မက်ဂွိုင်းယားကို အငှားနဲ့ ခေါ်ယူဖို့ စိတ်ဝင်စားနေတဲ့ ဝက်စ်ဟမ်း၊ စပါးနဲ့ ပွဲမတိုင်ခင် လေ့ကျင့်ခန်း အစီအစဉ်နဲ့ လွဲချော်ခဲ့တဲ့ ဒီဘရိုင်းနား (ပရီးမီးယားလိဂ် နောက်ဆုံးရ သတင်းများ)

မက်ဂွိုင်းယားကို အငှားနဲ့ ခေါ်ယူဖို့ စိတ်ဝင်စားနေတဲ့ ဝက်စ်ဟမ်း၊ စပါးနဲ့ ပွဲမတိုင်ခင် လေ့ကျင့်ခန်း အစီအစဉ်နဲ့ လွဲချော်ခဲ့တဲ့ ဒီဘရိုင်းနား စတဲ့ သတင်းတွေ အပါအဝင် ဇန်နဝါရီ ၁၉ ရက်နေ့ရဲ့ ပရီးမီးယားလိဂ် သတင်း တချို့ကို ဖော်ပြပေးသွားမှာ ဖြစ်ပါတယ်။

မက်ဂွိုင်းယားကို အငှားနဲ့ ခေါ်ယူဖို့ စိတ်ဝင်စားနေတဲ့ ဝက်စ်ဟမ်း

ပရီးမီးယားလိဂ်မှာ ရလဒ်တွေ ဆိုးရွားနေတဲ့ ဝက်စ်ဟမ်းယူနိုက်တက် အသင်းဟာ မန်ချက်စတာယူနိုက်တက် အသင်းခေါင်းဆောင် ဟယ်ရီ မက်ဂွိုင်းယားကို အငှားနဲ့ ခေါ်ယူဖို့ စိတ်ဝင်စားနေပြီး ယူနိုက်တက် ဘက်ကလည်း ဒါကို လက်ခံဖွယ် ရှိတယ်လို့ သိရပါတယ်။ ဝက်စ်ဟမ်းဟာ အခုအပြောင်းအရွှေ့မှာ အတွေ့အကြုံရင့် ဗဟိုနောက်ခံလူ တစ်ဦးကို ခေါ်ယူချင်နေတာ ဖြစ်ပြီး မက်ဂွိုင်းယားကို အငှားနဲ့ ခေါ်ယူဖို့ ပစ်မှတ်ထားခဲ့တယ်လို့ The Mirror က ဖော်ပြခဲ့တာပါ။ ယူနိုက်တက် ဘက်ကလည်း မက်ဂွိုင်းယားကို နွေရာသီမှာ ရောင်းချဖို့ ဆုံးဖြတ်ထားတာ ဖြစ်ပါတယ်။

အဲ့ဒါကြောင့် မရောင်းချခင်မှာ အငှားနဲ့ ထွက်ခွင့်ပေးဖို့ အစီအစဉ် ရှိနေတာပါ။ မက်ဂွိုင်းယားဟာ ဒီရာသီမှာ ယူနိုက်တက် အတွက် ပွဲကစားခွင့်ရဖို့ ရုန်းကန်နေရပြီး နည်းပြက လုပ်ခ်ရှောကို ဗဟိုနောက်ခံလူ အဖြစ် သုံးနေတာကြောင့် ပိုပြီး အခြေအနေဆိုးခဲ့တာ ဖြစ်ပါတယ်။

ယူနိုက်တက် နောက်ခံလူဟောင်း ရီယို ဖာဒီနန်က မက်ဂွိုင်းယားကို ယူနိုက်တက် ကနေ ထွက်ခွာဖို့ တိုက်တွန်းထားပြီး ကစားသမား ကတော့ ဒီမှာပဲ ဆက်ရှိကာ ပွဲထွက်ခွင့် အတွက် ဆက်လက် တိုက်ပွဲဝင်ချင်တယ်လို့ ပြောထားပါတယ်။

စပါးနဲ့ ပွဲမတိုင်ခင် မန်စီးတီး အသင်း လေ့ကျင့်ခန်း အစီအစဉ်ကို လွဲချော်ခဲ့တဲ့ ဒီဘရိုင်းနား

မန်ချက်စတာစီးတီး အသင်းရဲ့ အဓိက ကစားသမားဖြစ်တဲ့ ကီဗင် ဒီဘရိုင်းနား ဟာ တော့တင်ဟမ်ဟော့စပါးနဲ့ ကစားမယ့် ပရီးမီးယားလိဂ် ပွဲကျန် မတိုင်ခင် အသင်းရဲ့ လေ့ကျင့်ခန်း အစီအစဉ်ကို လွဲချော်ခဲ့တယ်လို့ သိရပါတယ်။

မန်စီးတီးဟာ နောက်ဆုံးကစားခဲ့တဲ့ ပရီးမီးယားလိဂ် ပွဲမှာ ယူနိုက်တက် ကို ၂ ဂိုး- ၁ ဂိုးနဲ့ အရေးနိမ့်ပြီးနောက် ထိပ်ဆုံး ကနေ ဦးဆောင်နေတဲ့ အာဆင်နယ်နဲ့ ၈ မှတ် အထိ ကွာဟသွားခဲ့တာ ဖြစ်ပါတယ်။

