ပွဲကြိုသုံးသပ်ချက် | ဂျာမနီ – ဟန်ဂေရီ (နေးရှင်းလိဂ်)

ဂျာမနီ – ဟန်ဂေရီ

နေးရှင်းလိဂ် (A) အုပ်စု ၃ မှာတော့ ဂျာမနီတို့ ဟန်ဂေရီကို အိမ်ကွင်းမှာ ဧည့်ခံကစားရဖို့ ရှိပြီး လက်တလော ခြေစွမ်း ထက်မြတ်နေတဲ့ အသင်း နှစ်သင်းရဲ့ တွေ့ဆုံမှု ဖြစ်လို့ စိတ်ဝင်စားစရာ ပွဲကောင်း တစ်ပွဲ ဖြစ်လာဦးမှာ သေချာပါတယ်။

ဂျာမနီတို့ ဘေယန်မြူးနစ် ဟန်ဆီဖလစ်ခ် စတင် ကိုင်တွယ်ချိန်မှာ တောက်လျောက် ရလဒ်တွေ ကောင်းပြီး နိုင်ပွဲတွေ ဆက်ခဲ့ပေမယ့် ပြီးခဲ့တဲ့ မတ်လ နောက်ပိုင်း ကစားတဲ့ ပွဲတွေ မှာတော့ သရေ ပွဲတွေချည်း ကြုံနေရပါတယ်။ ချစ်ကြည်ရေး ခြေစမ်းပွဲမှာ နယ်သာလန်နဲ့ သရေကျခဲ့သလို အီတလီ၊ အင်္ဂလန်၊ ဟန်ဂေရီ တို့နဲ့ ကစားခဲ့တဲ့ နေးရှင်းလိဂ် (A) အုပ်စု ပွဲစဉ် ၃ ပွဲ ဆက်တိုက်လည်း ၁-၁ ရလဒ်တွေ ထွက်ပေါ်ထားခဲ့တာ ဖြစ်ပါတယ်။ ဒါပေမယ့် ဖလစ်ခ် စတင် ကိုင်တွယ်ချိန်က စပြီး ၁၃ ပွဲဆက် ရှုံးပွဲ မရှိသေးတာ ကတော့ ဂျာမနီ အတွက် အားရစရာ အခြေအနေလို့ ပြောလို့ ရပါတယ်။ အခုပွဲမှာ ရလဒ်ကောင်းခဲ့ရင် ဂျာမနီတို့ အုပ်စု ထိပ်ဆုံးနေရာကို တက်လှမ်းနိုင်မှာ ဖြစ်ပေမယ့် ပထမအကျော့ ခြေစွမ်း အတိုင်း ဆိုရင်တော့ ဟန်ဂေရီကို အနိုင်ရဖို့ ခက်ခဲနေဦးမှာပါ။ အဓိက ကတော့ ဂျာမနီတို့ ဟန်ဂေရီရဲ့ မာကျောပြီး စနစ်တကျ ကစားနိုင်တဲ့ ခံစစ်ကို ကျော်ဖြတ်နိုင်ပါ့မလား ဆိုတာ သံသယ ရှိနေတာ ဖြစ်ပါတယ်။ လူစာရင်းအရ ဆိုရင်တော့ ဂျာမနီတို့ ဒဏ်ရာရနေတဲ့ ဘရန့်တ်၊ နော်အာ၊ ဂိုရက်ဇ်ကာ တို့က လွဲလို့ လူစုံတက်စုံ ပွဲထွက်လာနိုင်ဖို့ ရှိနေပါတယ်။

နေးရှင်းလိဂ် (C) ကနေ (A) ကို တန်းတက်လာတဲ့ ဟန်ဂေရီ ကတော့ အားလုံး မထင်မှတ်ထားတဲ့ ခြေစွမ်းတွေ ထုတ်ပြနေပြီး ရလဒ်တွေလည်း ကောင်းနေပါတယ်။ လက်တလော ဂျာမနီ၊ အင်္ဂလန်၊ အီတလီ တို့ ပါဝင်တဲ့ အုပ်စု (၃) ကိုတောင် ရမှတ် ၇ မှတ်နဲ့ ဦးဆောင်ထားနိုင်ပြီး အခုပွဲမှာလည်း ဂျာမနီကို ထပ်ပြီး ဒုက္ခပေးဖို့ ပြင်ဆင်လာဦးမှာ သေချာပါတယ်။ ဟန်ဂေရီဟာ ပြိုင်ပွဲစုံ နောက်ဆုံး ၅ ပွဲမှာ အီတလီ တစ်သင်းတည်းကို ရှုံးနိမ့်ထားပြီး ဂျာမနီကို သရေ၊ အင်္ဂလန် ကိုတော့ နှစ်ကျော့စလုံး အနိုင်ကစားထားပါတယ်။ ထပ်ပြီး ပြောရရင် အင်္ဂလန်ကို ရိုးရိုးတန်းတန်း အနိုင်ရခဲ့တာ မဟုတ်ပါဘူး။ ပထမအကျော့ အိမ်ကွင်း ပွတ်ရှ်ကတ်စ် အရီနာမှာ ၁-၀ နဲ့ အနိုင်ယူပြီး ဝင်ဘလေ မှာတော့ ၀-၄ ရလဒ်နဲ့ စံချိန်တင် ဂိုးပြတ် အနိုင်ရထားတာ ဖြစ်ပါတယ်။ အသင်းမှာ ဆာလာအီ၊ ဆာဘို့စ်လိုင်း၊ အော်ဘန်၊ လန်းဂ်၊ ဂူလက်ရှီ တို့လို ကစားသမားကောင်းတွေ ပါဝင်နေပြီး ခံစစ် ကစားပုံ ကျစ်လျစ် တောင့်တင်းလွန်းတဲ့ အသင်းလည်း ဖြစ်ပါတယ်။ ဒါ့အပြင် အခုပွဲကို ကွင်းလယ် တိုက်စစ် ကစားသမား ရိုလန် ဆာလိုင်း တစ်ဦးတည်းသာ လွဲချော်ဖို့ ရှိပြီး ပထမအကျော့က လူစာရင်း အတိုင်း ဂျာမနီကို ရင်ဆိုင်သွားနိုင်ဖို့ ရှိနေတယ်လို့ သိရပါတယ်။

