်း ကလပ်တွေရဲ့ ပစ်မှတ် ဖြစ်ခဲ့ပြီး သူ့ရဲ့ မြင့်မားလှတဲ့ ပြောင်းရွှေ့ကြေးကြောင့်သာ အပြောင်းအရွှေ့ အထမမြောက်ခဲ့တာပါ။
အဲ့ဒါကြောင့်လည်း ဂျူဗင်တပ်စ်က စီးရီးအေ အကြောင်းကို ကောင်းကောင်း သိထားတဲ့ ဆာဗစ်ကို ပတ်သက်လို့ ခေါ်ယူဖို့ စိတ်ဝင်စားနေပြီး ကွင်းလယ် ခံစစ် နေရာ အတွက် အားဖြည့်ဖို့ လိုအပ်နေတဲ့ အာဆင်နယ် ကလည်း ဒီကစားသမားကို လျှော့စျေးနဲ့ ခေါ်ယူနိုင်ဖို့ အပြိုင်အဆိုင် စိတ်ဝင်စားနေကြတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