မန်စီးတီးဟာ စပါးနဲ့ ပွဲမတိုင်ခင် အင်္ဂါနေ့ မနက်ပိုင်းက လေ့ကျင့်မှုတွေ ပြုလုပ်ခဲ့ရာမှာ ဒီဘရိုင်းနားဟာ ဒီလေ့ကျင့်ရေးကို လွဲချော်ခဲ့တာပါ။ ယူနိုက်တက်နဲ့ ဒါဘီပွဲမှာ မပါဝင်နိုင်ခဲ့တဲ့ ရူဘင် ဒီယတ်ဇ်နဲ့ ဂျွန်စတုန်းစ် တို့ကတော့ လေ့ကျင့်ခန်း အစီအစဉ်မှာ ပါဝင်ခဲ့တယ်လို့ သိရပါတယ်။

ဒီဘရိုင်းနားဟာ ဘာအကြောင်းကြောင့် လေ့ကျင့်ခန်း အစီအစဉ်မှာ မပါဝင်နိုင်ခဲ့လဲ ဆိုတာတော့ သတင်းမှာ ဖော်ပြထားခြင်း မရှိပါဘူး။ အခုနောက်ပိုင်း ပွဲတွေမှာ ရလဒ်တွေ ဆိုးနေတဲ့ မန်စီးတီး အတွက် စပါးနဲ့ ပွဲမှာ ဒီဘရိုင်းနား မပါဝင်နိုင်ခြင်းက ထိုးနှက်ချက် ဖြစ်လာနိုင်ဖို့ ရှိနေပါတယ်။

ဒါပေမယ့် ဒီယတ်ဇ် လေ့ကျင့်ခန်း ပြန်ဆင်းနိုင်တာက မန်စီးတီး အတွက် သတင်းကောင်း ဖြစ်ခဲ့တာပါ။ သူအနားယူနေရတဲ့ အချိန်မှာ အသင်းရဲ့ ခံစစ်ပိုင်းက ပွဲတိုင်းလိုလို သွင်းဂိုးတွေ ခွင့်ပြုထားရတာ ဖြစ်ပြီး စပါးနဲ့ ပွဲမှာ ပြန်ပါဝင်နိုင်ရင် ခံစစ်ပိုင်း အတွက် ဂွာဒီယိုလာ အနည်းငယ် စိတ်အေးနိုင်မှာ ဖြစ်ပါတယ်။ မန်စီးတီးဟာ စပါးနဲ့ ပွဲပြီးရင် ဝုဗ်နဲ့ ဆက်ပြီး ယှဉ်ပြိုင်ရမှာ ဖြစ်ပါတယ်။

၀ုဗ်ကို အနိုင်ယူပြီး အက်ဖ်အေဖလား နောက်တဆင့် တက်သွားတဲ့ လစ်ဗာပူးလ်

ပရီးမီးယားလိဂ်မှာ ရလဒ်တွေ ဆိုးရွားနေတဲ့ လစ်ဗာပူးလ် ကတော့ အက်ဖ်အေဖလား တတိယအဆင့်မှာ ၀ုဗ်ကို အဝေးကွင်းမှာ အနိုင်ယူပြီး စတုတ္ထအဆင့်ကို တက်ရောက်သွားခဲ့ပါတယ်။ လစ်ဗာပူးလ် အတွက် တလုံးတည်းသော အနိုင်ဂိုး ကိုတော့ လူငယ်ကစားသမား ဟာဗေး အီလီယော့တ်က သွင်းယူပေးခဲ့ပြီး ဘရိုက်တန်ကို အရေးနိမ့်ခဲ့တဲ့ ပွဲကနေ ရုန်းထွက်လာနိုင်ခဲ့ပါတယ်။

ပထမပိုင်းမှာ ကတည်းက သွင်းယူခဲ့တဲ့ သွင်းဂိုးနဲ့ ပွဲပြီးခဲ့တာ ဖြစ်ပြီး ၀ုဗ် ကလည်း ချေပဂိုး မသွင်းယူနိုင်ခဲ့ပါဘူး။ ယာဂင် ကလော့ပ်ရဲ့ အသင်းဟာ ဒီပွဲကို အနိုင်ရဖို့ အတွက် အာရုံစိုက်ခဲ့ပြီး မဖြစ်မနေ နိုင်ပွဲ ရဖို့ကို ပြင်ဆင်လာခဲ့တာပါ။ ဒါပေမယ့် ခြေစွမ်းပိုင်း အရတော့ သိပ်အားရစရာ မရှိသေးဘဲ ကလော့ပ် ပြင်ဆင်ရမယ့် အပိုင်းတွေ ကတေ့ာ အများကြီး ရှိနေဆဲ ဖြစ်ပါတယ်။

အခြားသော ပွဲတွေ မှာတော့ ဘရစ္စတိုးလ်က ဆွမ်ဆီးကို ၁-၂၊ လူတန်တောင်းက ဝီဂန်ကို ၁-၂၊ ဝက်စ်ဘရွန်းက ချက်စတာဖီးလ်ကို ၄-၀ တို့နဲ့ အသီးသီး အနိုင်ရရှိခဲ့ကြပါတယ်။ ဒီနေ့မှာလည်း မန်ချက်စတာယူနိုက်တက်နဲ့ ခရစ္စတယ်ပဲလေ့စ်တို့ ယှဉ်ပြိုင် ကစားသွားကြဖို့ ရှိနေပြီး တန်ဟက်ဂျ်ရဲ့ အသင်း နိုင်ပွဲဆက်မလား စောင့်ကြည့်ရပါဦးမယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.