ကာရက်စ်ကို,ကို ခေါ်ချင်နေတဲ့ ဘာဆာ၊ ပီကေးကို သီချင်းစာသားတွေနဲ့ အသားကုန် ဗြင်းလိုက်တဲ့ ရှာကီရာ (လာလီဂါ နောက်ဆုံးရ သတင်းများ)

ကာရက်စ်ကို,ကို ခေါ်ချင်နေတဲ့ ဘာဆာ၊ ပီကေးကို သီချင်းစာသားတွေနဲ့ အသားကုန် ဗြင်းလိုက်တဲ့ ရှာကီရာ စတဲ့ သတင်းတွေ အပါအဝင် ဇန်နဝါရီ ၁၄ ရက်နေ့ရဲ့ လာလီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။

ကာရက်စ်ကို အတွက် ဒီပိုင်းနဲ့ အလဲအထပ် လုပ်ဖို့ ဘာစီလိုနာ ကမ်းလှမ်း

စပိန် လာလီဂါ ကလပ် ဘာစီလိုနာ ကတော့ ပြိုင်ဘက် အက်သလက်တီကိုမက်ဒရစ်ရဲ့ တောင်ပံကစားသမား ယန်နစ်ခ် ကာရက်စ်ကို,ကို ခေါ်ယူဖို့ အတွက် စိတ်ဝင်စားနေပါတယ်။ ဒီဘယ်လ်ဂျီယံသား အတွက် ဒီပိုင်းနဲ့ အလဲအထပ် လုပ်ဖို့အထိပါ စဉ်းစားထားသလို အေတီကို ဘက်က လက်မခံခဲ့ဘူး ဆိုရင်လည်း ပြောင်းရွှေ့ကြေး အပြင် အလိုက် ပေးကမ်းလှမ်းမှုပါ ထပ်မံ ပြုလုပ်ဖို့ ကြိုးစားသွားမယ်လို့ သိရပါတယ်။

ဘာစီလိုနာဟာ ဒီပိုင်းကို အသင်း ကနေ ထွက်ခွာစေချင်နေပေမယ့်လည်း သူ့နေရာ အတွက် ကစားသမားသစ် မရရင်တော့ ထွက်ခွာခွင့်ပြုမှာ မဟုတ်ဘူးလို့ ဆိုပါတယ်။ ဒါကြောင့် ကာရက်စ်ကို,ကို ပစ်မှတ်ထားလာခဲ့ပြီး ဒီပိုင်းကို အပြောင်းအရွှေ့ရဲ့ တစိတ်တပိုင်း အဖြစ် အသုံးပြုသွားဖို့ ရည်ရွယ်နေတာ ဖြစ်ပါတယ်။ အဓိက,ကတော့ အေတီကို ဘက်က လက်ခံတာနဲ့ မြန်မြန်ဆန်ဆန်ပဲ အပြောင်းအရွှေ့ ဖြစ်သွားဖို့ ရှိနေတာပါ။

ဒါပေမယ့် ဆီမြွန်နီ ကတော့ ကာရက်စ်ကိုရဲ့ အမာခံ ပရိသတ် တစ်ဦး ဖြစ်ပြီး သူ့အသင်းမှာ ပုံမှန် ကစားခွင့်ပေးနေတာ ဖြစ်ပါတယ်။ ဒီပိုင်း ကတော့ လာလီဂါမှာ ပွဲကစားချိန် နည်းပါးနေပြီး နူးကမ့်ပ် ကနေ ထွက်ခွာဖို့ အတွက် နီးစပ်နေသူပါ။ သူ့ကို အသင်းဟောင်း မန်ချက်စတာယူနိုက်တက်က ပြန်လည် ခေါ်ယူမယ် ဆိုတဲ့ သတင်းတွေလည်း ထွက်ပေါ်နေပါတယ်။

သီချင်းသစ်နဲ့ ပီကေးကို အသားကုန် ဗြင်းလိုက်တဲ့ ရှာကီရာ

ရှာကီရာက သူမနဲ့ အတူ လက်တွဲနေစဉ် အတွင်း အခြား မိန်းကလေး တစ်ယောက်နဲ့ ဖောက်ပြန် ပီကေးကို သူမရဲ့ သီချင်းသစ် အထဲမှာ ရေရေလည်လည် ပွဲကြမ်းလိုက်ပါတယ်။ ကိုလံဘီယာ အဆိုတော်နဲ့ ဘာစီလိုနာ နောက်ခံလူဟောင်း ဂျရတ် ပီကေး တို့ဟာ အတူနေ ချစ်သူတွေ အဖြစ် ကာလ အတန်ကြာ ဖြတ်သန်းခဲ့ပြီး သူတို့ နှစ်ဦးရဲ့ ဆက်ဆံရေးက အစောပိုင်းမှာ တည်ငြိမ်ပြီး ပျော်ရွှင်ခဲ့ကြပေမယ့် နှစ်အနည်းငယ် အကြာမှာ ပီကေးက ဗွေဖောက်လာခဲ့တာပါ။