ဖြစ်နိုင်ဖွယ် လူစာရင်း

ဂျာမနီ – တာစတီဂန်၊ ခါရာ၊ ရမ်း၊ ရူဒီဂါ၊ ဇူလာ၊ ဂွန်ဒိုအန်၊ ကင်မစ်ချ်၊ မူဆီအာလာ၊ ဆာနေး၊ မူလာ၊ ဗာနာ

ဟန်ဂေရီ – ဂူလက်ရှီ၊ အော်ဘန်၊ ဆာလာအီ၊ လန်းဂ်၊ စတိုင်လ်၊ ရှေဖာ၊ နီဂို၊ နာဂီ၊ အဒမ်၊ ဆာဘို့စ်လိုင်း၊ အဒမ် ဆာလာအီ

ထိပ်တိုက်တွေ့ဆုံမှုနဲ့ နောက်ဆုံး ၅ ပွဲ ရလဒ်

ပြိုင်ပွဲစုံ တွေ့ဆုံမှု နောက်ဆုံး ၃ ကြိမ်မှာ ဂျာမနီတို့ ဟန်ဂေရီကို ၂၀၁၆ ခုနှစ်က ၁ ကြိမ်သာ အနိုင်ရထားပြီး အဲ့နောက်ပိုင်း ၂ ကြိမ်ဆက် သရေကျထားပါတယ်။ ပြီးခဲ့တဲ့ ဇွန်လက ကစားခဲ့တဲ့ နေးရှင်းလိဂ် ပထမအကျော့ ပွဲစဉ် မှာလည်း ဂျာမနီတို့ ဂိုးပေါက် တည့်မှု ၁ ကြိမ်သာ ရှိခဲ့တဲ့ အထိ ဟန်ဂေရီကို ခက်ခက်ခဲခဲ ကစားထားခဲ့ရပါတယ်။

လောင်းကစားဆိုင်ရာ အကြံပြုချက်များ

SBOTOP 1X2 မှာတော့ ဒီပွဲ အတွက် ဂျာမနီ နိုင်ရင် ၁.၂၆ ဆ၊ ဟန်ဂေရီ နိုင်ရင် ၉.၇၅ ဆနဲ့ သရေ အတွက် ကိုတော့ ၅.၆၀ ဆ ဆိုပြီး ကြေးဖွင့်လှစ်ပေးထားပါတယ်။ ပထမအကျော့ ဟန်ဂေရီ အိမ်ကွင်းမှာတုန်းက ဂျာမနီတို့ ခက်ခက်ခဲခဲ ကစားခဲ့ရပြီး သရေ တစ်မှတ်ပဲ ရခဲ့ပေမယ့် ဒီတစ်ကြိမ် အိမ်ကွင်းမှာတော့ ၃ မှတ် အပြည့် ယူဖို့ အားခဲထားပါလိမ့်မယ်။ ဟန်ဂေရီ ခံစစ်တောင့်တာ မှန်ပေမယ့် ဖလစ်ခ် ကလည်း ဗျူဟာ ကြွယ်တဲ့ နည်းပြ ဖြစ်လို့ အကောင်းဆုံး ဖြေရှင်းနိုင်မယ်လို့ ယုံကြည်နေပါတယ်။ ဂျာမနီ ၂-၀ သို့မဟုတ် ၂-၁ လောက်နဲ့ အနိုင်ရသွားနိုင်တဲ့ ပွဲလို့ပဲ ထင်ပါတယ်။

ခန့်မှန်းရလဒ်

ဂျာမနီ ၂-၁ ဟန်ဂေရီ

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )

ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.