ဒီအကြောင်းကို ရှာကီရာက လက်ပူး လက်ကြပ်မိချိန် မှာတော့ လမ်းခွဲခဲ့ကြရပြီး ရှာကီရာ ဘက်က ပီကေးကို လုံး၀ မကျေမချမ်း ဖြစ်နေခဲ့ပါတယ်။ ဒါကြောင့် သူမရဲ့ အခု သီချင်းအသစ်မှာ “ ငါက နင့်အတွက် အရမ်းကို ကြီးကျယ် ခမ်းနားလွန်းတယ်၊ ဒါကြောင့် နင်နဲ့ တူညီတဲ့ လူနဲ့ပဲ နင်နေရတယ်၊ ငါ့ကို ငိုပြီး တောင်းပန်ရင်တောင်မှ ငါပြန်မလာတော့ဘူး” အစရှိတဲ့ စာသားတွေ ပါဝင်နေခဲ့တာပါ။

ပီကေး ကတော့ သူ့ရဲ့ သစ္စာမရှိတဲ့ လုပ်ရပ်ကြောင့် အသင်းတွင်း မှာလည်း အသင်းဖော်တွေရဲ့ လေးစားမှု လျော့ကျခဲ့ရပြီး ပရိသတ်တွေရဲ့ ဝေဖန် ပြစ်တင်မှုတွေ ကိုပါ ရင်ဆိုင်ခဲ့ရပါတယ်။ လက်ရှိ မှာတော့ လာလီဂါ ကလပ် ဘာစီလိုနာ ကစားသမားဟောင်းက ဘောလုံး လောက, ကနေ အနားယူခဲ့ပြီး အသက် ၂၀ ကျော် မိန်းကလေး တစ်ဦးနဲ့ လက်တွဲနေတယ်လို့ သိရပါတယ်။

အပြန်အလှန် တွေ့ဆုံခဲ့ကြတဲ့ ရော်နယ်ဒိုနဲ့ ရီးရဲလ်မက်ဒရစ်

စပိန် စူပါဖလား ပြိုင်ပွဲ အတွက် ဆော်ဒီကို ရောက်ရှိနေကာ ဘာစီလိုနာနဲ့ ဗိုလ်လုပွဲ ကစားရတော့မယ့် ရီးရဲလ်မက်ဒရစ် အသင်းဟာ တိုက်စစ်မှူးဟောင်း ခရစ္စတီယာနို ရော်နယ်ဒိုနဲ့ တွေ့ဆုံမှုတွေ လုပ်ခဲ့ပါတယ်။ ရီးရဲလ် နည်းပြ ကားလို့စ် အန်ဆယ်လော့တီ အပါအဝင် ရိုဒရီဂို၊ ဗင်နီးစီးယပ်စ် အစ ရှိတဲ့ ရီးရဲလ်မက်ဒရစ် ကစားသမားတွေဟာ ရော်နယ်ဒိုနဲ့ တွေ့ဆုံခဲ့ကြတာ ဖြစ်ပါတယ်။

ဆော်ဒီ ကလပ် အယ်လ်နာဆာမှာ ကစားနေတဲ့ ရော်နယ်ဒို ကလည်း အသင်းဟောင်းဆီကို တကူးတက သွားရောက် လည်ပတ်ခဲ့သလို အပြန်အလှန် အားဖြင့် ရိုဒရီဂို တို့ကလည်း အယ်လ်နာဆာမှာ ရော်နယ်ဒို လေ့ကျင့်မှုတွေ လုပ်နေတဲ့ အချိန် သွားရောက် တွေ့ဆုံခဲ့ကြတာပါ။ ရော်နယ်ဒို ကတော့ စပိန်စူပါဖလား ဗိုလ်လုပွဲကို တက်ရောက် အားပေးဖွယ်ရာလည်း ရှိနေပါတယ်။

လက်ရှိမှာ ရော်နယ်ဒိုက အယ်လ်နာဆာနဲ့ အတူ ကစားသမား မှတ်ပုံတင် စာရင်းသွင်းဖို့ လုပ်ဆောင်နေရဆဲ ဖြစ်ကာ ပွဲထွက်ခွင့်ရဖို့ စောင့်ဆိုင်းနေရပါတယ်။ ဒါကြောင့်လည်း လေ့ကျင့်ခန်းသာ ဆင်းနေရပြီး အားလပ်ချိန် တချို့ ရှိနေကာ ဗိုလ်လုပွဲကို သွားရောက် အားပေးဖို့ သေချာသလောက် ရှိနေပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.